29.9 C
Kollam
Tuesday, August 3, 2021
spot_img

വിരമിച്ച പോലീസുകാർക്ക് ‘പുല്ലുവില’ പരാതിക്ക് പരിഹാരം

പത്തനംതിട്ട:  വിരമിച്ചാൽ ആരും ഗൗനിക്കുന്നില്ലെന്ന  പോലീസുകാരുടെ പരാതിക്ക് പരിഹാരം. സംസ്ഥാനത്തെ വിരമിച്ച പോലീസ് ഉദ്യോഗസ്ഥർക്ക് തിരിച്ചറിയൽ കാർഡ്. വിരമിച്ച പോലീസുകാർ ഏറെ കാലമായി ഉന്നയിക്കുന്ന ആവശ്യത്തിനാണ് ഇതോടെ പരിഹാമായത്. പത്തനംതിട്ടയിലാണ് ഇത്തരത്തിൽ ആദ്യമായി കാർഡുകൾ വിതരണം ചെയ്തത്. കേരളാ പോലീസ് പെൻഷനേഴ്സ് അസോസിയേഷൻ സംസ്ഥാന കമ്മറ്റി നിരന്തരമായി ഈ ആവശ്യം സംസ്ഥാന സർക്കാരിനു മുൻപിൽ സമർപ്പിച്ചിരുന്നു. തുടർന്ന് നടത്തിയ ചർച്ചകളുടെ ഫലമായി ഉണ്ടായ തിരുമാനത്തിന്റെ അടിസ്ഥാനത്തിൽ ഡിജിപി ഇതിനായി ഉത്തരവ് പുറപ്പെടുവിച്ചിരുന്നു.
ഈ ഉത്തരവിന്റെ അടിസ്ഥാനത്തിൽ സംസ്ഥാനത്ത് ആദ്യമായി പോലീസ് പെൻഷനേഴ്സ് ഐഡി കാർഡ് പത്തനംതിട്ട ജില്ലയിൽ നൽകി തുടങ്ങിയത്. പത്തനംതിട്ട ജില്ലാ പോലീസ് ഓഫിസിൽ ചേർന്ന യോഗത്തിൽ ജില്ലാ പോലിസ് മേധാവി ആർ നിശാന്തിനി കാർഡ് വിതരണം ഉത്ഘാടനം ചെയ്തു. കേരളാ പോലീസ് പെൻഷനേഴ് അസോസിയേഷൻ ജില്ലാ പ്രസിഡന്റും മുൻ സർക്കിൾ ഇൻസ് പെക്ടറുമായ കെ.എൻ. മോഹൻ ബാബു ആദ്യ കാർഡ് ഏറ്റുവാങ്ങി.

ജില്ലാ സെകട്ടറി ശ്രീകുമാറും കാർഡ് ഏറ്റുവാങ്ങി. ചടങ്ങിൽ അഡി : ജില്ലാ പോലിസ് സൂപ്രണ്ട് .. രാജൻ, ജില്ലാ സ്പെഷ്യൽ ബ്രാഞ്ച് ഡി.വൈ.എസ്.പി . സുധാകരൻ പിള്ള ,ജീല്ലാ പോലിസ് സഹകരണ സംഘം പ്രസിഡന്റ് ഇ.നിസ്സാമുദിൻ മുൻ പോലീസ് സേനാഗങ്ങൾ ആയ തോമസ് ജോൺ , ശശിന്ദ്രൻ , കെ.എസ്.. ദാസ്സ് , നാസ്സർ , ഹനിഫ എന്നിവരും . ജില്ലാ സ്പെഷ്യൽ സെൽ എസ്.ഐ . രാജേന്ദ്രൻ പിള്ള തുടങ്ങിയവർ പങ്കെടുത്തു. പോലീസ് സേനയില്‍ വര്‍ഷങ്ങളോളം സേവനമനുഷ്ഠിച്ച ശേഷം വിരമിച്ചവരുടെ പോലീസ് വകുപ്പുമായി ബന്ധപ്പെട്ട വിവിധ ആവശ്യങ്ങള്‍ക്ക് ഏതുസമയവും ജില്ലാ പോലീസ് ഓഫീസുമായി ബന്ധപ്പെടാനും ആവശ്യങ്ങള്‍ സാധിച്ചെടുക്കാനും എല്ലാ സഹായവും ഉറപ്പാക്കുമെന്ന് ജില്ലാ പോലീസ് മേധാവി ആര്‍. നിശാന്തിനി പറഞ്ഞു. ജില്ലയിലെ പോലീസ് സ്റ്റേഷനുകളിലും പോലീസ് ഓഫീസുകളിലും അത്യാവശ്യഘട്ടങ്ങളില്‍ തിരിച്ചറിയല്‍ കാര്‍ഡുകള്‍ ഉപകരിക്കുമെന്നും ജില്ലാ പോലീസ് മേധാവി അറിയിച്ചു.

ജില്ലയില്‍ നിന്നും വിവിധ കാലയളവില്‍ റിട്ടയര്‍ ചെയ്ത നൂറ്റമ്പതോളം പോലീസ് ഉദ്യോഗസ്ഥര്‍ക്കാണ് കാര്‍ഡുകള്‍ വിതരണം ചെയ്തത്. സര്‍വീസില്‍ നിന്നും വിരമിച്ചവരുടെ വര്‍ഷങ്ങളോളമുള്ള ആവശ്യമായിരുന്നു തിരിച്ചറിയല്‍ കാര്‍ഡ് അനുവദിക്കുക എന്നത്. സംസ്ഥാന സര്‍ക്കാരിന്റെ 2013 ലെ ഇതുസംബന്ധിച്ച ഉത്തരവിന്റെ അടിസ്ഥാനത്തില്‍ ജില്ലാ പോലീസ് മേധാവിയുടെ പ്രത്യേക താല്‍പ്പര്യപ്രകാരമാണ് ഇപ്പോള്‍ ദീര്‍ഘകാല ആവശ്യം സഫലമായത് 

Related Articles

stay connected

1,530FansLike
54FollowersFollow
1,860SubscribersSubscribe
- Advertisement -spot_img
- Advertisement -spot_img

Latest Articles