24.9 C
Kollam
Tuesday, January 25, 2022
spot_img

ബിജെപിനേതാവ് സഹപ്രവർത്തകയെ ഭീഷണിപ്പെടുത്തി ബലാത്സംഗം ചെയ്തു; പല സ്ഥലങ്ങളിൽ കൊണ്ടുപോയി പീഡിപ്പിച്ചു

കോട്ടയം: സഹപ്രവർത്തകയെ ബലം പ്രയോഗിച്ച് ശാരീരികമായി പീഡിപ്പിക്കുകയും ദൃശ്യങ്ങൾ പകർത്തി ഭീഷണിപ്പെടുത്തുകയും ചെയ്ത ബിജെപി ഉദയനാപുരം പഞ്ചായത്ത്‌ കമ്മിറ്റി പ്രസിഡന്റ്നെതിരെ പോലീസ് കേസെടുത്തു. സംഭവത്തിൽ ഒളിവിൽ പോയ പ്രതിയ്ക്ക് വേണ്ടി അന്വേഷണം ആരംഭിച്ചതായി പോലീസ് അറിയിച്ചു.
ചെട്ടിമംഗലം സ്വദേശിനിയായ യുവതിയുടെ പരാതിയെതുടർന്നാണ് ബിജെപി ഉദയനാപുരം പഞ്ചായത്ത് കമ്മിറ്റി പ്രസിഡന്റ് സുമേഷ് കൊല്ലേരിക്കെതിരെ വൈക്കം പോലീസ് കേസെടുത്തത്. തദ്ദേശ തെരഞ്ഞെടുപ്പിൽ സ്ഥാനാർത്ഥിയായി മത്സരിക്കുന്ന ഘട്ടത്തിലാണ് യുവതി സുമേഷിനെ പരിചയപ്പെടുന്നത്. കഴിഞ്ഞ നിയമസഭാ തെരഞ്ഞെടുപ്പുമായി ബന്ധപ്പെട്ട ആവശ്യങ്ങൾക്കായി സുമേഷ് യുവതിയിൽ നിന്നും ഫോൺ നമ്പർ വാങ്ങുകയും അടുപ്പം സ്ഥാപിക്കുകയുമായിരുന്നു.
തുടർന്ന് യുവതിയും കുട്ടികളും മാത്രം താമസിച്ചിരുന്ന വീട്ടിൽ സുമേഷെത്തി യുവതിയെ ബലം പ്രയോഗിച്ച് ശാരീരികമായി പീഡിപ്പിക്കുകയും ദൃശ്യങ്ങൾ പകർത്തി ഭീഷണിപ്പെടുത്തുക യുമായിരുന്നു. പിന്നീട് പലതവണ ഈ ദൃശ്യങ്ങൾ കാട്ടി ഭീഷണിപ്പെടുത്തി യുവതിയെ പലസ്ഥലങ്ങളിലുമെത്തിച്ച് ക്രൂരമായി പീഡിപ്പിക്കുകയായിരുന്നു വെന്നും പരാതിയിൽ പറയുന്നു. പകൽ സമയങ്ങളിൽ ഉറക്കഗുളിക കലക്കിയ ബിയറുമായി വീട്ടിൽ എത്തുകയും ഇത് കുട്ടികൾക്ക് നൽകുകയും ചെയ്ത ശേഷമായിരുന്നു പീഡനം. പരാതിക്കാരിയുടെ ഭർത്താവ് ജോലി ആവശ്യങ്ങൾക്കായി ജില്ലയ്ക്ക് പുറത്തേക്ക് പോകുമ്പോഴായിരുന്നു പ്രതി തന്നെ ക്രൂരമായ ലൈംഗിക പീഡനത്തിന് ഇരയാക്കിയതെന്നും പരാതിക്കാരൻ പൊലീസിനോട് പറയുന്നു. സംഭവം പുറത്താകാതിരിക്കുന്നതിതിനുവേണ്ടി യുവതിക്ക് വിവാഹ വാഗ്ദാനം നൽകുകയും ആഭരണങ്ങൾ പ്രതിയുടെ ആവശ്യങ്ങൾക്കായി പണയം വയ്ക്കുകയും ചെയ്തു. പിന്നീട് പല കാരണങ്ങൾ പറഞ്ഞ് ക്രൂരമായി മർദ്ദിക്കുകയായിരുന്നു. പ്രതിയുടെ നിരന്തരമായുള്ള ഭീഷണിയിൽ ഭയന്നാണ് യുവതി തന്റെയും കുടുംബത്തിന്റെ സുരക്ഷയ്ക്കായി പോലീസിൽ പരാതി നൽകിയത്.ബിജെപി ഉദയനാപുരം പഞ്ചായത്ത് കമ്മിറ്റി പ്രസിഡന്റ് കൂടിയായ പ്രതിയുടെ ഉന്നത സ്വാധീനമുപയോഗിച്ച് യുവതിയെയും കുട്ടികളെയും ഏതുനിമിഷവും അപായപ്പെടുത്തുമെന്നും ഇവർ ഭയപ്പെടുന്നു. യുവതിയുടെ പരാതിയിൽ എഫ്ഐആർ രജിസ്റ്റർ ചെയ്ത് അന്വേഷണം ആരംഭിച്ചതായി വൈക്കം പോലീസ് അറിയിച്ചു. തുടർന്ന് യുവതി വൈക്കം മജിസ്ട്രേറ്റിനു മൊഴി നൽകി. കേസ് രജിസ്റ്റർ ചെയ്തെങ്കിലും പ്രതിയെ ഇതുവരെ പിടികൂടാനായിട്ടില്ല. പ്രതിക്കായി അന്വേഷണം ഊർജ്ജിതമാക്കിയെന്ന് വൈക്കം പോലീസ് അറിയിച്ചു.

Related Articles

stay connected

3,050FansLike
827FollowersFollow
7,220SubscribersSubscribe
- Advertisement -spot_img
- Advertisement -spot_img
- Advertisement -spot_img
- Advertisement -spot_img

Latest Articles