30.9 C
Kollam
Tuesday, August 3, 2021
spot_img

റിയൽമി C25sന്റെ വില കൂട്ടിലോഞ്ച്; കഴിഞ്ഞ് രണ്ടാഴ്ച മാത്രം

ചൈനീസ് സ്മാർട്ട്ഫോൺ നിർമ്മാതാക്കളായ റിയൽമി ഈ മാസം എട്ടാം തിയതിയാണ് കൊട്ടിഘോഷിക്കാതെ റിയൽമി C25s സ്മാർട്ട്ഫോൺ ഇന്ത്യയിൽ അവതരിപ്പിച്ചത്.

ഏപ്രിലിൽ വില്പനക്കെത്തിയ റിയൽമി C25നേക്കാൾ ഫീച്ചറുകളിൽ മികവ് പുലർത്തുന്ന ബജറ്റ് സ്മാർട്ട്ഫോൺ ആയാണ് റിയൽമി C25sന്റെ വരവ്. 4 ജിബി റാം + 64 ജിബി സ്റ്റോറേജ് പതിപ്പിന് 9,999 രൂപയും 4 ജിബി റാം + 128 ജിബി സ്റ്റോറേജ് പതിപ്പിന് 10,999 രൂപയുമാണ് വില. അതെ സമയം ലോഞ്ച് കഴിഞ്ഞ രണ്ടാഴ്ച തികയുമ്പോഴേക്കും റിയൽമി C25sന്റെ വില കൂട്ടി. 500 രൂപയാണ് റിയൽമി വർദ്ധിപ്പിച്ചത്. ഇതോടെ 4 ജിബി റാം + 64 ജിബി സ്റ്റോറേജ് പതിപ്പിന്റെ വില 10,499 രൂപയായും, 4 ജിബി റാം + 128 ജിബി സ്റ്റോറേജ് പതിപ്പിൻ്റെ വില 11,499 രൂപയായും വർദ്ധിച്ചു.

വാട്ടറി ഗ്രേ, വാട്ടറി ബ്ലൂ എന്നീ രണ്ട് നിറങ്ങളിൽ ലഭ്യമായ റിയൽമി C25s, ആൻഡ്രോയിഡ് 11 അടിസ്ഥാനമായ റിയൽമി യുഐ 2.0 ഓപ്പറേറ്റിംഗ് സിസ്റ്റത്തിലാണ് പ്രവർത്തിക്കുന്നത്. 88.7 ശതമാനം സ്‌ക്രീൻ-ടു-ബോഡി റേഷ്യോ, ടിയുവി റൈൻ‌ലാൻഡ് സർട്ടിഫിക്കേഷൻ, 570 നിറ്റ്സ് പീക്ക് ബ്രൈറ്റ്നസ് എന്നിവയുള്ള 6.5 ഇഞ്ച് എച്ച്ഡി + (720×1,600 പിക്‌സൽ) എൽസിഡി മൾട്ടി-ടച്ച് ഡിസ്‌പ്ലേയാണ് ഹാൻഡ്സെറ്റിന്. 4 ജിബി റാമുമായി ചേർന്ന് പ്രവർത്തിക്കുന്ന മീഡിയടെക് ഹീലിയോ ജി 85 SoCയാണ് ഫോണിന്റെ കരുത്ത്. 128 ജിബി വരെയുള്ള ഇന്റെർണൽ മെമ്മറി മൈക്രോ എസ്ഡി കാർഡ് വഴി 256 ജിബി വരെയായി വർദ്ധിപ്പിക്കാം.


13 മെഗാപിക്സൽ മെയിൻ സെൻസർ, 2 മെഗാപിക്സൽ ബ്ലാക്ക് ആൻഡ് വൈറ്റ് സെൻസർ, 2 മെഗാപിക്സൽ മാക്രോ ലെൻസ് എന്നിങ്ങനെ ട്രിപ്പിൾ ക്യാമറ റിയൽമി C25sൽ ക്രമീകരിച്ചിട്ടുണ്ട്. സൂപ്പർ നൈറ്റ്സ്കേപ്പ്, അൾട്രാ മാക്രോ മോഡ് തുടങ്ങിയ ഫീച്ചറുകൾ കാമറ സപ്പോർട്ട് ചെയ്യും. മുൻവശത്ത് 8 മെഗാപിക്സൽ സെൽഫി ക്യാമറയാണ്.


8W ഫാസ്റ്റ് ചാർജിംഗ് പിന്തുണയുള്ള 6,000mAh ബാറ്ററിയാണ് റിയൽമി C25sൽ പായ്ക്ക് ചെയ്യുന്നത്. വെറും 5 ശതമാനം ചാർജ് ഉപയോഗിച്ച് 5.65 മണിക്കൂർ സ്‌പോട്ടിഫൈ, 70.36 മണിക്കൂർ സ്റ്റാൻഡ്‌ബൈ സമയം, 2.52 മണിക്കൂർ കോളിംഗ് അല്ലെങ്കിൽ 1.92 മണിക്കൂർ വാട്ട്‌സ്ആപ്പ് ചാറ്റിംഗ് ചെയ്യാമെന്നാണ് റിയൽമിയുടെ അവകാശവാദം.

Related Articles

Stay Connected

22,036FansLike
2,883FollowersFollow
18,100SubscribersSubscribe
- Advertisement -spot_img

Latest Articles