30.9 C
Kollam
Tuesday, August 3, 2021
spot_img

സോഷ്യല്‍ മീഡിയ ഇളക്കിമറിച്ച് ”  ഉസൈന്‍  ബോള്‍ട്ടിന്റെ ഇരട്ടകള്‍”

രിത്രത്തിലെ എക്കാലത്തേയും മികച്ച സ്പ്രിന്റ് താരമായ ഉസൈന്‍ ബോള്‍ട്ടിന്റെ മക്കളുടെ പേര് ഏറ്റെടുത്ത് സോഷ്യല്‍ മീഡിയ. ഫാദേഴ്‌സ് ഡേയ്ക്ക് ആണ് ഇരട്ടക്കുട്ടികള്‍ പിറന്നകാര്യം ബോള്‍ട്ട് വെളിപ്പെടുത്തിയത്. എക്കാലത്തേയും മികച്ച സ്പിന്റ് താരം ഉസൈന്‍ ബോള്‍ട്ടിന് കഴിഞ്ഞ ദിവസമാണ് ഇരട്ടക്കുട്ടികള്‍ പിറന്നത്. പങ്കാളി കേസി ബോള്‍ട്ടിനും തനിക്കും ആണ്‍കുട്ടികള്‍ പിറന്ന ബോള്‍ട്ട് ആരാധകരെ അറിയിക്കുകയായിരുന്നു. ഒളിമ്പിയ ലൈറ്റനിംഗ് ബോള്‍ട്ട് എന്ന ഒരു പെണ്‍കുട്ടി കൂടി ഇവര്‍ക്കുണ്ട്. ഇപ്പോഴത്തെ കുട്ടികള്‍ക്ക് ഇട്ട പേരും കൗതുകം നിറഞ്ഞതാണ്. തണ്ടര്‍ ബോള്‍ട്ടെന്നും സെയ്ന്റ് ലിയോ ബോള്‍ട്ടെന്നുമാണ് പേരിട്ടിരിക്കുന്നത്. 2020 മെയിലാണ് ആണ് ആദ്യ കുട്ടി പിറന്നത്. കുട്ടിക്ക് ഒളിമ്പിയ ലൈറ്റനിംഗ് ബോള്‍ട്ട് എന്ന് പേരിട്ടത് രണ്ടുമാസം കഴിഞ്ഞും. ട്രാക്കിലെ മിന്നല്‍പിണറെന്ന് വിശേഷിപ്പിക്കപ്പെടുന്ന ബോള്‍ട്ട് അതേ പേര് മകള്‍ക്കും നല്‍കി. മൂന്ന് ഒളിമ്പിക്‌സുകളിലായി എട്ട് സ്വര്‍ണം നേടിയ താരമാണ് ബോള്‍ട്ട്. അതുകൊണ്ടുതന്നെ ആദ്യ കുട്ടിയുടെ പേരില്‍ ഒളിമ്പിയ എന്ന് പേര് ചേര്‍ക്കാന്‍ ബോള്‍ട്ട് മടികാണിച്ചില്ല. ലൈറ്റനിങ്ങും തണ്ടറും. ഇടിമുഴക്കവും മിന്നലുമെല്ലാം ഒരു വിട്ടിലാണല്ലോ എന്നാണ് സോഷ്യല്‍ മീഡിയയില്‍ ബോള്‍ട്ടിന് ആശംസകളേകിയ ഒരു ആരാധകന്‍ ചോദിക്കുന്നത്. ബോള്‍ട്ടിന് കുട്ടികള്‍ പിറന്നകാര്യം അദ്ദേഹം ഫാദേഴ്‌സ് ഡേയ്ക്ക് ആണ് സമൂഹ മാധ്യമത്തിലൂടെ പുറത്തുവിട്ടത്. കുട്ടികളുടെ പേര് ഇപ്പോള്‍ സോഷ്യല്‍ മീഡിയ ഏറ്റെടുത്തിരിക്കുകയാണ്. ഒരുപക്ഷെ മറ്റൊരു കായിക താരവും തന്റെ മക്കള്‍ക്ക് കരിയറുമായി ബന്ധപ്പെട്ട പേര് നല്‍കിയിരിക്കില്ല. എന്നാല്‍ ജമൈക്കന്‍ ഇതിഹാസം കുട്ടികള്‍ക്ക് വ്യത്യസ്ത പേര് നല്‍കി ഒരിക്കല്‍ക്കൂടി കൈയ്യടിവാങ്ങുകയാണ്. സെയ്ന്റ് ലിയോ മാത്രമാണ് അല്‍പമെങ്കിലും വ്യത്യസ്തമായ പേര്. ഇത് എന്തുകൊണ്ടാണെന്നും ചിലര്‍ ബോള്‍ട്ടിനോട് ചോദിക്കുന്നുണ്ട്. എല്ലാ കാര്യത്തിലുമെന്നപോലെ കുട്ടികളുടെ പേരിടുന്ന കാര്യത്തിലും ബോള്‍ട്ട് കൂളായതില്‍ ആരാധകര്‍ അതിയായ സന്തോഷം പ്രകടിപ്പിച്ചു.2008, 2012, 2016 ഒളിമ്പിക്‌സുകളിലെ രാജാവായിരുന്നു ബോള്‍ട്ട്. സ്പ്രിന്റുകളില്‍ എതിരാളികളില്ലാതെ ബോള്‍ട്ടുമാത്രം കുതിക്കുന്നത് എത്രയോവട്ടം ആരാധകര്‍ കണ്ടു. 100, 200 മീറ്ററുകളിലെ ലോക റെക്കോര്‍ഡ് ഇപ്പോഴും ബോള്‍ട്ടിനാണ്. മൂന്ന് ഒളിമ്പിക്‌സുകളില്‍ തുടര്‍ച്ചയായി ഈ ഇനങ്ങളില്‍ സ്വര്‍ണം നേടിയ ഏക താരവും ബോള്‍ട്ട് തന്നെ. കരിയറില്‍ 23 മേജര്‍ ചാമ്പ്യന്‍ഷിപ്പുകളില്‍ സ്വര്‍ണം നേടിയിട്ടുണ്ട്. 2017ല്‍ വിരമിച്ചശേഷം പ്രൊഫഷണല്‍ ഫുട്‌ബോളില്‍ അരങ്ങേറ്റം നടത്തുകയും ചെയ്തിരുന്നു.

Related Articles

Stay Connected

22,036FansLike
2,883FollowersFollow
18,100SubscribersSubscribe
- Advertisement -spot_img

Latest Articles