മൂന്ന്​മാസത്തിനുള്ളിൽ അഞ്ച്​ ഉപഗ്രഹങ്ങള്‍ വിക്ഷേപിക്കാനൊരുങ്ങി ഐഎസ്​ആര്‍ഒ

ന്യൂഡല്‍ഹി: മൂന്ന്​ മാസത്തിനുള്ളിൽ അഞ്ച്​ ഉപഗ്രഹങ്ങള്‍ വിക്ഷേപിക്കാനൊരുങ്ങി ഐഎസ്​ആര്‍ഒ. പുതിയ ഐഎസ്​ആര്‍ഒ ചെയര്‍മാന്‍ ഡോ.എസ്​.സോമനാഥാണ് ഈ വിവരം അറിയിച്ചത്. കൊവിഡ് വ്യാപനം ​​ ഐഎസ്​ആര്‍ഒയുടെ ഉപഗ്രഹ വിക്ഷേപണങ്ങളെ ബാധിച്ചിരുന്നു. റിസാറ്റ്​-1A പി.എസ്​.എല്‍.വി C5-2 ആയിരിക്കും ഐഎസ്​ആര്‍ഒ ഫെബ്രുവരിയില്‍ വിക്ഷേപിക്കാൻ ഒരുങ്ങുന്നത്. സാറ്റ്​ലൈറ്റ്​ വിക്ഷേപണങ്ങള്‍ക്ക് വേണ്ടിയാകും ഇത്. തുടർന്ന് ഓഷ്യന്‍സാറ്റ്​-3യും ഐ.എന്‍.എസ്​ 2B ആനന്ദ്​ പി.എസ്​.എല്‍.വി C-53യും മാര്‍ച്ചില്‍ വിക്ഷേപിക്കും. എസ്​.എസ്​.എല്‍.വി-D1 മൈക്രോ സാറ്റ്​ ഏപ്രിലിലും വിക്ഷേപിക്കുമെന്ന്​ ഐ.എസ്​.ആര്‍.ഒ അറിയിച്ചു