28.9 C
Kollam
Saturday, July 31, 2021
spot_img

മൊബൈൽ ഗെയിം: 9-ാം ക്ലാസുകാരൻ കളഞ്ഞത് അമ്മയുടെ 3 ലക്ഷം രൂപ

കൊച്ചി: എറണാകുളത്ത്  വിദ്യാര്‍ഥി മൊബൈൽ ഗെയിം കളിച്ച് വൻതുക നഷ്ടപ്പെടുത്തിയതായി റിപ്പോര്‍ട്ട്.ഫ്രീ ഫയര്‍ എന്ന ഓൺലൈൻ ഗെയിം കളിച്ചാണ് കുട്ടി പണം നഷ്ടപ്പെടുത്തയതെന്നാണ് പോലീസിനെ ഉദ്ധരിച്ചുള്ള മാതൃഭൂമി റിപ്പോര്‍ട്ട്. അക്കൗണ്ടിൽ നിന്ന് പണം നഷ്ടമായതായി കാണിച്ച് അമ്മയാണ് പരാതിയുമായി എത്തിയത്. തുടര്‍ന്ന് വിഷയത്തിൽ അന്വേഷണം നടത്തിയതോടെ പോലീസിന് ഗൗരവം ബോധ്യപ്പെട്ടു. എസ്  പി യുടെ  നേതൃത്വത്തിൽ സൈബര്‍ പോലീസ് സംഘമാണ് സംഭവം അന്വേഷിക്കുന്നത് . ആലുവ സ്വദേശിയായ ഒൻപതാം ക്ലാസുകാരനാണ് അമ്മയുടെ അക്കൗണ്ടിൽ നിന്ന് മൂന്ന് ലക്ഷത്തോളം രൂപ നഷ്ടപ്പെടുത്തിയത്. സംഭവത്തിൽ ജില്ല പോലീസ് മേധാവി കെ കാര്‍ത്തിക്കിന് പരാതി ലഭിച്ചെന്നും പോലീസ് വിഷയത്തിൽ ബോധവത്കരണത്തിന് ഒരുങ്ങുകയാണെന്നുമാണ് റിപ്പോര്‍ട്ട്.

മൊബൈൽ ഫോണുമായി ബന്ധപ്പെടുത്തിയിട്ടുള്ള ബാങ്ക് അക്കൗണ്ടുകളും ക്രെഡിറ്റ്, ഡെബിറ്റ് കാര്‍ഡുകളും വഴിയാണ് പണം മുടക്കിയാണ്  ഗെയിം കളിക്കുന്നത്  സദാസമയവും ഗെയിം കളിച്ചിരുന്ന കുട്ടി പലപ്പോഴായി ഗെയിമിനുള്ളിൽ പുതിയ സ്കിന്നുകള്‍, ആയുധങ്ങള്‍ തുടങ്ങിയവയ്ക്കായി നാൽപതു രൂപ മുതൽ നാലായിരത്തോളം രൂപ വരെ ചെലവഴിച്ചിരുന്നുവെന്ന് പോലീസ് കണ്ടെത്തി. ഇത്തരത്തിൽ ഒരു ദിവസം തന്നെ കുട്ടി പത്ത് തവണ വരെ പണം നല്‍കിയിട്ടുണ്ടെന്ന് റിപ്പോര്‍ട്ടിൽ പറഞ്ഞു. പല ദിവസങ്ങളിലായി പണം നഷ്ടപ്പെട്ടെങ്കിലും വൻതുക പോയതിനു ശേഷമായിരുന്നു മാതാപിതാക്കള്‍ വിവരമറിഞ്ഞത്. മൊബൈലിലെ ഓൺലൈൻ ഗെയിമുകളുമായി ബന്ധപ്പെട്ട്  പോലീസ് ബോധവത്കരണ പരിപാടികള്‍ തുടങ്ങുമെന്നാണ് അറിയിപ്പ്.

Related Articles

Stay Connected

22,036FansLike
2,875FollowersFollow
18,100SubscribersSubscribe
- Advertisement -spot_img

Latest Articles