24.9 C
Kollam
Tuesday, January 25, 2022
spot_img

ബെന്യാമിന് വയലാർ അവാർഡ് “മാന്തളിരിലെ 20 കമ്മ്യൂണിസ്റ്റ് വർഷങ്ങൾക്കാണ് “പുരസ്‌കാരം

ഒരു ലക്ഷം രൂപയ്ക്കും പ്രശസ്തിപത്രത്തിനും പുറമെ ശിൽപ്പി കാനായി കുഞ്ഞിരാമന്‍ വെങ്കലത്തില്‍ നിര്‍മ്മിച്ച ശില്പമാണ് ജേതാവിന് ലഭിക്കുക.

തിരുവനന്തപുരം: ഈ വര്‍ഷത്തെ വയലാര്‍ രാമവർമ സാഹിത്യ പുരസ്കാരം ബെന്യാമിന്. മാന്തളിരിലെ 20 കമ്മ്യൂണിസ്റ്റ് വർഷങ്ങൾ എന്ന കൃതിയ്ക്കാണ് പുരസ്കാരം. ഒരു ലക്ഷം രൂപയും പ്രശസ്തി പത്രവും വെങ്കല ശിൽപ്പവുമാണ് ജേതാവിന് ലഭിക്കുക. നാൽപ്പത്തിയഞ്ചാമത് വയലാർ രാമവർമ്മ പുരസ്കാരമാണ് ബെന്യാമിന് ലഭിച്ചിരിക്കുന്നത്.
വയലാർ രാമവർമയുടെ ചരമദിനമായ ഒക്ടോബർ 27ന് തിരുവനന്തപുരത്തു നടക്കുന്ന ചടങ്ങിലാണ് ജേതാവിന് പുരസ്കാരം കൈമാറുക. കെ ആർ മീര, ഡോ. ജോർജ് ഓണക്കൂർ, ഡോ. സി ഉണ്ണികൃഷ്ണൻ എന്നിവരായിരുന്നു ജഡ്ജിങ് കമ്മിറ്റി അംഗങ്ങൾ.പുരസ്കാര വാർത്തയോട് പ്രതികരിച്ച ബെന്യാമിൻ തന്‍റെ ആത്മാംശം വളരെയധികം ഉള്ള കൃതിയ്ക്കു തന്നെ വയലാര്‍ അവാര്‍ഡ് ലഭിച്ചതില്‍ അതിയായ സന്തോഷമുണ്ടെന്ന്  ബെന്യാമിന്‍  ‘മാന്തളിരിലെ ഇരുപത് കമ്യൂണിസ്റ്റ് വര്‍ഷങ്ങള്‍’ എന്ന നോവല്‍ തനിക്ക് ഏറെ പ്രിയപ്പെട്ടതാണെന്നും ബെന്യാമിന്‍ പറഞ്ഞു.’താന്‍ വളര്‍ന്നുവന്ന ചുറ്റുപാടിലെ രാഷ്ട്രീയബൗദ്ധിക ചുറ്റുപാടുകള്‍ കൊണ്ട് നിര്‍മിതമായ ഒരു സൃഷ്ടിയെന്ന നിലയിലും തിരുവിതാംകൂറിന്‍റെ പ്രത്യയശാസ്ത്രപരമായ നിലപാടുകളോടുള്ള തന്‍റെ വീക്ഷണം എന്ന നിലയിലും മാന്തളിരിലെ ഇരുപത് കമ്യൂണിസ്റ്റ് വര്‍ഷങ്ങള്‍ ഏറെ പ്രിയപ്പെട്ടതാണെന്നാണ് എഴുത്തുകാരന്‍റെ വാക്കുകൾ ചെയ്യുന്നത്.ഒരു ലക്ഷം രൂപയ്ക്കും പ്രശസ്തിപത്രത്തിനും പുറമെ ശില്പി കാനായി കുഞ്ഞിരാമന്‍ വെങ്കലത്തില്‍ നിര്‍മ്മിച്ച ശില്പമാണ് ജേതാവിന് ലഭിക്കുക.

Related Articles

stay connected

3,050FansLike
827FollowersFollow
7,220SubscribersSubscribe
- Advertisement -spot_img
- Advertisement -spot_img
- Advertisement -spot_img
- Advertisement -spot_img

Latest Articles