25.2 C
Kollam
Tuesday, August 9, 2022
spot_img

സിപിഐ കുരുക്കിൽ: വിവാദ മരംമുറി ഉത്തരവ് നിര്‍ദ്ദേശിച്ചത് മുൻ റവന്യൂ മന്ത്രിയെന്ന് റിപ്പോര്‍ട്ട്

ഈട്ടി, തേക്ക്, കരിമരം എന്നിവ മുറിക്കാനാവില്ലെന്ന നിയമവ്യവസ്ഥ മറികടക്കാനാണ് മന്ത്രി നിര്‍ദ്ദേശം മുന്നോട്ട് വച്ചത് എന്നാണ്  പറയുന്നത് .കാട്ടിലെ തടി തേവരുടെ ആന ..വലിയടാ വലിയടാ വലി എന്ന പഴംചോല്ലുപോലെയാണ്  ഇപ്പോൾ കാര്യങ്ങൾ 

തിരുവനന്തപുരം: വിവാദ മുട്ടിൽ മരംമുറി വിവാദ ഉത്തരവിറക്കാൻ നിര്‍ദ്ദേശം നൽകിയത് മുൻ റവന്യൂ മന്ത്രി ഇ ചന്ദ്രശേഖരൻ എന്ന് റിപ്പോര്‍ട്ട്. ഇതോടെ  സി പി ഐ   നേതൃത്വം കൂടുതൽ പ്രതിസന്ധിയിലായി  മന്ത്രി ഒപ്പിട്ട കുറിപ്പ് സഹിതമാണ്  വാർത്തകൾ പുറത്തുവരുന്നത് ഈട്ടി, തേക്ക്, കരിമരം എന്നിവ മുറിക്കാനാവില്ലെന്ന നിയമവ്യവസ്ഥ മറികടക്കാനാണ് മന്ത്രി നിര്‍ദ്ദേശം മുന്നോട്ട് വച്ചത് എന്നാണ് റിപ്പോര്‍ട്ടിൽ പറയുന്നത്. 2020 ഒക്ടോബര്‍ 5ന് മന്ത്രി ഇ ചന്ദ്രശേഖരൻ ഒപ്പിട്ട് നൽകിയ കുറിപ്പുംപുറത്തുവന്നിട്ടുണ്ട് 

റിപ്പോര്‍ട്ട് ഇങ്ങനെ,സംസ്ഥാന സര്‍ക്കാരിൽ നിക്ഷിപ്തമായ മരങ്ങളില്‍ ചന്ദനമരം ഒഴികെ എല്ലാ മരങ്ങളും പട്ടയം ലഭിച്ചവര്‍ക്ക് മുറിക്കാൻ അനുമതി നൽകുന്ന പ്രധാനപ്പെട്ട നിര്‍ദ്ദേശം നൽകുകയും ചെയ്യുന്നു. അതിനൊപ്പം തന്നെ മരം മുറിക്കുന്നതിന് ഏതെങ്കിലും ഉദ്യോഗസ്ഥന്റെ അനുവാദം ഈ പട്ടയമുള്ളവര്‍ വാങ്ങേണ്ട ആവശ്യമില്ല. അതിൽ തടസം നിൽക്കുന്ന ഉദ്യോഗസ്ഥര്‍ക്കെതിരെ നടപടി സ്വീകരിക്കണം തുടങ്ങിയുള്ള കാര്യങ്ങള്‍ റവന്യൂ മന്ത്രി നേരിട്ട് നിര്‍ദ്ദേശിക്കുകയായിരുന്നുവെന്ന് കുറിപ്പിൽ വ്യക്തമാകുന്നു
അതിന് പുറമെ, ഇത് സംബന്ധിച്ചുള്ള ചര്‍ച്ചകള്‍ പുരോഗമിക്കുന്നതിനിടെ രണ്ട് പ്രധാനപ്പെട്ട കാര്യങ്ങള്‍ ഉദ്യോഗസ്ഥര്‍ ചൂണ്ടിക്കാണിച്ചിരുന്നു. നിലനിൽക്കുന്ന നിയമങ്ങള്‍ അനുസരിച്ച് ഈട്ടി, തേക്ക്, കരിമരം എന്നിവ മുറിക്കാൻ കഴിയില്ലെന്നും ഇത് സര്‍ക്കാരിൽ നിക്ഷിപ്തമാണെന്ന് റവന്യു വകുപ്പ് സെക്രട്ടറി, അഡീഷണൽ സെക്രട്ടറി എന്നിവരടക്കം കണ്ട ഫയലിൽ രേഖപ്പെടുത്തിയിരിക്കുന്നു.ഈ മരങ്ങള്‍ മുറിക്കുന്നത് സംബന്ധിച്ച് സംസ്ഥാന സര്‍ക്കാര്‍ ഒരു സര്‍ക്കുലര്‍ പുറപ്പെടുവിച്ചിരുന്നു. ഈ സര്‍ക്കുലര്‍ അനുസരിച്ച് കോടതിയിൽ ചോദ്യം ചെയ്യപ്പെട്ടിരുന്നു. ഹൈക്കോടതി അത് പരിഗണിക്കുകയാണ്. ഈ കാര്യങ്ങള്‍ പരിഗണിച്ച് തന്നെ ഈ മരങ്ങള്‍ മുറിക്കാൻ അനുവാദം നൽകാൻ സാധിക്കില്ലെന്നും രേഖപ്പെടുത്തിയിട്ടുണ്ട് 

അതേസമയം, മേൽപ്പറഞ്ഞ നാല് മരങ്ങള്‍ ഒഴികെയുള്ള മരങ്ങള്‍ മുറിക്കുന്നതിന് തടസമില്ലെന്നും നിലനിൽക്കുന്ന ചട്ടങ്ങള്‍ക്ക് അനുസൃതമായി നിബന്ധനകള്‍ക്ക് അനുസൃതമായി പട്ടയമുള്ളവര്‍ക്ക് മുറിക്കുന്നതിന് അനുമതി നൽകാവുന്നതാണെന്നും ഫയലിൽ വ്യക്തമാക്കുന്നു.ഈ വിഷയങ്ങള്‍ മറികടന്നുകൊണ്ടാണ് 2020 ഒക്ടോബര്‍ അഞ്ചിന് “സി പി ഐ” യുടെ മന്ത്രി ഒപ്പിട്ട കുറിപ്പിൽ തേക്കും ഈട്ടിയുമടക്കമുള്ള മരങ്ങള്‍ മുറിക്കാമെന്നും അതിന് ആരുടേയും അനുവാദം വാങ്ങേണ്ടതില്ലെന്നും നിര്‍ദ്ദേശിച്ചിരിക്കുന്നത്. അത്തരത്തിൽ മരം മുറി നടത്തുന്നുവെങ്കിൽ തടസപ്പെടുത്തുന്ന ഉദ്യോഗസ്ഥര്‍ക്കെതിരെ നടപടിയെടുക്കണമെന്ന നിര്‍ദ്ദേശിച്ചിരിക്കുന്നത്.
മന്ത്രിയുടെ ഈ നിര്‍ദ്ദേശങ്ങളാണ് അതേ വര്‍ഷം ഒക്ടോബര്‍ 24ന് പുറത്തുവിട്ട ഉത്തരവിൽ പ്രിൻസിപ്പൽ സെക്രട്ടറി ജയതിലക് ഇറക്കിയിരിക്കുന്നത്. ഈ ഉത്തരവ് നിലനിന്നിരുന്ന നവംബര്‍, ഡിസംബര്‍, ജനുവരി മാസങ്ങളിലായി വ്യാപകമായ തോതിൽ മരം മുറി നടക്കുകയും ചെയ്തു .എത്ര കള്ളൻമാർ കപ്പലിൽ ഉണ്ടെന്നുള്ളതാണ്   ഇനിയുള്ള  അന്വേഷണത്തിൽ തെളിയേണ്ടത്

Related Articles

stay connected

3,660FansLike
800FollowersFollow
22,600SubscribersSubscribe
- Advertisement -spot_img
- Advertisement -spot_img

Latest Articles