26.9 C
Kollam
Friday, January 28, 2022
spot_img

420 രൂപ വീതം നിക്ഷേപിച്ചാൽ 10,000 രൂപ പെൻഷൻ; മികച്ച പെൻഷൻ പദ്ധതികൾ അറിയാം

റിട്ടയര്‍മൻറ് കാലത്ത് മികച്ച വരുമാനം ലഭിക്കാൻ കുറഞ്ഞ തുകയിൽ നിക്ഷേപം നടത്താനാകുന്ന നിക്ഷേപ പദ്ധതികളിൽ നേരത്തെ പണം നിക്ഷേപിച്ചു തുടങ്ങാം. സര്‍ക്കാര്‍ ജീവനക്കാര്‍ക്ക് മാത്രമല്ല സാധാരണക്കാര്‍ക്കും പ്രായമായാൽ പ്രതിമാസ പെൻഷൻ ലഭിക്കത്തക്ക രീതിയിൽ നിക്ഷേപം നടത്താം. എല്ലാവര്‍ക്കുമായി വിവിധ ലക്ഷ്യങ്ങളോടെയുള്ള പെൻഷൻ പദ്ധതികൾ ഇപ്പോൾ ലഭ്യമാണ്. ഇതിന് വലിയ നിക്ഷേപ തുകയൊന്നും ആവശ്യമില്ല. വളരെ ചെറിയ തുക നീക്കി വെച്ച് നേരത്തെ നിക്ഷേപം തുടങ്ങിയാൽ പ്രതിമാസം 50,000 രൂപ മുതൽ 10,000 രൂപ വരെയും നിക്ഷേപിക്കുന്ന തുക അനുസരിച്ച് അതിൽ കൂടുതലുമൊക്കെ പെൻഷൻ നൽകുന്ന സര്‍ക്കാര്‍ പദ്ധതികളും ഉണ്ട്. 500 രൂപയിൽ താഴെ നിക്ഷേപിച്ച് മികച്ച നേട്ടം കൈവരിക്കാൻ ആകുന്ന പെൻഷൻ പദ്ധതികൾ അറിയാം.എല്ലാ നിക്ഷേപങ്ങളും പോലെ എത്ര നേരത്തേ പെൻഷൻ നിക്ഷേപം തുടരുന്നോ അത്രയും നേട്ടവും ലഭിക്കും. സര്‍ക്കാര്‍ പെൻഷൻ പദ്ധതികൾക്ക് കീഴിൽ ശ്രദ്ധേയമായ അടല്‍ പെന്‍ഷന്‍ യോജന പദ്ധതിയില്‍ ഭാര്യക്കും ഭര്‍ത്താവിനും നിക്ഷേപം നടത്താൻ ആകും. ഒരാൾക്ക് പരമാവധി പെൻഷൻ തുക 5,000 രൂപയാണെങ്കിലും ഇരുവരും പദ്ധതിയിൽ അംഗങ്ങളായാൽ 10,000 രൂപ വരെ പ്രതിമാസ പെൻഷൻ നേടാം.18 വയസിൽ പദ്ധതിയിൽ അംഗമാകുന്ന വ്യക്തിക്ക് പരമാവധി പെൻഷൻ ലഭിക്കാൻ മാസം 210 രൂപ വീതം അടച്ചാൽ മതിയാകും. പദ്ധതിയിൽ അംഗമാകുന്ന പ്രായം അനുസരിച്ച് പരമാവധി പെൻഷനായി ഉയര്‍ന്ന തുക നീക്കി വയ്ക്ക‍ണ്ടതായി വരും. 18 വയസിനും 40 വയസിനുമിടയിലുള്ളവര്‍ക്ക് പദ്ധതിയിൽ അംഗമാകാം. 60 വയസു മുതൽ പെൻഷൻ ലഭിക്കും.

വയവന്ദന പെൻഷൻ പദ്ധതി 2023 മാര്‍ച്ച് വരെ മാത്രം

മുതിര്‍ന്ന പൗരൻമാര്‍ക്ക് 10 വര്‍ഷക്കാലയളവിൽ മികച്ച പെൻഷൻ നൽകുന്ന പദ്ധതിയാണ് വയ വന്ദന യോജന. അടൽ പെൻഷൻ യോജന പോലെ തന്നെ ഒരു പെൻഷൻ പദ്ധതിയിൽ അംഗമായയാൾക്ക് പങ്കാളിയുടെ പേരിൽ മറ്റൊരു പോളിസി കൂടെ എടുക്കാനുമാകും. വയ വന്ദന പദ്ധതിക്ക് കീഴിൽ നിക്ഷേപകര്‍ ഒറ്റത്തവണയായോ, തവണകളായോ പരമാവധി നിക്ഷേപിക്കേണ്ട തുക 15 ലക്ഷം രൂപയാണ്. പെൻഷൻ തുക ഏകദേശം 10,000 രൂപയോളവും. നിലവിലെ പെൻഷൻ പദ്ധതികളിൽ ഉയര്‍ന്ന പലിശയുള്ള ഒരു സ്കീമാണിത്. എന്നാൽ കുറഞ്ഞ തുകയിലെ പ്രീമിയമുള്ള മറ്റ് പെൻഷൻ പദ്ധതികളുമായി താരതമ്യം ചെയ്യാനാകില്ല.

55 രൂപ വീതം നിക്ഷേപിക്കാമോ?

കുറ‍ഞ്ഞ വരുമാനക്കാര്‍ക്കും പ്രായാകുമ്പോൾ പെൻഷൻ നേടാൻ സര്‍ക്കാര്‍ പ്രത്യേക പെൻഷൻ പദ്ധതി നടപ്പാക്കിയിട്ടുണ്ട്. ശ്രം യോഗി മാൻധന യോജന പദ്ധതിക്ക് കീഴിൽ മുതൽ മുടക്കുന്ന എല്ലാ തൊഴിലാളികൾക്കും മികച്ച പ്രതിമാസ പെൻഷൻ ലഭിക്കും. 15,000 രൂപയിൽ താഴെ വരുമാനമുള്ള 18 വയസിനും 40 വയസിനും ഇടയിൽ പ്രായമുള്ളവര്‍ക്ക് പദ്ധതിയിൽ അംഗങ്ങളാകാം. 55 രൂപയാണ് ഏറ്റവും കുറഞ്ഞ പ്രതിമാസ നിക്ഷേപം . ഈ നിക്ഷേപത്തിന് തുല്യമായ തുക സര്‍ക്കാരും പെൻഷൻ ഫണ്ടിലേക്ക് നൽകും എന്നതാണ് പ്രധാന നേട്ടം. ഇപിഎഫ്ഒ, ഇഎസ്ഐസി, എൻപിസ് എന്നിവയിൽ അംഗമായിട്ടില്ലാ ത്തവര്‍ക്ക് മാത്രമാണ് ഈ പെൻഷൻ തുക ലഭിക്കുക.

Related Articles

stay connected

3,060FansLike
827FollowersFollow
7,490SubscribersSubscribe
- Advertisement -spot_img
- Advertisement -spot_img
- Advertisement -spot_img

Latest Articles