26.9 C
Kollam
Thursday, October 6, 2022
spot_img

മഞ്ജുവിന് ചിക്കൻപോക്സ് സുരേഷ്ഗോപിക്ക് വ്രതം; കളിയാട്ടത്തിന്റെ ഓർമ്മയിൽ ബൽറാം

ജയരാജ് സംവിധാനം ചെയ്ത ചിത്രം 1997 ല്‍ ആണ് പുറത്തിറങ്ങിയ ചിത്രമാണ് കളിയാട്ടം. ആ വര്‍ഷത്തെ മികച്ച നടനുള്ള ദേശീയ പുരസ്‌കാരം കണ്ണന്‍ പെരുമലയം എന്ന കഥാപാത്രത്തിലൂടെ സുരേഷ് ഗോപി സ്വന്തമാക്കുകയും ചെയ്തിരുന്നു. നായികയായ താമര എന്ന കഥാപാത്രം കൈകാര്യം ചെയ്തത് മഞ്ജു വാര്യരാണ്. ലോകപ്രശസ്തനായ നാടകകൃത്ത് വില്ല്യം ഷേക്സ്പിയറുടെ ഒഥല്ലോ എന്ന നാടകത്തിൻറെ കഥയെ ആസ്പദമാക്കിയാണ് ജയരാജ് കളിയാട്ടം എന്ന ചിത്രം ഒരുക്കിയത്. തിരക്കഥയും സംഭാഷണവും എഴുതിയത് ബൽറാം മട്ടന്നൂർ ആയിരുന്നു. ഇപ്പോഴിതാ ചിത്രത്തിന്റെ തിരക്കഥ പിറന്ന പശ്ചാത്തലം പറയുകയാണ് തിരക്കഥാകൃത്ത് ബൽറാം മട്ടന്നൂർ

നാട്ടിലെ പ്രമുഖ തെയ്യം കലാകാരനായ കണ്ണൻ പെരുമലയൻ താമരയെ പ്രണയിച്ച് വിവാഹം കഴിക്കുന്നതോടെയാണ് ചിത്രം ആരംഭിക്കുന്നത്. താമരയെ ആഗ്രഹിച്ചിരുന്ന ഒരു നാട്ടുപ്രമാണി പെരുമലയൻറെ സുഹൃത്തായ പനിയൻറെ (ലാൽ ) സഹായത്തോടെ താമരയെ പെരുമലയനിൽ നിന്നും അകറ്റാൻ ശ്രമിക്കുന്നു. ഇതിൻറെ ഭാഗമായി താമരയേയും, പെരുമലയൻറെ മറ്റൊരു സുഹൃത്തായ കാന്തനേയും (ബിജു മേനോൻ) ചേർത്ത് അപവാധങ്ങൾ പെരുമലയൻറെ കാതിൽ എത്തിക്കുന്നു. കെട്ടിച്ചമച്ച കൃത്രിമമായ തെളിവുകളോട് കൂടെ പനിയൻ ഈ നുണക്കഥകൾ പെരുമലയനെ വിശ്വസിപ്പിക്കുന്നു. ഇത് കേട്ട് വിശ്വസിച്ച പെരുമലയൻ താമരയെ സംശയിക്കുകയും തുടർന്ന് താമരയെ ഒരു ദിവസം കൊല്ലുകയും ചെയ്യുന്നു. പക്ഷേ പിന്നീട് പനിയൻറെ ഭാര്യയിൽ (ബിന്ദു പണിക്കർ) നിന്നും സത്യം മനസ്സിലായ പെരുമലയൻ, പനിയനെ ആക്രമിക്കുകയും, തുടർന്ന് സ്വയം അഗ്നിയിൽ ചാടി ആത്മഹത്യ ചെയ്യുകയും ചെയ്യുന്നു. ഇതാണ് കളിയാട്ടം പറഞ്ഞത്. ഇപ്പോൾ അതെഴുതാൻ ഉണ്ടായ സാഹചര്യത്തെകുറിച്ചാണ് ബൽറാം മട്ടന്നൂർ മനോരമയോട് തുറന്നു സംസാരിക്കുന്നത്.‘ജയരാജിന്റെ ദേശാടനം എന്ന ചിത്രം ഒരുങ്ങുന്നതിനു മുൻപേ ഞാൻ അദ്ദേഹത്തിനായി തിരക്കഥ എഴുതാൻ തുടങ്ങിയിരുന്നു. പക്ഷേ, പലപല കാരണങ്ങൾകൊണ്ട് പ്രൊജക്ടുകൾ നീണ്ടുപോയി. ദേശാടനം കഴിഞ്ഞപ്പോൾ ജയരാജ് പറഞ്ഞു നമ്മുടെ പ്രൊജക്ട് ആരംഭിക്കാമെന്ന് അങ്ങനെയാണ് കളിയാട്ടത്തിലേക്ക് എത്തപ്പെടുന്നതെന്നും ബൽറാം

തെയ്യം കെട്ടുന്നവർക്ക് ഓരോ ദേശം സംബന്ധിച്ച് അവകാശമുണ്ട്. ഈയൊരു പ്രമേയം ഒഥല്ലോയുമായി ചേർത്ത് തിരക്കഥയെഴുതാമെന്ന് താൻ പറഞ്ഞതോടെ ജയരാജിനും സന്തോഷം ആയെന്നും . അങ്ങനെയാണ് കളിയാട്ടം എന്ന സിനിമയുടെ എഴുത്തിന്റെ തുടക്കം എന്നും അദ്ദേഹം അഭിമുഖത്തിൽ പറയുന്നു. എന്നാൽ വടക്കൻ കേരളത്തിലെ സംസാരരീതിയായിരുന്നു സിനിമയിലേക്കു ആദ്യം കൊണ്ടുവന്നിരുന്നത് എന്നാൽ അതിൽ ചില അഭിപ്രായങ്ങൾ ഉയർന്നുവന്നതോടെയാണ് തിരക്കഥ മാറ്റിയെഴുതി എന്നും അദ്ദേഹം പറഞ്ഞു.നായകനെയും നായികയെയും ഫിക്സ് ചെയ്ത ശേഷം ലാൽ ചെയ്ത പനിയന്റെ വേഷത്തിലേക്ക് ആദ്യം കണ്ടിരുന്നത് മുരളിയെയായിരുന്നു എന്നും ബൽറാം പറയുന്നു. എന്നാൽ ഇതേപോലെയുള്ള വേഷം അദ്ദേഹം മുൻപും ചെയ്തിരുന്നതിനാൽ പിന്നീടാണ് ലാലിനെ ജയരാജ് കണ്ടെത്തിയതെന്നും ബൽറാം വ്യക്തമാക്കി. കളിയാട്ടം ദേശീയ തലത്തിൽ ശ്രദ്ധിക്കപ്പെട്ട സിനിമയായിട്ടും തന്നെ സംബന്ധിച്ചിടത്തോളം ഒരു നേട്ടവും ഉണ്ടാക്കി തന്നില്ലെന്നും അദ്ദേഹം പറയുന്നു.പയ്യന്നൂരിൽ വച്ചായിരുന്നു ചിത്രീകരണം തീരുമാനിച്ചിരുന്നത് എന്നാൽ ആ സമയത്ത് മഞ്ജുവാരിയർക്ക് ചിക്കൻപോക്സ് വരുന്നതോടെ ചിത്രീകരണം നീണ്ടതിനെക്കുറിച്ചും ബൽറാം പറയുന്നുണ്ട്. ചിത്രീകരണം തുടങ്ങി തീരുന്നതുവരെ സുരേഷ്ഗോപി വ്രതത്തിൽ ആയിരുന്നുവെന്നും തെയ്യം കലാകാരന്മാരെ കൊണ്ടുവന്നു അവരുടെ രീതിയൊക്കെ അഭ്യസിചിരുന്നു  എന്നും ബൽറാം പറയുന്നു

Related Articles

stay connected

3,940FansLike
800FollowersFollow
24,500SubscribersSubscribe
- Advertisement -spot_img
- Advertisement -spot_img
- Advertisement -spot_img
- Advertisement -spot_img

Latest Articles