29.9 C
Kollam
Sunday, January 23, 2022
spot_img

മേയർ ആര്യ രാജേന്ദ്രനെ അധിക്ഷേപിച്ച് കെ മുരളീധരൻ

തിരുവനന്തപുരം: കോർപ്പറേഷൻ മേയർ ആര്യ രാജേന്ദ്രനെ വ്യക്തിപരമായി അധിക്ഷേപിച്ച് കോൺഗ്രസ് നേതാവും എം പിയുമായ കെ മുരളീധരൻ. തിരുവനന്തപുരം മേയർക്ക് സൗന്ദര്യമുണ്ടെങ്കിലും വായിൽ നിന്ന് പുറത്തുവരുന്ന കൊടുങ്ങല്ലൂർ ഭരണിപ്പാട്ടിനേക്കാൾ ഭയാനകമായ ചില വർത്തമാനങ്ങൾ ആണ്. ഇങ്ങനെയുള്ള ഒരുപാടുപേരെ കണ്ടിട്ടുള്ള നഗരസഭയാണ് ഇതെന്നും കോർപ്പറേഷനിലെ നികുതി വെട്ടിപ്പിനെതിരെ കോൺഗ്രസ് നടത്തിയ സമരത്തിൽ പ്രസംഗിക്കുന്നതിനിടെ മുരളീധരൻ പറഞ്ഞു. ഇങ്ങനെയുള്ള ഒരുപാടു പേരെ കണ്ടിട്ടുള്ള നഗരസഭയാണ് തിരുവനന്തപുരം. കോർപ്പറേഷനിലെ കൗൺസിലർമാർ സമരം നടത്തുന്നതും അതിനോട് അനുബന്ധിച്ചുള്ള സമരങ്ങളും മുഖ്യമന്ത്രി കാണുന്നുണ്ട്. പക്ഷെ ഒരു വാക്ക് പറയാൻ അദ്ദേഹം ഇതുവരെ തയ്യാറായിട്ടില്ല. കാരണം മൂപ്പരുടെ സർക്കാർ കക്കുന്നതിൻ്റെ മൂന്നിൽ ഒന്നാണല്ലോ ഇവിടെ നടക്കുന്നത്എം പി പത്‌മനാഭനെ പോലെയുള്ളവർ ഇരുന്ന കസേരയിലാണ് ആര്യാ രാജേന്ദ്രൻ ഇരിക്കുന്നത്.

അതുകൊണ്ട് അവരോട് ഒരു കാര്യം വിനയപൂർവം പറയാം. ദയവായി അരക്കള്ളൻ മുക്കാൽക്കള്ളനിലെ കനകസിംഹാസനത്തിൽ എന്ന പാട്ട് ഞങ്ങളെക്കൊണ്ട് പാടിക്കരുതെന്ന് മാത്രമാണ് അവരോട് പറയാനുള്ളത്. കാണാൻ നല്ല സൗന്ദര്യമൊക്കെയു ണ്ടെങ്കിലും വായിൽ നിന്നും വരുന്നത് കൊടുങ്ങല്ലൂർ ഭരണിപ്പാട്ടിനേക്കൾ ഭയാനകമായ ചില വർത്തമാനങ്ങളാണ്. ഇതൊക്കെ ഒറ്റ മഴയത്തു മാത്രം കിളുത്തതാണ്. മഴയ കഴിയുമ്പോഴേക്കും സംഭവം തീരുമെന്നും മുരളീധരൻ പറഞ്ഞു കോര്‍പ്പറേഷൻ കൗൺസിൽ യോഗത്തിലാണ് നികുതി തട്ടിപ്പ് നടന്നതായി മേയര്‍ തുറന്ന് സമ്മതിച്ചിരുന്നു. ആറ്റിപ്ര, നേമം, ശ്രീകാര്യം സോണൽ ഓഫീസുകള്‍ നന്നായി 32 ലക്ഷം രൂപയുടെ ക്രമക്കേട് ആണ് നഗരസഭ ഓഡിറ്റ് വിഭാഗം കണ്ടെത്തിയത്. തട്ടിപ്പ് നടത്തിയതായി കണ്ടെത്തിയ ശ്രീകാര്യം സോണിലെ രണ്ട് ജീവനക്കാരെ സസ്പെന്‍ഡ് ചെയ്തു.നേമം സോണിൽ മാത്രം 25 ലക്ഷം രൂപയുടെ ക്രമക്കേട് നടന്നുവെന്നാണ് കണ്ടെത്തിയി രിക്കുന്നത്. സൂപ്രണ്ട് എസ് ശാന്തി അടക്കമുള്ളവരെ സസ്പെൻഡ് ചെയ്തിട്ടുണ്ട്. രണ്ട് സോണിലും നികുതി തട്ടിപ്പിൽ ക്രിമിനൽ കേസെടുത്ത് പൊലീസ് അന്വേഷണം ആരംഭിച്ചിട്ടുണ്ട്.

ആറ്റിപ്ര സോണിൽ ഒരു ലക്ഷം രൂപയുടെ ക്രമക്കേട് നടന്നുവെന്നാണ് ഇതുവരെ യുള്ള വിവരം. ഇവിടെ ഒരുദ്യോഗസ്ഥനെ യാണ് സസ്പെൻഡ് ചെയ്തത്. കോര്‍പ്പറേഷനില്‍ വീട്ടുകരം ഒടുക്കി രശീത് കരുതാത്തവര്‍ ബുദ്ധിമുട്ടുകയാണ്. കൃത്യമായി കരമടക്കുന്ന പലരുടെയും പണം കോര്‍പേറേഷനില്‍ രേഖപ്പെടുത്തിയിട്ടില്ല. ഇതേത്തുടര്‍ന്ന്, വീണ്ടും നികുതി അടയ്ക്കേണ്ടി വരുമോയെന്ന ആശങ്കയിലാണ് നൂറുകണക്കിന് ആളുകള്‍. തിരുവനന്തപുരം കോർപ്പറേഷനിലെ നികുതി വെട്ടിപ്പുമായി ബന്ധപ്പെട്ട് ബിജെപിയും കോൺഗ്രസും പ്രതിഷേധം നടത്തുന്നത് തുടരുകയാണ്. വിഷയത്തിൽ ബിജെപി ദിവസങ്ങളായി സമരത്തിലാണ്. തട്ടിപ്പ് നടത്തിയതായി കണ്ടെത്തിയ അഞ്ച് ഉദ്യോഗസ്ഥരെ സസ്പെന്റ് ചെയ്തിട്ടുണ്ടെന്നും മേയര്‍ വ്യക്തമാക്കിയിരുന്നു.

Related Articles

stay connected

3,050FansLike
827FollowersFollow
7,010SubscribersSubscribe
- Advertisement -spot_img
- Advertisement -spot_img
- Advertisement -spot_img
- Advertisement -spot_img

Latest Articles