26.9 C
Kollam
Friday, January 28, 2022
spot_img

സൂരജിന് പാമ്പിനെ കൈകാര്യം ചെയ്ത് ശീലമുണ്ട്; ഉത്രകേസിലെ തെളിവ് പുറത്ത്

കൊല്ലം: ഉത്ര വധക്കേസില്‍ ശിക്ഷാ വിധി നാളെ. പ്രതി സൂരജിന് പരമാവധി ശിക്ഷ ലഭിക്കും എന്ന പ്രതീക്ഷയിലാണ് ഉത്രയുടെ മാതാപിതാക്കളും അന്വേഷണ ഉദ്യോഗസ്ഥരും. കൊല്ലം ജില്ലാ അഡീഷണല്‍ സെഷന്‍സ് കോടതി ജഡ്ജി എം. മനോജ് ആണ് വിധി പ്രസ്താവിക്കുക. ഇതിനിടെ സൂരജ് പാമ്പുമായി നിൽക്കുന്ന ദൃശ്യവും പുറത്തു വന്നു. സമാനതകള്‍ ഇല്ലാത്ത കേസില്‍ സൂരജ് കുറ്റക്കാരന്‍ ആണെന്ന് കണ്ടെത്തിയ കോടതി നാളെ ശിക്ഷ വിധിക്കുമ്പോള്‍ ആകാംക്ഷയിലാണ് ഏവരും. പ്രതിക്ക് വധശിക്ഷ നല്‍കണമെന്ന വാദം അതിശക്തമായാണ് പ്രോസിക്യൂഷന്‍ ഉന്നയിച്ചത്. സൂരജിന് പാമ്പിനെ കൈകാര്യം ചെയ്ത് പരിചയമുണ്ടെന്ന ചിത്രം സമയം മലയാളത്തിന് ലഭിച്ചു.അടൂരിൽ കുറ്റക്കാരൻ്റെ വീട്ടിൽ പാമ്പുമായി നിൽക്കുന്ന ദൃശ്യമാണ് പുറത്തുവന്നത്. ഉത്രയുടെ കൊലപാതകം വിചിത്രവും പൈശാചികവും ദാരുണവും ആണെന്ന് പ്രോസിക്യൂഷൻ കോടതിയിൽ വാദമായി ഉന്നയിച്ചു. ഭാര്യ പാമ്പ് കടിയേറ്റ് വേദന കൊണ്ട് കരഞ്ഞപ്പോള്‍ സൂരജ് അടുത്ത കൊലപാതക ശ്രമം ആസൂത്രണം ചെയ്തത് ക്രൂരതയുടെയും കുറ്റക്കാരന് മാനസാന്തരം ഉണ്ടാകില്ല എന്നതിന്റെയും തെളിവാണെന്നും പ്രോസിക്യൂഷന്‍ വ്യക്തമാക്കി. സമൂഹത്തിന് കൃത്യമായ സന്ദേശം നല്‍കുന്ന വിധിയാണ് ഉണ്ടാകേണ്ടതെന്നാണ് പ്രോസിക്യൂഷന്‍ നിലപാട്.

കേസില്‍ പരമാവധി ശിക്ഷ തന്നെ പ്രതിക്ക് ലഭിക്കും എന്നാണ് ഉത്രയുടെ കുടുംബത്തിന്റെയും അന്വേഷണ ഉദ്യോഗസ്ഥരുടെയും പ്രതീക്ഷ. കഴിഞ്ഞ ദിവസം കോടതിയില്‍ തടിച്ചു കൂടിയ ജനങ്ങള്‍ പങ്കുവെച്ചതും പ്രതിക്ക് തൂക്കുകയര്‍ ലഭിക്കണം എന്ന ആവശ്യമാണ്. ഐ പി സി 302 കൊലപാതകം, 307 വധശ്രമം, 328 വിഷമുള്ള വസ്തുവിനെ ഉപയോഗിച്ചുള്ള കൊലപാതകം, 201 തെളിവ് നശിപ്പിക്കല്‍ എന്നീ വകുപ്പുകള്‍ പ്രകാരം പ്രതി കുറ്റക്കാരനാണെന്നാണ് കോടതിയുടെ കണ്ടെത്തല്‍. അതേസമയം മാതാപിതാക്കളും സഹോദരിയും മാത്രമാണ് വീട്ടിലുള്ളതെന്നാണ് കഴിഞ്ഞ ദിവസം പ്രതി കോടതിയോട് പറഞ്ഞത്.

Related Articles

stay connected

3,060FansLike
827FollowersFollow
7,490SubscribersSubscribe
- Advertisement -spot_img
- Advertisement -spot_img
- Advertisement -spot_img

Latest Articles