24.9 C
Kollam
Wednesday, July 28, 2021
spot_img

യുവാവിനു മർദ്ദനം; ക്വട്ടേഷൻ സംഘത്തിലെ രണ്ട് പേർ പിടിയിൽ

പോലീസ് പിടിയിലായ  ക്വട്ടേഷൻ സംഘത്തിലെ  കരിക്കോട് സ്വദേശി അഭിലാഷ് മങ്ങാട് സ്വദേശി സാജൻ 

ശക്തികുളങ്ങര ; യുവാവിനെ മർദ്ദിച്ച സംഭവത്തിൽ ക്വട്ടേഷൻ സംഘത്തിലെ രണ്ടുപേരെ ശക്തികുളങ്ങര പൊലീസ് അറസ്റ്റ് ചെയ്തു. കരിക്കോട് സ്വദേശി അഭിലാഷ് (28), മങ്ങാട് സ്വദേശി സാജൻ (30) എന്നിവരാണ് അറസ്റ്റിലായത്.  മാർച്ച് 25 ന് വൈകുന്നേരമാണ് കൊല്ലം ബൈപാസിനു സമീപം ആൽത്തറമൂട്ടിൽ മത്സ്യകച്ചവടം നടത്തിയ ജോസഫിനെ ബൈക്കിൽമുഖം മൂടി അണിഞ്ഞെത്തിയ ആറംഗ സംഘം ക്രൂരമായി വെട്ടി പരിക്കേൽപ്പിച്ചത്. ഇരുമ്പുവടി കൊണ്ട് കൈകാലുകൾ തല്ലി ഒടിച്ചു. ആളു കൂടിയതോടെ പ്രതികൾ ബൈക്കിൽ രക്ഷപെട്ടു. അന്വേഷണത്തിൽ ബൈക്കിൻറ നമ്പർ വ്യാജമെന്ന് കണ്ടെത്തിയിരുന്നു. സമീപത്തെ സി.സി.ടി.വി ദൃശ്യങ്ങൾ പരിശോധിച്ചെങ്കിലും വ്യക്തമായ സൂചന ലഭിച്ചില്ല. കൊല്ലം ബൈപാസ്  സി.സി.ടി.വിയിൽ നിന്നുമാണ് പ്രതികളെപ്പറ്റി ഏകദേശ വിവരങ്ങൾ ലഭിച്ചത്. ശക്തികുളങ്ങര പൊലീസും സൈബർ സെല്ലും നടത്തിയ ശാസ്ത്രീയമായ അന്വേഷണത്തിലാണ് പ്രതികളെ പറ്റിയുള്ള സൂചനകൾ ലഭിച്ചത്. രണ്ടുപേരെ കസ്റ്റഡിയിലെടുത്ത് ചോദ്യം ചെയ്തപ്പോഴാണ് ക്വട്ടേഷൻ ആണെന്ന് വ്യക്തമായത്.  ശക്തികുളങ്ങരയിൽ വീടാക്രമണവുമായി ബന്ധപ്പെട്ട് ഇടപെട്ടതിനെ ചൊല്ലിയാണ് ജോസഫിനെതിരെ ആക്രമണം നടന്നതെന്ന് പൊലീസ് പറയുന്നത്. ആക്രമണത്തിനിരയായ ജോസഫ് ഇപ്പോഴും പരസഹായമില്ലാതെ ഒന്നും ചെയ്യാൻ പറ്റാത്ത അവസ്ഥയിലാണ്.

Related Articles

stay connected

1,820FansLike
53FollowersFollow
1,850SubscribersSubscribe
- Advertisement -spot_img
- Advertisement -spot_img

Latest Articles