24.9 C
Kollam
Wednesday, July 28, 2021
spot_img

സബ് രജിസ്ട്രാർ ഓഫീസിലും സ്‌കൂളുകളിലും മോഷണം; പണവും ഡിജിറ്റൽ ക്യാമറയും മോഷ്ടിച്ചു

പന്തളം:   പന്തളം സബ് രജിസ്ട്രാർ ഓഫീസ്, എൻഎസ്എസ് ബോയ്സ് ഹൈസ്കൂൾ, എൻഎസ്എസ് ഗേൾസ് ഹൈസ്കൂൾ, എന്നിവിടങ്ങളിലാണു മോഷണം നടന്നത്.   രജിസ്ട്രാർ ഓഫീസിലും സ്കൂളിലുമടക്കം  പന്തളത്ത് മൂന്നിടങ്ങളിൽ നടന്ന മോഷണത്തിൽ പണവും ഡിജിറ്റൽ ക്യാമറയുമടക്കം കവർന്നു. സബ് രജിസ്ട്രാർ ഓഫീസിൻ്റെ മുൻഭാഗത്തെ ഗ്രില്ലും വാതിലും തകർത്താണ് മോഷ്ടാവ് അകത്തു കയറിയത്. മേശയുടെ പൂട്ടു തകർത്ത് അതിൽ സൂക്ഷിച്ചിരുന്ന 18,000 രൂപയും അലമാരയിൽ നിന്നു ഡിജിറ്റൽ ക്യാമറയും മോഷ്ടിച്ചു. സ്ട്രോംഗ് റൂമിൻ്റെ പൂട്ടു തകർത്ത് അകത്തു കയറി അവിടെ സൂക്ഷിച്ചിരുന്ന രേഖകൾ പുറത്തിട്ടെങ്കിലും ഒന്നും നഷ്ട്ടമായില്ലെന്നാണ് പ്രാഥമിക നിഗമനം.
പന്തളം എസ്എച്ച്ഒ എസ്. ശ്രീകുമാറിൻ്റെ നേതൃത്വത്തിലുള്ള പോലീസ് സംഘം സ്ഥലത്തെത്തി കേസെടുത്ത് അന്വേഷണമാരംഭിച്ചു. ഡോഗ് സ്ക്വാഡും വിരലടയാള വിദഗ്ദ്ധരും മോഷണം നടന്ന സ്ഥലങ്ങളിൽ എത്തി നിന്നും തെളിവുകൾ ശേഖരിച്ചു

എൻഎസ്എസ് ഗേൾസ്‌ ഹൈസ്കൂളിൽ പ്രഥമാദ്ധ്യാപികയുടെ ഓഫീസ് മുറിയുടെ രണ്ടു താഴുകളും പൂട്ടും പൊളിച്ചാണ് മോഷ്ടാവ് ഉള്ളിൽ കയറിയത്. അവിടെ നിന്നും മേശയുടെ പൂട്ടു തകർത്താണ് അതിൽ നിന്നു 13,500 രൂപ കവർന്നത്. തൊട്ടടുത്തു തന്നെയുള്ള ബോയ്സ് ഹൈസ്കൂളിലും പ്രഥമാദ്ധ്യാപികയുടെ ഓഫീസ് മുറിയുടെ വാതിലിൻ്റെ പൂട്ടുകൾ തകർത്താണ് കള്ളൻ കയറിയത്. ഇവിടെയും മേശയുടെയും അലമാരകളുടെയും പൂട്ടുകൾ തകർത്ത് അകത്തിരുന്ന ഫയലുകളും സാധനങ്ങളും എടുത്ത് വെളിയിൽ ഇട്ട നിലയിലാണ്.എന്നാൽ ഇവിടെയിരുന്ന വസ്തുക്കൾ ഒന്നും നഷ്ട്ടമായിട്ടില്ല.

Related Articles

stay connected

1,820FansLike
53FollowersFollow
1,850SubscribersSubscribe
- Advertisement -spot_img
- Advertisement -spot_img

Latest Articles