27.9 C
Kollam
Monday, June 14, 2021
spot_img

‘രക്ത ശുദ്ധി നഷ്‌ടമാകും’: കോടതി കയറി ക്‌നാനായ സഭയിലെ ആചാരം, വിധിയിൽ സ്‌റ്റേ നേടി

കോട്ടയം: സഭയ്‌ക്ക് പുറത്ത് നിന്നുള്ളവരെ വിവാഹം ചെയ്യുന്നവരെ പുറത്താക്കുന്ന നടപടിക്കെതിരെ കോട്ടയം അഡീഷണൽ സബ് കോടതിയുടെ ഭാഗത്ത് നിന്നുമുണ്ടായ വിധിക്കെതിരെ ക്‌നാനായ സഭരംഗത്ത്. സഭയുടെ നടപടി കോടതി സ്‌റ്റേ ചെയ്‌തതോടെ ജില്ലാ കോടതിയിൽ അപ്പീൽ നൽകി സഭ വിധി സ്‌റ്റേ ചെയ്യിച്ചു.സബ് കോടതി വിധി ജില്ലാ കോടതി സ്‌റ്റേ ചെയ്‌തെങ്കിലും അടുത്തയാഴ്‌ച കോടതി വീണ്ടും വാദം കേൾക്കും. സഭയ്‌ക്ക് പുറത്ത് നിന്നുള്ളവരെ വിവാഹം ചെയ്യുന്നവരെ കൂട്ടായ്‌മയിൽ നിന്ന് പുറത്താക്കുന്ന നടപടിക്കെതിരെ സഭയിൽ നിന്ന് പുറത്തായവർ ചേർന്ന് രൂപീകരിച്ച ക്‌നാനായ കത്തോലിക്ക നവീകരണ സമിതിയാണ് കോടതിയെ സമീപിച്ചത്.

സബ്കോടതി വിധി ജില്ലാ കോടതി സ്‌റ്റേ ചെയ്‌തോടെ ക്‌നാനായ സമൂഹത്തിൽ തുടർന്നുവരുന്ന നൂറിലധികം വർഷം പഴക്കമുള്ള ആചാരങ്ങളാണ് കോടതിയിൽ ചോദ്യം ചെയ്യപ്പെടുന്നത്. കഴിഞ്ഞ ഏപ്രിൽ 30നാണ് നിർണായക വിധി കോട്ടയം ആഡീഷണൽ സബ് കോടതിയുടെ ഭാഗത്ത് നിന്നുണ്ടായത്. ഏതെങ്കിലും ഒരു കത്തോലിക്ക രൂപതയിൽപ്പെടുന്ന അംഗത്തെ വിവാഹം ചെയ്‌തതിൻ്റെ പേരിൽ ആ വ്യക്തിയെ സഭയിൽ നിന്നും പുറത്താക്കാൻ പാടില്ലെന്നും അത്തരം നടപടികളിൽ നിന്ന് കോട്ടയം അതിരൂപത മെത്രപ്പോലീത്ത, സീറോ മലബാർ സഭാ മേജൻ ആർച്ച് ബിഷപ്പ് എന്നിവരെ വിലക്കണമെന്നുമാണ് കോടതി വ്യക്തമാക്കിയത്.സബ് കോടതിയുടെ ഭാഗത്ത് നിന്നുമുണ്ടായ വിധി അംഗീകരിക്കാതിരുന്ന സഭ ജില്ലാ കോടതിയിൽ അപ്പീൽ നൽകി സ്‌റ്റേ നേടിയെടുക്കുകയായിരുന്നു. ഇതോടെ ഇരു വിഭാഗങ്ങളും തമ്മിലുള്ള തർക്കം കോടതിയിലെത്തി. ഈ സാഹചര്യത്തിൽ ക്‌നാനായ സഭയുടെ ആചാരണങ്ങൾ കോടതിയിൽ ചോദ്യം ചെയ്യപ്പെടാനുള്ള സാഹചര്യമുണ്ടായി. വംശീയ സ്വത്വവും രക്ത ശുദ്ധിയും നിലനിർത്തുകയെന്ന ലക്ഷ്യത്തോടെയാണ് വിവാഹം അടക്കമുള്ള ആചാരണങ്ങൾ തുടരുന്നതെന്നാണ് സഭ വ്യക്തമാക്കുന്നത്. മറ്റ് വിഭാഗങ്ങളിൽപ്പെട്ടവരെ വിവാഹം ചെയ്‌തതടക്കമുള്ള കുറ്റങ്ങൾ ചുമത്തി ഇതുവരെ ഒരു ലക്ഷത്തിലധികം പേരെ സഭ പുറത്താക്കിയതായാണ് റിപ്പോർട്ട്.

Related Articles

LEAVE A REPLY

Please enter your comment!
Please enter your name here

Stay Connected

22,036FansLike
2,809FollowersFollow
17,800SubscribersSubscribe
- Advertisement -spot_img

Latest Articles