27.9 C
Kollam
Sunday, June 26, 2022
spot_img

മലയാളത്തിലെ സൂപ്പർ താരം മോഹൻലാലിന് ഇന്ന് 62-ാം പിറന്നാള്‍

മലയാളത്തിലെ സൂപ്പർ താരം മോഹൻലാൽ ഇന്ന് തന്‍റെ 62-ാം പിറന്നാള്‍ ആഘോഷിക്കുകയാണ്. നിരവധി താരങ്ങളും ആരാധകരും അദ്ദേഹത്തിന് ഈ ദിനത്തില്‍ ആശംസകള്‍ നേര്‍ന്ന് എത്തിയിട്ടുണ്ട്. ഇപ്പോഴിതാ നടനും സംവിധായകനുമായ പൃഥ്വിരാജ് അദ്ദേഹത്തിന് നൽകിയിരിക്കുന്ന പിറന്നാൾ ആശംസ അൽപം പ്രത്യേകതകളുള്ളതാണ്.ലൂസിഫറിന് ശേഷം ഇരുവരും ഒന്നിച്ച ബ്രോ ഡാഡിയിലെ ലൊക്കേഷൻ ചിത്രമാണ് താരം പങ്കുവെച്ചിരിക്കുന്നത്. മോഹന്‍ലാല്‍ പൃഥ്വിരാജിനെ തൊഴുത് നില്‍ക്കുന്നതാണ് ചിത്രത്തിലുള്ളത്. ഇല്ല ഞാന്‍ വെറുതെ വിടില്ല അടുത്ത വര്‍ഷം വീണ്ടും വരും എന്നാണ് ചിത്രത്തിന് പൃഥ്വി നല്‍കിയിരിക്കുന്ന ക്യാപ്ക്ഷന്‍.

രസകരമായ നിരവധി കമന്‍റുകളും പൃഥ്വിയുടെ പോസ്റ്റിന് താഴെ വന്നിട്ടുണ്ട്. ഭാഗ്യം ഈ പ്രാവശ്യം ഡിഷ്ണറി നോക്കണ്ട, എല്ലാ വർഷവും വരണം .. ഈ കൂട്ടുകെട്ടിൽ മികവുറ്റ ചിത്രങ്ങൾ ഇനിയും പിറക്കണം, തുടങ്ങി രസകരമായ കമന്‍റുകളും വന്നിട്ടുണ്ട്. ബ്രോ ഡാഡിക്ക് ശേഷം മോഹന്‍ലാല്‍-പൃഥ്വിരാജ് കൂട്ടുകെട്ടില്‍ പ്രേക്ഷകര്‍ കാത്തിരിക്കുന്ന ചിത്രമാണ് ലൂസിഫറിന്‍റെ രണ്ടാം ഭാഗമായ എമ്പുരാന്‍. എമ്പുരാന്‍റെ ചിത്രീകരണം അടുത്ത വര്‍ഷം ആരംഭിക്കുമെന്നാണ് പൃഥ്വിയുടെ ക്യാപ്ഷനിൽ നിന്നും അറിയാനാകുന്നത്. ഇപ്പോൾ ആടുജീവിതത്തിന്‍റെ ചിത്രീകരണത്തിലാണ് പൃഥ്വിരാജ്.

മലയാളത്തില്‍ ആദ്യമായി 200 കോടി ബോക്സോഫീസ് കളക്ഷന്‍ നേടിയ ചിത്രവുമാണ് പൃഥ്വിരാജ് ആദ്യമായി സംവിധായക കുപ്പായമണിഞ്ഞ ലൂസിഫര്‍. ആശിര്‍വാദ് സിനിമാസ് നിര്‍മ്മിച്ച ചിത്രത്തിൽ രാഷ്ട്രീയക്കാരനായ സ്റ്റീഫന്‍ നെടുമ്പള്ളിയെയാണ് മോഹന്‍ലാല്‍ അവതരിപ്പിച്ചിരുന്നത്. വിവേക് ഒബ്റോയി, മഞ്ജു വാര്യര്‍, ടൊവിനോ തോമസ്, പൃഥ്വിരാജ്, കലാഭവൻ ഷാജോൺ, ബൈജു തുടങ്ങിയവരും ചിത്രത്തില്‍ പ്രധാന കഥാപാത്രങ്ങളായിരുന്നു.

Related Articles

stay connected

3,430FansLike
800FollowersFollow
19,000SubscribersSubscribe
- Advertisement -spot_img

Latest Articles