24.9 C
Kollam
Wednesday, July 28, 2021
spot_img

500 രൂപ നോട്ടിൽ ഈ പച്ചവരകൾ കാണുന്നില്ലെങ്കിൽ ഉപയോഗിക്കരുത് ;സത്യമറിയാം

ന്യുഡൽഹി: പുതിയ 500 രൂപ കറൻസി നോട്ടുമായി ബന്ധപ്പെട്ട ഒരു പോസ്റ്റ് സോഷ്യൽ മീഡിയ പ്ലാറ്റ്‌ഫോമുകളിൽ വ്യാപകമായി പ്രചരിക്കുന്നുണ്ട്. കറൻസി നോട്ടിൽ കാണുന്ന പച്ചവരകൾ അഥവാ ഗ്രീൻ സ്ട്രിപ്പ് സംബന്ധിച്ചുള്ളതാണ് ഈ പോസ്റ്റ്. റിസർവ് ബാങ്ക് ഗവർണറുടെ ഒപ്പിന് സമീപമല്ലാതെ മഹാത്മാഗാന്ധിയുടെ ചിത്രത്തിനടുത്തായാണ് ഈ പച്ചവരകൾ കാണുന്നതെങ്കിൽ അത്തരം 500 രൂപ നോട്ടുകൾ വ്യാജമാണെന്ന തരത്തിലാണ് വാർത്തകൾ പ്രചരിക്കുന്നത്. എന്നാൽ അത് സത്യമാണോ ?

500 രൂപ കറൻസി നോട്ടുകളിൽ മഹാത്മഗാന്ധിയുടെ സമീപത്തായാണ് പച്ചവരകൾ കാണുന്നതെങ്കിൽ അത്തരം നോട്ടുകൾ വ്യാജമാണോ; പോസ്റ്റുകളിൽ വന്ന വാർത്തയുടെ സത്യമെന്ത് ?

പ്രസ് ഇൻ‌ഫർമേഷൻ ബ്യൂറോ (പി‌ഐ‌ബി)യുടെ ഫാക്ട് ചെക്ക് വിഭാഗമായ പി‌ഐ‌ബി ഫാക്റ്റ് ചെക്ക് കണ്ടെത്തിയ വിവരങ്ങൾ ഇതിന്റെ യാഥാർത്ഥ്യം വെളിപ്പെടുത്തും. യഥാർത്ഥത്തിൽ ഇതൊരു വ്യാജ വാർത്തയാണ്. 500 രൂപ നോട്ടിൽ കാണുന്നതുപോലെ ഗവർണറുടെ ഒപ്പിന് സമീപമോ (വലത് ഭാഗത്ത്) മഹാത്മാഗാന്ധിയുടെ ചിത്രത്തിനടുത്തോ (ഇടത് ഭാഗത്ത്) ആയിട്ടാണ് പച്ചവരകൾ ഉള്ളതെങ്കിൽ ആ രണ്ട് നോട്ടുകളും അസാധുവല്ല. ഇത്തരം നോട്ടുകൾ ഉപയോഗിക്കാൻ സാധിക്കുമെന്നും സോഷ്യൽ മീഡിയയിൽ ഇപ്പോൾ പ്രചരിക്കുന്ന ഈ പോസ്റ്റ് വ്യാജവും അടിസ്ഥാനരഹിതവുമാണെന്നും പിഐബി വ്യക്തമാക്കി.
2016 നവംബർ എട്ടിന് രാജ്യത്ത് നടപ്പാക്കിയ നോട്ട് നിരോധനത്തിന്റെ ഭാഗമായി പുതുതായി അച്ചടിച്ച 500 രൂപ നോട്ടുകളാണ് നമ്മൾ ഇപ്പോൾ കാണുന്ന ഈ പച്ച നിറത്തിലുള്ള ഈ കറൻസി നോട്ടുകൾ. വലിപ്പം, സുരക്ഷാ സവിശേഷതകളുടെ സ്ഥാനം, ഡിസൈൻ, തീം എന്നിവ പരിഗണിക്കുമ്പോൾ പുതിയ 500 രൂപ നോട്ടുകൾ പഴയ മഞ്ഞ നിറത്തിലുള്ള നോട്ടുകളിൽനിന്ന് വളരെ വ്യത്യസ്തമാണ്. പുതിയ നോട്ടിന്റെ വലുപ്പം 66 മിമീ x 150 മിമി ആണ്. ചാരനിറത്തിലുള്ള നോട്ടിൽ ചെങ്കോട്ടയുടെ ചിത്രമാണ് അച്ചടിച്ചിരിക്കുന്നത്.

കയ്യിൽ കിട്ടുന്ന 500 രൂപ നോട്ട് ഒറിജിനലാണോ എന്ന് എങ്ങിനെ തിരിച്ചറിയാം

നോട്ടിന്റെ എതിർവശത്ത് താഴെ ഇടത്തായി ‘500’ എന്ന് അക്കത്തിൽ എഴുതിയിട്ടുണ്ടാകും ചിത്രത്തിൽ 500 എന്ന് എഴുതിയിരിക്കുന്നത് തെളിഞ്ഞ് കാണാനാകും
ദേവനാഗ്രിയിൽ ലംബമായിട്ടാണ് ‘500’ എന്നെഴുതിയിരിക്കുക
മഹാത്മാഗാന്ധിയുടെ സ്ഥാനം മാറ്റിയിട്ടുണ്ട്. നിലവിൽ നോട്ടത്തിന്റെ മധ്യത്തിലാണ് ചിത്രം അച്ചടിച്ചിരിക്കുന്നത്
‘भारत’, ‘ഇന്ത്യ’ എന്നീ മൈക്കോ അക്ഷരങ്ങൾ മഹാത്മാഗാന്ധിയുടെ ഛായാചിത്രത്തിൽ ചരിച്ച് കൊടുത്തിരിക്കും
മഹാത്മാഗാന്ധിയുടെ ഛായാചിത്രത്തിന് തൊട്ടടുത്തായി ‘भारत’, ‘ആർ‌ബി‌ഐ’ എന്നിങ്ങനെ എഴുതിയിട്ടുള്ള കളർ ഷിഫ്റ്റ് വിൻ‌ഡോഡ് സെക്യൂരിറ്റി ത്രെഡ് കാണാനാകും. നോട്ട് ചരിച്ചാൽ ത്രെഡിന്റെ നിറം പച്ചയിൽ നിന്ന് നീലയായി മാറും
ഗ്യാരണ്ടി ക്ലോസ്, പ്രോമിസ് ക്ലോസ് ഉള്ള ഗവർണറുടെ ഒപ്പ്, മഹാത്മാഗാന്ധിയുടെ ഛായാചിത്രത്തിന്റെ വലതുവശത്തുള്ള ആർ‌ബി‌ഐ ചിഹ്നം
മഹാത്മാഗാന്ധിയുടെ ഛായാചിത്രത്തിൽ വാട്ടർമാർക്ക് കാണാം
നോട്ടിന്റെ മുകളിൽ ഇടത് വശത്തും താഴെ വലതുവശത്തുമായി ആരോഹണക്രമത്തിൽ അക്കങ്ങളുള്ള നമ്പർ പാനൽ ഉണ്ടാകും
താഴെ വലതുവശത്ത് ‘₹ 500’ എന്ന് നിറം മാറുന്ന തരത്തിൽ അച്ചടിച്ചിട്ടുണ്ട്. (പച്ചയിൽനിന്ന് നീലയിലേക്കാണ് നിറം മാറുക)
വലതുവശത്ത് അശോക സ്തംഭ ചിഹ്നം
കാഴ്ചയില്ലാത്തവർക്കുള്ള സവിശേഷതകൾ:

മഹാത്മാഗാന്ധി ഛായാചിത്രം (4), അശോക പില്ലർ ചിഹ്നം (11), വലതുവശത്ത് 500 എന്ന് ചെറിയ അക്കത്തിൽ വൃത്താകൃതിയിൽ അച്ചടിച്ചിരിക്കും. ഇടത്, വലത് വശങ്ങളിൽ അഞ്ച് കോണിലായി ബ്ലീഡ് ലൈനുകൾ.
നോട്ടിന്റെ മറുവശത്ത്, ഇടതുഭാഗത്തായി നോട്ട് അച്ചടിച്ച വർഷം
കറൻസിയുടെ പുറകിൽ ഇടത് വശത്തായി സ്വച്ഛ് ഭാരത് ലോഗോ കാണാം, ഇതിൽ മുദ്യാവാക്യവും കുറിച്ചിട്ടുണ്ടാകും
പുറകുവശത്ത് മധ്യഭാഗത്തായി വിവിധ ഭാഷകളിലായി 500 രൂപ എന്ന് അച്ചടിച്ചിട്ടുണ്ടാകും ചെങ്കോട്ടയുടെ ചിത്രവും 

Related Articles

stay connected

1,820FansLike
53FollowersFollow
1,850SubscribersSubscribe
- Advertisement -spot_img
- Advertisement -spot_img

Latest Articles