25.2 C
Kollam
Tuesday, August 9, 2022
spot_img

മുറ്റത്ത് പക്ഷികൾ കാഷ്ഠിക്കുന്നു തടയാൻ ഐഡിയ ഉണ്ടോ? ഒരു ലക്ഷം രൂപ സമ്മാനം

ന്യൂഡൽഹിയിലെ ഇന്ദിര പര്യാവരണ്‍ ഭവന്റെ നടുമുറ്റം പക്ഷികൾ കാഷ്ഠിച്ച് വൃത്തിക്കേടാക്കുന്നത് തടയുന്നവർക്ക് കേന്ദ്ര പരിസ്ഥിതി   മന്ത്രാലയം പുതിയമാർഗ്ഗങ്ങൾ തേടുകയാണ് 

ന്യൂഡൽഹി: മുറ്റം കാഷ്ഠിച്ച് വൃത്തിക്കേടാക്കുന്ന പക്ഷികളേകൊണ്ട് പൊറുതിമുട്ടിയിരിക്കുകയാണ് കേന്ദ്ര പരിസ്ഥിതി മന്ത്രാലയം. ആസ്ഥാന മന്ദിരമായ ന്യൂഡൽഹിയിലെ ഇന്ദിര പര്യാവരണ്‍ ഭവന്റെ നടുമുറ്റത്താണ് പക്ഷികൾ കൂട്ടത്തോടെ കാഷ്ഠിച്ച് വൃത്തിക്കേടാക്കുന്നത്. അതുവഴി നടന്ന് പോകുന്നവർക്കും പാർക്ക് ചെയ്യുന്ന വാഹനങ്ങൾക്കും പക്ഷികൾ പണി കൊടുക്കുന്നുണ്ട്. ഒടുവിൽ ഇതിനൊരു പരിഹാരം കാണുന്നതിനായി രസകരമായൊരു പരസ്യം പുറത്തിറക്കിയിരിക്കുകയാണ് പരിസ്ഥിതി മന്ത്രാലയം ഇപ്പോൾ.
പക്ഷികൾ കാഷ്ഠിച്ച് മുറ്റം വൃത്തിക്കേടാക്കുന്നത് തടയാൻ മികച്ച പരിഹാരമാർഗങ്ങൾ ക്ഷണിച്ചുകൊണ്ടുള്ളതാണ് പരസ്യം. നല്ല ആശയങ്ങൾ നിർദേശിക്കുന്ന വ്യക്തികൾക്കോ സംഘടനകൾക്കോ ഒരു ലക്ഷം രൂപ സമ്മാനമായി നൽകുമെന്നും മന്ത്രാലയത്തിന്റെ വെബ്സൈറ്റിൽ പങ്കുവച്ച നോട്ടീസിൽ പറയുന്നു. പരിസ്ഥിതി സൗഹാർദ്ദപരവും സാങ്കേതികമായി മികച്ചതും പ്രായോഗികവും ചെലവ് കുറഞ്ഞതും കാര്യക്ഷമവുമായ മാർഗങ്ങളായിരിക്കണം നിർദ്ദേശിക്കേണ്ടത്.
ലഭിക്കുന്ന ആശയങ്ങളിൽനിന്ന് മികച്ചവ തിരഞ്ഞെടുക്കുന്നതിനായി കേന്ദ്ര പരിസ്ഥിതി മന്ത്രാലയം പ്രത്യേകം കമ്മിറ്റിക്ക്  രൂപം നൽകിയിട്ടുണ്ട്. മൂന്ന് മികച്ച പരിഹാര മാർഗങ്ങളാണ് കമ്മിറ്റി ഷോർട്ട്‌ലിസ്റ്റ് ചെയ്യുക. ഇതിൽനിന്ന് തിരഞ്ഞെടുക്കുന്ന മികച്ച പരിഹാരത്തിനാണ് സമ്മാനത്തുക നൽകുക. ന്യൂഡൽഹിയുടെ ഹൃദയഭാഗത്ത് സ്ഥിതി ചെയ്യുന്ന പരിസ്ഥിതി മന്ത്രാലയത്തിന്റെ കെട്ടിടത്തെ ഹരിത കെട്ടിടമായി സാക്ഷ്യപ്പെടുത്തുകയും ഊർജ്ജ കാര്യക്ഷമമായ സംവിധാനങ്ങൾ ഉപയോഗിച്ചതിന് അവാർഡ് ലഭിക്കുകയും ചെയ്തിട്ടുണ്ട്.

Related Articles

stay connected

3,660FansLike
800FollowersFollow
22,600SubscribersSubscribe
- Advertisement -spot_img
- Advertisement -spot_img

Latest Articles