26.7 C
Kollam
Sunday, June 26, 2022
spot_img

മരം വെട്ടുന്നതിനെ ചൊല്ലിയുള്ള തർക്കത്തിനൊടുവിൽ അയൽവാസിയെ വെട്ടി കൊലപ്പെടുത്താൻ ശ്രമം: പ്രതി പിടിയിൽ

പത്തനംതിട്ട:തിരുവല്ലയിലുണ്ടായ കനത്ത മഴയിൽ നടുറോഡിലേക്ക് വീണ മരം വെട്ടിമാറ്റുന്നതിനെ ചൊല്ലിയുണ്ടായ തർക്കത്തിനൊടുവിൽ അയൽവാസിയെ വെട്ടിയ കേസിൽ പ്രതി പോലീസിൻ്റെ പിടിയിലായി. തിരുവല്ല തേവേരി പള്ളിവിരുത്തിയിൽ വീട്ടിൽ ജോളി എന്ന തോമസ് വി ഉമ്മൻ (56) ആണ് പുളിക്കീഴ് പോലീസിൻ്റെ പിടിയിലായത്.

പുളിന്തറ വീട്ടിൽ സതീഷ് കുമാർ ( 47 ) നെ വെട്ടിപ്പരിക്കേൽപ്പിച്ച സംഭവത്തിലാണ് അറസ്റ്റ്. തോമസ് വി ഉമ്മന്റെ പുരയിടത്തിൽ നിന്നിരുന്ന ആഞ്ഞിലി മരം കനത്ത മഴയെ തുടർന്ന് റോഡിലേക്ക് കടപുഴകി വീണു. വിവരമറിഞ്ഞതിനെ തുടർന്ന് ഇത് വെട്ടിമാറ്റാനായി തിരുവല്ലയിൽ നിന്നുള്ള അഗ്‌നി ശമന സേനയും എത്തി. എന്നാൽ മരം മുറിച്ചു നീക്കുന്നതിന് തോമസ് തടസം പറഞ്ഞതോടെ ഫയർഫോഴ്സ് അംഗങ്ങൾ വിഷമവൃത്തത്തിലായി. സംഭവമറിഞ്ഞ് സ്ഥലത്തെത്തിയ വാർഡ് മെമ്പറേയും തോമസ് വി ഉമ്മൻ അസഭ്യം പറഞ്ഞതോടെ ഇക്കാര്യം ചോദ്യം ചെയ്ത സതീഷിനെ തോമസ് കൈയ്യിലുണ്ടാക്കുന്ന വെട്ടുകത്തി ഉപയോഗിച്ച്‌ വെട്ടുകയായിരുന്നു. തോമസ് വെട്ടാൻ വരുന്നത് കണ്ട് സതീഷ് ഒഴിഞ്ഞുമാറിയെങ്കിലും തലയ്ക്ക് സാരമായി പരുക്കേറ്റു. തുടർന്ന് സതീഷിനെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. പുളിക്കീഴ് പോലീസ് സ്ഥലത്തെത്തി പ്രതിയെ കസ്റ്റഡിയിലെടുത്തു. ഇരുവരും തമ്മിൽ നിലനിന്നിരുന്ന വൈരാഗ്യമാണ് സംഭവത്തിന് പിന്നിലെന്ന് പോലീസ് വ്യക്തമാക്കി. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

Related Articles

stay connected

3,430FansLike
800FollowersFollow
19,100SubscribersSubscribe
- Advertisement -spot_img

Latest Articles