24.9 C
Kollam
Wednesday, July 28, 2021
spot_img

ശരീരത്തിന്റെ മടക്കുകളിലെ ഇരുണ്ട നിറം ;കാരണം ഇതാണ്

ശരീരത്തിന്റെ ഇടുക്കുകളില്‍ ഇരുണ്ട നിറവും ചര്‍മ വ്യത്യാസവും പലരേയും അലട്ടുന്ന പ്രശ്‌നമാണ്. ഇതിന് ചില കാരണങ്ങളുമുണ്ട്.ഇത് രോഗമല്ല, എന്നാല്‍ രോഗ ലക്ഷണമാണെന്നു പറയാം. പല രോഗാവസ്ഥകളുടേയും ലക്ഷണമായി ഇത്തരം ചര്‍മം പ്രത്യക്ഷപ്പെടാം. അമിത വണ്ണമുള്ളവരില്‍ ഇത് സാധാരണ കണ്ടു വരുന്ന ഒന്നാണ്. അമിത വണ്ണമുള്ളവരെ ശ്രദ്ധിച്ചാല്‍ ഇത്തരം ഭാഗങ്ങളില്‍ ഇത്തരം ചര്‍മം കാണപ്പെടാം. ചില തരം സിന്‍ഡ്രോം കാരണമായി ഇതു വരുന്നു. പോളിസിസ്‌ററിക് ഓവറി സിന്‍ഡ്രോം പോലെയുള്ളവയ്ക്ക് ഇത് വരും. മറ്റു പല ആരോഗ്യ പരമായ കാരണങ്ങളും ഇതിനുണ്ടാകാം. ഇത് ചര്‍മത്തില്‍ വരുന്ന അവസ്ഥയെങ്കില്‍ക്കൂടി ആരോഗ്യപരമായ കാരണങ്ങളാണ് പ്രധാനം.അക്കാന്തോസിസ് നൈഗ്രിക്കന്‍സ് എന്ന ശാരീരികാവസ്ഥ പലരിലും കാണാറുണ്ട്. അതായത് ശരീരത്തിന്റെ ചില പ്രത്യേക ഭാഗങ്ങളില്‍ വരുന്ന കറുത്ത നിറം. ഇത് തുടയിടുക്കിലാകാം, കഴുത്തിലോ കക്ഷത്തിലോ ആകാം.

സ്ത്രീകളില്‍ ചിലര്‍ക്ക് മാറിടത്തിന് അടിഭാഗത്താകാം. പലര്‍ക്കും ഇത് ഏറെ മാനസിക പ്രയാസങ്ങള്‍ വരുത്തുന്ന ഒന്നാണ്. ഈ ഭാഗത്തെ ചര്‍മം വളരെ ഇരുണ്ടിരിയ്ക്കും. ഇതു പോലെ ചര്‍മം കട്ടി കൂടുകയും ചെയ്യും. ചിലപ്പോള്‍ വെല്‍വെറ്റ് രൂപത്തില്‍ ഇത് കാണപ്പെടും. ഇത് മിക്കവാറും ശരീരത്തിലെ ഇടുക്കുകളിലും മടക്കുകളിലുമാണ് കാണുക. കയ്യിന്റെ ഇടുക്കിലും കാലിന്റെ ഇടുക്കിലും കൈമുട്ടിലുമെല്ലാം വരും. ചിലരില്‍ ഈ ഭാഗത്ത് ചര്‍മം വല്ലാതെ വരണ്ടതുമാകാം.
ഇത് മാറാന്‍ ചെയ്യാവുന്ന വഴികള്‍ ചിലതുണ്ട്. അക്കാന്തോസിസ് നൈഗ്രിക്കന്‍സ് മാറാന്‍ ആരോഗ്യപരമായ ഇത്തരം കാര്യങ്ങള്‍ക്ക് ചികിത്സ തേടുക തന്നെ വേണം.

ടെസ്റ്റിലൂടെ ഇത് കണ്ടു പിടിയ്ക്കാന്‍ സാധിയ്ക്കും. അക്കാന്തോസിസ് നൈഗ്രിക്കന്‍സ് ഏതു കാരണം കൊണ്ടാണ് ഉണ്ടാകുന്നതെന്ന് കണ്ടു പിടിയ്‌ക്കേണ്ടത് വളരെ അത്യാവശ്യമാണ്. സ്‌കിന്‍ സ്‌പെഷലിസ്റ്റ് അല്ലെങ്കില്‍ ഡെര്‍മറ്റോളജിസ്റ്റ്, എന്‍ഡോക്രൈനോളജിസ്റ്റ്, ഗൈനക്കോളജിസ്റ്റ് എന്നിങ്ങനെ പലരുടേയും കംപെയ്ന്‍ഡ് ചികിത്സ ഇതിന് ആവശ്യമായി വരുന്നു. മരുന്നുകള്‍ കാരണമെങ്കില്‍ ആവശ്യമില്ലെങ്കില്‍ ഡോക്ടറോട് ചോദിച്ചു നിര്‍ത്താം.
ഇതു കൂടാതെ ഇതു വരാന്‍ കാരണം മരുന്നുകളാണ്. ചില പ്രത്യേക തരം മരുന്നുകള്‍ കഴിയ്ക്കുമ്പോള്‍. പ്രത്യേകിച്ചും വായിലൂടെ സ്റ്റിറോയ്ഡുകള്‍ കഴിയ്ക്കുമ്പോള്‍ ഈ അവസ്ഥ വരാറുണ്ട്. ഇതു പോലെ ഇന്‍സുലിന്‍ എടുക്കുന്നവരില്‍ ഇന്‍സുലിന്‍ അളവ് കൂടുതലായാല്‍ ഇത് വരും. ഇതു പോലെ നിക്കോട്ടിനിന്‍ എന്ന വൈറ്റമിന്‍ ബി അളവ് കൂടിയാലും ഇത്തരം ചര്‍മം പ്രത്യക്ഷപ്പെടാം. ഇതു പോലെ ചില ഹോര്‍മോണ്‍ ഗുളികകള്‍ കഴിയ്ക്കുമ്പോള്‍ ഇതുണ്ടാകാം

Related Articles

stay connected

1,820FansLike
53FollowersFollow
1,850SubscribersSubscribe
- Advertisement -spot_img
- Advertisement -spot_img

Latest Articles