27.9 C
Kollam
Saturday, October 16, 2021

മമ്മൂട്ടി@70 കേക്കിൽ പൊതിഞ്ഞ സ്നേഹവുമായി ചാക്കോച്ചനും കുടുംബവും

മമ്മൂട്ടിയുടെ  വലിയ ഫാനായ കുഞ്ചാക്കോ ബോബന്റെ  ഭാര്യ   പ്രിയയാണ് കേക്കിന് പിന്നിലെന്ന് കുഞ്ചാക്കോ ബോബൻ പറഞ്ഞു മലയാളികളുടെ   സ്വഭാവനടൻ  മമ്മൂട്ടിക്ക് ഇന്ന് എഴുപതാം പിറന്നാളാണ്. പ്രായം കൂടുന്തോറും മമ്മൂട്ടിക്ക്  സൗന്ദര്യം കൂടുന്നു  എന്നാണ്  ആശംസകള്‍ അര്‍പ്പിച്ചുകൊണ്ട് സോഷ്യൽമീഡിയയിലൂടെ   ആരാധകർ  പറയുന്നത്. അതെന്തുമായിക്കൊള്ളട്ടെ മമ്മൂട്ടി എഴുപത്തിൽ എത്തിയിരിക്കുന്നു   താരങ്ങളും ആരാധകരും അടക്കം നിരവധിപേരാണ് സോഷ്യൽമീഡിയയിൽ അദ്ദേഹത്തിന് ആശംസാ കുറിപ്പുകള്‍ പങ്കുവയ്ക്കുന്നത്. ഇപ്പോഴിതാ നടൻ കുഞ്ചാക്കോ ബോബൻ കുറിച്ചിരിക്കുന്ന വാക്കുകളും ചിത്രങ്ങളും സോഷ്യൽമീഡിയയിൽ ശ്രദ്ധനേടുന്നു 


മമ്മൂട്ടിയെ ആദ്യമായി കണ്ട അനുഭവം ബോബൻ നേരത്തെ പങ്കുവച്ചിരുന്നു . വളരെ ചെറുപ്പത്തില്‍ ഉദയയുടെ സിനിമ അഭിനയിക്കാനായെത്തയപ്പോഴായിരുന്നു മമ്മൂട്ടിയെ ആദ്യമായി നേരില്‍ കണ്ടിരുന്നത് അദ്ദേഹം പറഞ്ഞിരുന്നു. കുഞ്ചാക്കോയുടെ അച്ഛന്‍ ബോബന്‍ കുഞ്ചാക്കോ സംവിധാനം ചെയ്തിരുന്ന ‘തീരം തേടുന്ന തിര’ യുടെ ലൊക്കേഷനില്‍ വച്ചായിരുന്നു അത്. അഭിനയത്തോടുള്ള അദ്ദേഹത്തിന്‍റെ പാഷനെ കുറിച്ചും ചാക്കോച്ചൻ പറഞ്ഞിരുന്നു. ഇപ്പോഴിതാ അദ്ദേഹത്തിന്‍റെ ജന്മദിനത്തിൽ ഒരു    സ്നേഹ കുറിപ്പും ചിത്രങ്ങളും സോഷ്യൽമീഡിയയിൽ പങ്കുവെച്ചിരിക്കുകയാണ് കുഞ്ചാക്കോ ബോബൻ. പ്രിയപ്പെട്ട മമ്മൂക്ക .എനിക്കും എന്‍റെ കുടുംബത്തിനും  വഴികാട്ടുന്ന വെളിച്ചം, ഒരു അധ്യാപകൻ, ഒരു വലിയ സഹോദരൻ, ഒരു യഥാർത്ഥ വെൽ വിഷര്‍ ഒക്കെയായി അങ്ങ് എപ്പോഴും ഉണ്ടായിരുന്നു. എന്റെ ഏറ്റവും സന്തോഷകരമായ നിമിഷങ്ങളിൽ എപ്പോഴും ഒരു ഊഷ്മള സാന്നിധ്യവും എന്‍റെ പരീക്ഷണ സമയങ്ങളിൽ ആശ്വാസം തേടാവുന്നൊരാളുമായി ഉണ്ടായിരുന്നു. അങ്ങയോടുള്ള എന്‍റെ സ്നേഹവും ബഹുമാനവും അനുദിനം വളരുകയാണ്. ചലച്ചിത്രമേഖലയിൽ പ്രവേശിക്കാൻ ആഗ്രഹിക്കുന്ന എല്ലാവർക്കും എന്നും മങ്ങാത്ത പ്രചോദനവും മാതൃകയുമാണ്. അങ്ങയുടെ സ്പിരിറ്റിനേയും അഭിനിവേശത്തെയും പ്രതിബദ്ധതയെയും കലയോടുള്ള സ്നേഹത്തെയും കുറിച്ച് എപ്പോഴും ആദരവാണ്. ഇപ്പോൾ അങ്ങ് മധുര എഴുപതിലെത്തുമ്പോള്‍ ദൈവം എന്നേക്കും കൂടുതൽ അനുഗ്രഹങ്ങൾ നൽകി നിങ്ങളെ അനുഗ്രഹിക്കട്ടെ, ഹാപ്പിസ്റ്റ് ബർത്ത്ഡേ പ്രിയപ്പെട്ട മമ്മൂക്ക, കുഞ്ചാക്കോ ബോബൻ കുറിച്ചിരിക്കുകയാണ്.അങ്ങയുടെ ഏറ്റവും വലിയ ഫാൻ പ്രിയ കുഞ്ചാക്കോയുടെ ആശയത്തിൽ പിറന്ന കേക്കാണിതെന്ന് കുറിച്ചുകൊണ്ട് വ്യത്യസ്തമായൊരു കേക്കിന്‍റെ ചിത്രവും കുഞ്ചാക്കോ ബോബൻ പങ്കുവെച്ചിട്ടുണ്ട്. ഒപ്പം മകൻ ഇസഹാക്കിന്‍റെ മാമ്മോദീസയ്ക്ക് മമ്മൂട്ടി എത്തിയപ്പോഴുള്ള ചിത്രവും മമ്മൂട്ടിയുടെ മകള്‍ സുറുമി വരച്ച പോര്‍ട്രെയിറ്റും ചാക്കോച്ചൻ പോസ്റ്റിനൊപ്പം ചേർ‍ത്തിട്ടുണ്ട്.സെറ്റിയിൽ ഇരിക്കുന്ന മമ്മൂക്കയുടെ രൂപമാണ് ചാക്കോച്ചനും പ്രിയയും അദ്ദേഹത്തിന് സമ്മാനിച്ച കേക്കിലുള്ളത്, ഒപ്പം മമ്മൂക്കയുടെ കുടുംബചിത്രങ്ങളും ലഭിച്ച പുരസ്കാരങ്ങളുടെ മാതൃകയും സിനിമാ പോസ്റ്ററുകളും ഒക്കെ കേക്കിൽ ചേർത്തിട്ടുണ്ട്. കേക്ക് ഡിസൈനറായ ടിന അവിരയാണ് പ്രിയയുടെ ആവശ്യപ്രകാരം ഈ കേക്ക് ഒരുക്കിയിരിക്കുന്നത്.

Related Articles

stay connected

2,570FansLike
55FollowersFollow
2,150SubscribersSubscribe
- Advertisement -spot_img
- Advertisement -spot_img
- Advertisement -spot_img

Latest Articles