പ്രണയിച്ച് വിവാഹം കഴിച്ചതിന് പെണ്‍കുട്ടിയുടെ വീട്ടുകാരുടെ സമ്മാനം; യുവാവിന്‍റെ ജനനേന്ദ്രിയം മുറിച്ചു

ന്യൂഡല്‍ഹി: പെണ്‍കുട്ടിയുമായി ഒളിച്ചോടി വിവാഹം കഴിച്ചതിന് 22 കാരനായ യുവാവിന്‍റെ ജനനേന്ദ്രിയം മുറിച്ച് പെണ്‍കുട്ടിയുടെ വീട്ടുകാര്‍. ഡല്‍ഹി രജൗരി ഗാര്‍ഡനിൽ ബു​ധ​നാ​ഴ്ച​യാ​ണ് സം​ഭ​വം. യു​വാ​വി​നെ സ​ഫ്ദര്‍​ജം​ഗ് ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു. ഇ​യാ​ളു​ടെ ആ​രോ​ഗ്യ​നി​ല ഗു​രു​ത​ര​മാ​യി തുടരുകയാണ്. 22 കാ​ര​നാ​യ യു​വാ​വും 20 കാ​രി​യാ​യ പെ​ണ്‍​കു​ട്ടി​യും ത​മ്മി​ല്‍ ര​ണ്ടു​വ​ര്‍​ഷ​മാ​യി പ്ര​ണ​യ​ത്തി​ലാ​യി​രു​ന്നു. ഈ ​ബ​ന്ധ​ത്തെ പെ​ണ്‍​കു​ട്ടി​യു​ടെ ബ​ന്ധു​ക്ക​ള്‍ എ​തി​ര്‍​ത്തി​രു​ന്നു. തു​ട​ര്‍​ന്ന് ഇ​രു​വ​രും ഒളിച്ചോടി വിവാഹം ക​ഴി​ക്കു​ക​യാ​യി​രു​ന്നു.ഇവർ തിരിച്ച്‌ രജൗരി ഗാര്‍ഡനിലെത്തിയതറിഞ്ഞ പെണ്‍കുട്ടിയുടെ വീട്ടുകാര്‍ ഇവിടെയെത്തി. യുവാവിനെ പിടിച്ചുകൊണ്ടുപോയി മര്‍ദ്ദിക്കുകയും ജനനേന്ദ്രിയം മുറിക്കുകയായിരുന്നു. പിന്നീട് ഇയാളെ സാ​ഗ​ര്‍​പു​റിലുള്ള ഡ്രെയിനേജിൽ ഉപേക്ഷിച്ചു. തുടർന്ന് വഴിയാത്രക്കാരുടെ സഹായത്തോടെ പൊലീസിന് വിവരം ലഭിക്കുകയും യുവാവിനെ ആശുപത്രിയിൽ പ്രവേശിപ്പിക്കുകയുമായിരുന്നു. യുവാവിന്‍റെ മൊഴിയുടെ അടിസ്ഥാനത്തിൽ പെണ്‍കുട്ടിയുടെ വീട്ടുകാർക്കെതിരെ  ര​ജൗ​രി ഗാ​ര്‍​ഡ​ന്‍ പൊ​ലീ​സ് എഫ്‌ഐആർ രജിസ്റ്റർ ചെയ്തു. 22 കാരനായ ഇയാൾ 2 വര്‍ഷം മുമ്പാണ് അകന്ന ബന്ധുകൂടിയായ പെണ്‍കുട്ടിയുമായി പ്രണയത്തിലായത്. എന്നാല്‍ പെണ്‍കുട്ടിയുടെ വീട്ടുകാര്‍ക്ക് ഈ ബന്ധം ഇഷ്ടമല്ലായിരുന്നു.