26.1 C
Kollam
Friday, May 20, 2022
spot_img

സിംഹവാലൻ ആയി ചിലർക്ക് തോന്നിയ താടി വടിച്ചിട്ടുണ്ട്; ഇനി ഉള്ളത് നല്ല രണ്ടു കൊമ്പാണ്‌: സുരേഷ് ​ഗോപി

സുരേഷ് ഗോപിയുടെ താടി വച്ച ലുക്ക് സോഷ്യൽ മീഡിയയിൽ വൈറലായിരുന്നു. ഒറ്റക്കൊമ്പൻ എന്ന തന്റെ പുതിയ ചിത്രത്തിനു വേണ്ടിയുള്ള ലുക്കായിരുന്നു താരത്തിന്റേത്. എന്നാൽ സുരേഷ് ഗോപിയുടെ പുതിയ ലുക്കിൽ കുറേ ആളുകൾ താരത്തെ പരിഹസിച്ച് രംഗത്തെത്തിയിരുന്നു. അത്തരമൊരു പരിഹാസത്തിന് മറുപടിയുമായി സുരേഷ് ഗോപിയുടെ മകൻ ഗോകുൽ രംഗത്തെത്തുകയും ചെയ്തിരുന്നു.

ഇപ്പോൾ തന്റെ താടി വടിച്ച കാര്യം പങ്കുവച്ചിരിക്കുകയാണ് സുരേഷ് ഗോപി.രാജ്യസഭ എംപി എന്ന നിലയിൽ എന്റെ ആറു വർഷത്തെ കാലാവധി പൂർത്തിയാക്കുന്നതിൽ പിന്തുണച്ച എല്ലാവർക്കും നന്ദി പറയാൻ ഒരു നിമിഷം ചെലവഴിക്കുന്നു. നിങ്ങളുടെ പ്രോത്സാഹനം ഉള്ളതിനാൽ ഞാൻ എന്റെ കൈകൾ ശക്തമാക്കി. എന്റെ കാഴ്ചയ്ക്ക് പുരോഗതി കൈവരിച്ചു. പൂച്ച കടിച്ചതായും പാപ്പാഞ്ഞി ആയും സിംഹവാലൻ ആയും പലർക്കും തോന്നിയ എന്റെ താടി നിങ്ങളുടെ ആവശ്യത്തിലേക്കുള്ള എന്റെ ചുമതല കഴിഞ്ഞതുകൊണ്ട് വടിച്ച് കളഞ്ഞിട്ടുണ്ട്.. ഇനി ഉള്ളത് നല്ല രണ്ടു കൊമ്പാണ്‌.ഒറ്റക്കൊമ്പന്റെ കൊമ്പ്- എന്നാണ് സുരേഷ് ഗോപി ഫെയ്സ്ബുക്കിൽ കുറിച്ചിരിക്കുന്നത്. 

കഴി‍ഞ്ഞ ദിവസം ഒരു ഭാഗത്ത് സുരേഷ് ഗോപിയുടെ ചിത്രവും ഒരു ഭാഗത്ത് സിംഹവാലൻ കുരങ്ങിന്റെ ചിത്രവും ചേർത്തുവച്ച് എഡിറ്റ് ചെയ്ത ചിത്രം സോഷ്യൽ മീഡിയയിൽ പ്രത്യക്ഷപ്പെട്ടിരുന്നു. ഈ ചിത്രത്തിന് രണ്ട് വ്യത്യാസങ്ങളുണ്ട്. കണ്ടുപിടിക്കാമോ എന്ന കുറിപ്പിനോടൊപ്പം ആയിരുന്നു ചിത്രം പ്രചരിച്ചിരുന്നത്. പോസ്റ്റിന് ഉടൻ മറുപടിയുമായി സുരേഷ് ഗോപിയുടെ മകൻ ഗോകുലും രംഗത്തെത്തി. ലെഫ്റ്റിൽ നിന്റെ തന്തയും, റൈറ്റിൽ എന്റെ തന്തയും എന്നായിരുന്നു ഗോകുലിന്റെ മറുപടി. ഗോകുലിന്റെ ഈ മറുപടിയും ആരാധകർ ഏറ്റെടുത്തിരുന്നു.

Related Articles

stay connected

3,320FansLike
800FollowersFollow
17,300SubscribersSubscribe
- Advertisement -spot_img

Latest Articles