24.9 C
Kollam
Wednesday, July 28, 2021
spot_img

സഖ്യത്തിൽ ‘കല്ലുകടി’, പ്രതിഷേധവുമായി ജോസ് കെ മാണി

നിയമസഭാ കയ്യാങ്കളി കേസുമായി ബന്ധപ്പെട്ട കേസിൽ കെ എം മാണി അഴിമതിക്കാരനായിരുന്നുവെന്ന് സംസ്ഥാന സർക്കാർ അഭിഭാഷകൻ;അപമാനകരമായ  വാക്കുകളെന്നു ജോസ് കെ.മാണി സഖ്യത്തിൽ വിള്ളൽ 

കോട്ടയം: നിയമസഭ കയ്യാങ്കളിക്കേസിൽ സർക്കാർ സുപ്രീം കോടതിയിൽ സ്വീകരിച്ച നിലപാടിൽ കേരളാ കോൺഗ്രസ് എമ്മിൽ എതിർപ്പ് വ്യപകം. കെ എം മാണി അഴിമതിക്കാരനായിരുന്നുവെന്ന സർക്കാർ നിലപാടിനെതിരെയാണ് ജോസ് കെ മാണി പക്ഷത്തെ    രോക്ഷം കൊള്ളിക്കുകയും  പരസ്യ അഭിപ്രായവുമായി നേതൃത്വത്തെ രംഗത്തുവരുകയും ചെയ്തു . സർക്കാർ സ്വീകരിച്ച നിലപാടിനെതിരെ പ്രതിപക്ഷം അടക്കമുള്ളവർ രംഗത്തുവന്നതോടെ സിപിഎം പ്രതിരോധത്തിലായി. കേരളാ കോൺഗ്രസിനെയും സിപിഎമ്മിനെയും ഒരുപോലെ ബാധിക്കുന്ന വിഷയത്തിൽ നിലപാട് വ്യക്തമാക്കാൻ നേതൃത്വം ഇതുവരെ തയ്യാറായിട്ടില്ല. എന്നാൽ ശക്തമായ നിലപാട് സ്വീകരിക്കുമെന്ന സൂചനയാണ് കേരളാ കോൺഗ്രസ്  നേതൃത്വം  പറയുന്നത് 

നിയമസഭാ കയ്യാങ്കളി കേസുമായി ബന്ധപ്പെട്ട കേസിൽ കെ എം മാണി അഴിമതിക്കാരനായിരുന്നുവെന്ന് സംസ്ഥാന സർക്കാർ അഭിഭാഷകൻ സുപ്രീം കോടതിയെ അറിയിച്ചുവെന്ന റിപ്പോർട്ട് പുറത്തു വന്നതോടെയാണ് വിവാദം ആരംഭിച്ചത്. എന്തുകൊണ്ടാണ് എം എൽ എമാരുടെ ഭാഗത്ത് നിന്നും ഇത്തരമൊരു സമീപനം ഉണ്ടായതെന്ന കോടതിയുടെ ചോദ്യത്തിനായിരുന്നു അഭിഭാഷകൻ്റെ ഈ മറുപടി. അഴിമതി നടത്തിയ മന്ത്രിക്കെതിരെയാണ് നിയമസഭയിൽ പ്രതിഷേധിച്ചത്. അന്നത്തെ ധനമന്ത്രിക്കെതിരെയുള്ള പ്രതിഷേധമാണ് അന്നുണ്ടായത്. പ്രതിഷേധിക്കാൻ അംഗങ്ങൾക്ക് അവകാശമുണ്ടെന്നും സർക്കാർ സുപ്രീംകോടതിയിൽ വ്യക്തമാക്കിയിരുന്നു.
കേരളാ നിയമസഭയിൽ നടന്നത് പോലെ പാർലമെന്റിലും നടക്കുന്നുണ്ടെന്നും ഇത്തരം നടപടിയോട് യോജിക്കാൻ കഴിയില്ലെന്നുമാണ് ജസ്റ്റിസ് ഡി വൈചന്ദ്രചൂഡ് വ്യക്തമാക്കിയത്. ഈ വിഷയത്തിൽ ഒരു തീരുമാനം സ്വീകരിക്കേണ്ടതുണ്ട്. മൈക്ക് വലിച്ചൂരി തറയിലെറിഞ്ഞ എം എൽ എ വിചാരണ നേരിടണം. നിയമസഭയിൽ എം എൽ എമാർ സ്വീകരിച്ചത്  കവലകളിൽ കാണിക്കുന്ന നാലാംതരം പ്രകടമായിരുന്നു  എന്നും സർക്കാർ അഭിഭാഷകന്റെ  നിലപാട് ശരിയല്ലെന്നും    ജനാധിപത്യത്തെ വെല്ലുവിളിക്കുന്ന   സമീപനം ഒരിക്കലും അംഗീകരിക്കാൻ കഴിയില്ലെന്നും  മാപ്പർഹിക്കാത്ത പെരുമാറ്റമാണ് ഉണ്ടായതെന്നും  കേരളം കോൺഗ്രസ്സ്ധ വ്യക്തമാക്കുന്നു ബില്ല് പാസാക്കുന്നത് തടഞ്ഞവർക്ക് എന്ത് പരിരക്ഷയാണ് നൽകേണ്ടതെന്നും കോടതി ചോദിച്ചു.

നിയമസഭ കയ്യാങ്കളിക്കേസ് പിൻ വാലിക്കണമെന്ന് ആവശ്യപ്പെട്ട് സംസ്ഥാന സർക്കാർ സര്‍ക്കാര്‍ നല്‍കിയ ഹർജി പരിഗണിക്കവെയാണ് കോടതി നിലപാട് ശക്തമാക്കിയത്.കെ എം മാണി അഴിമതിക്കാരനായിരുന്നുവെന്ന് സർക്കാർ അഭിഭാഷകൻ സുപ്രീം കോടതിയിൽ സ്വീകരിച്ച നിലപാടിനെതിരെ ജോസ് കെ മാണി രംഗത്തുവന്നു    അഭിഭാഷകനോട് അടിയന്തരമായി വിശദീകരണം തേടണമെന്ന് കേരളാ കോൺഗ്രസ് ആവശ്യപ്പെട്ടു. അഭിഭാഷകനോടും സർക്കാരിനോടും ജോസ് കെ മാണി കടുത്ത പ്രതിഷേധം അറിയിച്ചു. കെ എം മാണിക്കെതിരെ സുപ്രീം കോടതിയിൽ സ്വീകരിച്ച നിലപാട് തിരുത്തണമെന്ന ആവശ്യമാണ് ഇവർ മുന്നോട്ട് വെക്കുന്നത്. അതേസമയം, സുപ്രീംകോടതിയില്‍ അഭിപ്രായം പറഞ്ഞ അഭിഭാഷകനെ പഴിചാരി പ്രതിരോധിക്കാനാണ് സർക്കാർ ശ്രമം നടത്തുന്നത്.
സാഹചര്യം മുതലെടുത്ത് യുഡിഎഫ് രംഗത്തെത്തിയിട്ടുണ്ട് 


സർക്കാർ അഭിഭാഷകൻ സുപ്രീം കോടതിയിൽ സ്വീകരിച്ച നിലപാടിനെതിരെ കേരളാ കോൺഗ്രസ് തന്നെ രംഗത്തുവന്ന സാഹചര്യത്തിൽ നിലപാട് കടുപ്പിക്കുകയാണ് യു ഡി എഫ്. കെ എം മാണിയെ അപമാനിച്ച ഇടത് മുന്നണിയിൽ തുടരണോ എന്ന് കേരളാ കോൺഗ്രസ് തീരുമാനിക്കണമെന്ന് പ്രതിപക്ഷ നേതാവ് വിഡി സതീശൻ വ്യക്തമാക്കി. കേരളാ കോൺഗ്രസ് ഒരു രാഷ്ട്രീയ തീരുമാനം സ്വീകരിക്കണമെന്നും അദ്ദേഹം പറഞ്ഞു. സർക്കാരിൻ്റെ നിലപാടിനെതിരെ ജോസ് കെ മാണിയുടെ നിലപാട് എന്താണെന്ന് പി ജെ ജോസഫ് ചോദിച്ചു. മാണി അഴിമതിക്കാരനല്ല എന്ന നിലപാടിൽ ഉറച്ച് നിൽക്കുകയാണെന്നും അദ്ദേഹം കൂട്ടിച്ചേർത്തു.
ആത്മാഭിമാനമുണ്ടെങ്കിൽ കേരളാ കോൺഗ്രസ് എൽഡിഎഫിനുള്ള പിന്തുണ പിൻവലിക്കണമെന്ന് കേരള ജനപക്ഷം നേതാവ് പി സി ജോർജ് തിങ്കളാഴ്ച പറഞ്ഞു. കെഎം മാണി അഴിമതിക്കാരനാണെന്ന് സുപ്രീം കോടതിയിൽ വ്യക്തമാക്കിയ സിപിഎമ്മിനൊപ്പം നിൽക്കില്ലെന്ന് ജോസ് കെ മാണിയാണ് പറയേണ്ടത്. അതിനുള്ള ധാർമ്മിക ഉത്തരവാദിത്തം അദ്ദേഹത്തിനുണ്ട്. കെ എം മാണി അഴിമതിക്കാരനാണെന്നാണ് ഇടതുമുന്നണിയുടെ എക്കാലത്തെയും നിലപാട്. ഇത്തരം നിലപാട് സ്വീകരിച്ച പാർട്ടിക്കൊപ്പം പോയത് തന്നെ ജോസ് കെ മാണിക്ക് അപമാനമാണ്. ഇടത് മുന്നണിക്ക് നൽകുന്ന പിന്തുണ പിൻവലിക്കുകയാണ് ചെയ്യേണ്ടത്. അതിന് സാധിക്കുന്നില്ലെങ്കിൽ കെ എം മാണിയോട് സ്നേഹമുള്ള പ്രവർത്തകരെങ്കിലും ഇടതുപക്ഷത്തിനുള്ള പിന്തുണ പിൻവലിക്കാൻ തയ്യാറാകണം. അല്ലാത്ത പക്ഷം കെ എം മാണി അഴിമതിക്കാരനാണെന്ന് ജോസ് കെ മാണി തന്നെ സമ്മതിക്കുന്നതിന് തുല്യമായ അവസ്ഥയാകുമെന്നും പി സി ജോർജ് പരിഹസിച്ചു.


Related Articles

stay connected

1,820FansLike
53FollowersFollow
1,850SubscribersSubscribe
- Advertisement -spot_img
- Advertisement -spot_img

Latest Articles