ഇതിഹാസ ഗായിക ലതാ മങ്കേഷ്‌കറുടെ വിയോഗത്തിൽ അനുശോചനം അറിയിച്ച് സംഗീതസംവിധായകന്‍ എആര്‍ റഹ്മാന്‍. ലതാ മങ്കേഷ്‌കറുമൊത്തുള്ള ഒരു പഴയ ഫോട്ടോ എആര്‍ റഹ്മാന്‍ ട്വിറ്ററിൽ പങ്കുവച്ചു. ലതാ മങ്കേഷ്‌കറിന്റെ മരണശേഷം, അക്ഷയ് കുമാറും വിശാല്‍ ദദ്‌ലാനിയും ഉള്‍പ്പെടെ നിരവധി താരങ്ങള്‍ ഇതിഹാസത്തെ അനുസ്മരിക്കാന്‍ അതത് സോഷ്യല്‍ മീഡിയ പേജുകളില്‍ എത്തി. അവരുടെ കടുത്ത ആരാധകര്‍ എല്ലാ സോഷ്യല്‍ മീഡിയ പ്ലാറ്റ്‌ഫോമുകളിലും ഫോട്ടോയും വീഡിയോയും ആദരാഞ്ജലികള്‍ പങ്കിടുന്നു. സംസ്കാരം ഞായറാഴ്ച വൈകിട്ട് ആറിന് നടക്കും. മുംബൈ ദാദറിലെ ശിവജി പാര്‍ക്കിലാണ് അന്ത്യവിശ്രമം ഒരുക്കുക. മൃതദേഹം ഉച്ചയ്ക്ക് 12 മുതല്‍ 3 വരെ പെദ്ദാര്‍ റോഡിലെ വസതിയില്‍ സൂക്ഷിക്കും. പിന്നീട് 4.30ന് മൃതദേഹം ശിവാജി പാര്‍ക്കിലേക്ക് മാറ്റും.
- Advertisement -