27.9 C
Kollam
Sunday, June 26, 2022
spot_img

എല്ലാംനടിയുടെ സമ്മതത്തോടെ’;ചിത്രങ്ങളും ചാറ്റുകളും കോടതിയ്ക്ക് കൈമാറി വിജയ് ബാബു

കൊച്ചി: തനിക്കെതിരായ ബലാത്സംഗക്കേസിൽ നടിയ്ക്കെതിരെ തെളിവുകളുമായി പ്രതി വിജയ് ബാബു കോടതിയിൽ. നടിയുമായി ലൈംഗികബന്ധത്തിൽ ഏര്‍പ്പെട്ടത് ഉഭയകക്ഷിസമ്മതത്തോടെ ആണെന്നാണ് വിജയ് ബാബുവിൻ്റെ വാദം. വിദേശത്ത് ഒളിവിൽ കഴിയുന്ന വിജയ് ബാബുവിനെ തിരിച്ചെത്തിക്കാനുള്ള ശ്രമം പോലീസ് തുടരുന്നതിനിടെയാണ് പ്രതിഭാഗത്തിൻ്റെ നീക്കം. നടിയും താനും തമ്മിലുള്ള ചാറ്റുകളും ചിത്രങ്ങളും വിജയ് ബാബു കോടതിയിൽ സമര്‍പ്പിച്ചു.നടിയും താനും തമ്മിൽ ലൈംഗികബന്ധത്തിൽ ഏര്‍പ്പെട്ടത് പരസ്പരസമ്മതത്തോടെയാണെന്നാണ് വിജയ് ബാബുവിൻ്റെ വാദം. മാര്‍ച്ച് 16ന് ഡി ഹോംസ് സ്യൂട്ട്സ് അപ്പാര്‍ട്ട്മെന്‍്റൽ വെച്ചും മാര്‍ച് 22ന് കടവന്ത്രയിലെ ഒലിവ് ഡൗൺ ടൗൺ ഹോട്ടലിൽ വെച്ചും പീഡിപ്പിച്ചെന്നാണ് നടി പോലീസിനു നല്‍കിയിരിക്കുന്ന പരാതി.

എന്നാൽ 2018 മുതൽ തനിക്ക് പരാതിക്കാരിയായ നടിയെ അറിയാമെന്നും സിനിമയിൽ അവസരം ലഭിക്കാനായി ഇവര്‍ നിരന്തരം ബന്ധപ്പെട്ടിരുന്നുവെന്നുവെന്നും വിജയ് ബാബു ചൂണ്ടിക്കാട്ടുന്നു. തന്‍റെ കൈയ്യിൽ നിന്ന് പരാതിക്കാരി പലപ്പോഴായി പണം കടം വാങ്ങിയിട്ടുണ്ടെന്നും നിര്‍മാതാവ് ഹൈക്കോടതിയെ അരിയിച്ചു. പീഡനം നടന്നെന്നു പറയുന്ന തീയതിയ്ക്കു ശേഷം ഏപ്രിൽ 12ന് തന്‍റെ ഉടമസ്ഥതയിലുളള ബ്യൂട്ടി ക്ലിനിക്കിൽ നടി എത്തിയിരുന്നു. ഇവിടെ വെച്ച് ഭാര്യയുമായി സംസാരിക്കുകയും ചെയ്തു. ഇതിന്‍റെ സിസിടിവി ദൃശ്യങ്ങളും കൈയ്യിലുണ്ട്. രണ്ട് ദിവസത്തി്നു ശേഷം മറൈൻഡ്രൈവിലെ ലിങ്ക് ഹൊറൈസൺ ഫ്ലാറ്റിലെത്തിയ നടി തന്‍റെ പുതിയ ചിത്രത്തിലെ നായികയോട് ദേഷ്യപ്പെട്ടെന്നും വിജയ് ബാബു കോടതിയിൽ നല്‍കിയ രേഖകളിൽ വ്യക്തമാക്കി.

അതേസമയം, കേസിൽ അറസ്റ്റ് ഭയന്നല്ല താൻ വിദേശത്ത് എത്തിയതെന്നാണ് വിജയ് ബാബുവിൻ്റെ നിലപാട്. യുഎഇ ഗോള്‍ഡൻ വിസയുടെ രേഖകള്‍ ശരിയാക്കാനായാണ് ഏപ്രിൽ 24ന് വിദേശത്തു പോയത്.എന്നാൽ ജോര്‍ജിയയിൽ ഒളിവിൽ കഴിയുന്ന വിജയ് ബാബുവിനെ തിരിച്ചെത്തിക്കാനുള്ള ശ്രമം തുടരുകയാണ് പോലീസ്. സമാന്തരമായി മുൻകൂര്‍ ജാമ്യാപേക്ഷയുമായി വിജയ് ബാബു ഹൈക്കോടതിയെ സമീപിച്ചിട്ടുണ്ട്. ഈ ഹര്‍ജി കോടതി ഇന്നു പരിഗണിക്കും. എന്നാൽ മടക്കയാത്രയ്ക്കുള്ള രേഖകള്‍ സമര്‍പ്പിച്ചാൽ മാത്രമേ ഹര്‍ജി പരിഗണിക്കൂ എന്നാണ് കോടതി ഇന്നലെ അറിയിച്ചത്. തിങ്കളാഴ്ച രാവിലെ 9 മണിയോടെ കൊച്ചിയിലെത്തുമെന്നാണ് വിജയ് ബാബു കോടതിയെ അറിയിച്ചത്.

അതേസമയം, ചൊവ്വാഴ്ചയ്ക്കകം തിരിച്ചെത്തണമെന്നായിരുന്നു കേസ് അന്വേഷിക്കുന്ന കൊച്ചി സിറ്റി പോലീസിൻ്റെ അന്ത്യശാസനം. ഇതു ലംഘിച്ചതോടെ ഇന്‍റര്‍പോള്‍ വഴി റെഡ് കോര്‍ണര്‍ നോട്ടീസ് നല്‍കാനും എംബസിയുടെ സഹായത്തോടെ വിജയ് ബാബുവിനെ തിരിച്ചെത്തിക്കാനുമാണ് പോലീസ് ഒരുങ്ങുന്നത്. ഈ സാഹചര്യത്തിൽ അതിനിടെ നടിയെ ബലാത്സംഗം ചെയ്ത കേസിൽ വിദേശത്ത് ഒളിവിൽക്കഴിയുന്ന നടൻ വിജയ് ബാബു സമർപ്പിച്ച മുൻകൂർ ജാമ്യാപേക്ഷ ഹൈക്കോടതി ഇന്ന് പരിഗണിക്കും. തിരികെയെത്താനുളള യാത്രാ രേഖകൾ സമർപ്പിച്ചാലേ ഹർജി പരിഗണിക്കൂ എന്ന് സിംഗിൾ ബെഞ്ച് ഇന്നലെ നിലപാടെടുത്തിരുന്നു. യാത്രാ രേഖകൾ ഹാജരാക്കിയ വിജയ് ബാബു തിങ്കളാഴ്ച രാവിലെ 9 മണിക്ക് കൊച്ചിയിലെത്തുമെന്ന് കോടതിയെ അറിയിച്ചു. ഈ പശ്ചാത്തലത്തിലാണ് ഹർജി പരിഗണിക്കുന്നത്. എന്നാൽ ഇരുപത്തിനാലിനകം തിരികെയെത്തണമെന്ന കൊച്ചി സിറ്റി പൊലീസിന്‍റെ അന്ത്യശാസനം അവഗണിച്ച വിജയ് ബാബുവിനെതിരെ ഇന്‍റർപോൾ വഴി റെഡ് കോർണർ നോട്ടീസ് പുറപ്പെടുവിക്കാൻ നടപടി തുടരുകയാണ്.

Related Articles

stay connected

3,430FansLike
800FollowersFollow
19,100SubscribersSubscribe
- Advertisement -spot_img

Latest Articles