26.1 C
Kollam
Friday, May 20, 2022
spot_img

മതവിദ്വേഷ പ്രസംഗം: പി സി ജോർജിന് ജാമ്യം

സർക്കാർ തന്ന റംസാൻ സമ്മാനമാണ് അറസ്റ്റെന്ന് ജാമ്യം ലഭിച്ച ശേഷം  പി സി  ജോർജ് മാധ്യമങ്ങളോട് പ്രതികരിച്ചു. പറഞ്ഞകാര്യങ്ങളിൽ ഉറച്ചുനിൽക്കുന്നു. ഇന്ത്യാ രാജ്യത്തെ സ്നേഹിക്കാത്ത ആരുടെയും വോട്ട് വേണ്ടെന്ന് താൻ പറഞ്ഞതാണ്. പിന്നെ താൻ എങ്ങനെ വർഗീയവാദിയാകും. ഫോണിൽ വിളിച്ചാൽ മതിയായിരുന്നു, കോടതിയിൽ ഹാജരാകുമായിരുന്നു. പുലർച്ചെ പോലീസ് എത്തിയാണ് അറസ്റ്റു ചെയ്തത്. യൂസഫലിക്കെതിരായി പറഞ്ഞത് തെറ്റായിപ്പോയി. അറസ്റ്റിനു പിന്നിൽ രാഷ്ട്രീയമുണ്ട്. കോൺഗ്രസും എൽഡിഎഫും ഒന്നായി പ്രവർത്തിക്കുകയാണെന്നും കോടതിയിൽ നിന്നും നീതി ലഭിച്ചുവെന്നും പി സി ജോർജ് പറഞ്ഞു

അനന്തപുരി ഹിന്ദു മഹാസഭ സമ്മേളനത്തിനിടെ മതവിദ്വേഷ പ്രസംഗം നടത്തിയെന്ന പരാതിയിലാണ് പി സി ജോർജിനെ പോലീസ് അറസ്റ്റ് ചെയ്തത്. ഇന്ന് പുലർച്ചെ ഈരാറ്റുപേട്ടയിലെ വീട്ടിൽ നിന്ന് ഫോർട്ട് പോലീസ് കസ്റ്റഡിയിലെടുത്ത പി സി ജോർജിനെ തിരുവനന്തപുരം എആർ ക്യാമ്പിലെത്തിച്ച ശേഷമായിരുന്നു അറസ്റ്റ് ചെയ്തത്. വർഗീയ വിദ്വേഷം ഉണ്ടാക്കാൻ ശ്രമിച്ചതിന് 153 എ, സാമൂഹത്തിൽ ഭീതി വിതയ്ക്കും വിധം സംസാരിച്ചതിന് 295 എ എന്നീ വകുപ്പുകളാണ് പി സി ജോർജിനെതിരെ ചുമത്തിയത്. പി സി ജോർജിനെ 14 ദിവസം കസ്റ്റഡിയിൽ വേണമെന്നാണ് പോലീസ് റിമാൻഡ് റിപ്പോർട്ടിൽ ആവശ്യപ്പെട്ടത്.

അനന്തപുരി ഹിന്ദു മഹാസമ്മേളനം ഉദ്ഘാടനം ചെയ്യുമ്പോഴാണ് പി സി ജോർജ് വിവാദ പ്രസംഗം നടത്തിയത്. പ്രസംഗത്തിലുടനീളം മുസ്ലീം സമുദായത്തെ വർഗീയമായി അധിക്ഷേപിക്കുകയും ബോധപൂർവം വർഗീയ ചേരിതിരിവ് സൃഷ്ടിക്കാൻ ശ്രമിക്കുന്നതായും ജോർജിനെതിരായ പരാതിയിൽ പറയുന്നു. കച്ചവടം ചെയ്യുന്ന മുസ്ലീങ്ങൾ പാനീയങ്ങളിൽ വന്ധ്യത വരുത്താനുള്ള മരുന്നുകൾ ബോധപൂർവം കലർത്തുന്നു. മുസ്ലീങ്ങൾ അവരുടെ ജനസംഖ്യ വർധിപ്പിച്ച് ഇതൊരു മുസ്ലിം രാജ്യമാക്കി മാറ്റാൻ ശ്രമിക്കുന്നു, മുസ്ലീം പുരോഹിതർ ഭക്ഷണത്തിൽ മൂന്ന് പ്രാവശ്യം തുപ്പിയ ശേഷം വിതരണം ചെയ്യുന്നു, മുസ്‌ലീം കച്ചവടക്കാർ അവരുടെ സ്ഥാപനങ്ങൾ അമുസ്ലിം മേഖലകളിൽ സ്ഥാപിച്ച് അവരുടെ സമ്പത്ത് കവർന്നു കൊണ്ടുപോകുന്നു തുടങ്ങി വളരെ ഗൗരവമായ നുണയാരോപണങ്ങളാണ് അദ്ദേഹം പ്രസംഗിച്ചതെന്നും പരാതിയിൽ പറയുന്നു.

Related Articles

stay connected

3,320FansLike
800FollowersFollow
17,300SubscribersSubscribe
- Advertisement -spot_img

Latest Articles