24.9 C
Kollam
Wednesday, July 28, 2021
spot_img

പോൺ അല്ല, അശ്ലീല വീഡിയോ മാത്രം; രാജ് കുന്ദ്ര ചെയ്ത കുറ്റമെന്ത് വിശദീകരിച്ച് അഭിഭാഷകൻ

പോൺ നിര്‍മാണവുമായി ബന്ധപ്പെട്ട് കോടികളുടെ ഇടപാട് നടത്തിയെന്ന കേസ് നേരിടുന്ന രാജ് കുന്ദ്ര ആരോപണങ്ങള്‍ തള്ളി രംഗത്ത്. നീലച്ചിത്ര നിര്‍മാണം നടത്തിയെന്ന ആരോപണം തള്ളിയ കുന്ദ്രയുടെ അഭിഭാഷകൻ അവ നീലച്ചിത്രങ്ങളല്ലെന്നും അശ്ലീലചിത്രങ്ങള്‍ മാത്രമാണെന്നും വാദിച്ചു. ചൊവ്വാഴ്ചയാണ് അഭിഭാഷകൻ കോടതിയിൽ ഇക്കാര്യങ്ങള്‍ അറിയിച്ചത്.
നീലച്ചിത്ര നിര്‍മാണവുമായി ബന്ധപ്പെട്ട് ബോളിവുഡ് നടി ശിൽപ ഷെട്ടിയുടെ ഭര്‍ത്താവ് രാജ് കുന്ദ്രയെ തിങ്കളാഴ്ചയാണ് മുംബൈ പോലീസ് അറസ്റ്റ് ചെയ്തത്. കേസിൽ രാജ് കുന്ദ്രയ്ക്ക് സുപ്രധാന പങ്കുണ്ടെന്നാണ് പോലീസ് പറയുന്നത്. അശ്ലീലചിത്രങ്ങള്‍ നിര്‍മിച്ച് ആപ്പുകളിൽ അപ്‍‍ലോഡ് ചെയ്യുകയായിരുന്നു ഇവര്‍ ചെയ്തിരുന്നതെന്ന് പോലീസ് പറയുന്നു. എന്നാൽ രാജ് കുന്ദ്രയ്ക്കെതിരെ പോണോഗ്രഫിയ്ക്കെതിരെ ചുമത്തുന്ന സെക്ഷൻ 67എ ചുമത്താൻ കഴിയില്ലെന്നാണ് അഭിഭാഷകനായ അബാദ് പോണ്ട പറയുന്നത്. ലൈംഗികവേഴ്ച
നടത്തുന്നതിൻ്റെ ദൃശ്യങ്ങള്‍ മാത്രമാണ് നിയമപ്രകാരം പോൺ ആയി
പരിഗണിക്കുന്നതെന്നും മറ്റു ചിത്രങ്ങള്‍ അശ്ലീലചിത്രങ്ങളായി മാത്രമാണ്
കാണുന്നതെന്നും അഭിഭാഷകൻ വ്യക്തമാക്കി.

ബോളിവുഡ് നടി ശിൽപ ഷെട്ടിയോടൊപ്പം ഭര്‍ത്താവ് രാജ് കുന്ദ്ര

ഐടി ആക്ടിലെ വകുപ്പുകളെ ഐപിസി വകുപ്പുകളുമായി കൂട്ടി വായിക്കാൻ പാടില്ലെന്ന് അഭിഭാഷകൻ പറഞ്ഞു. എന്നാൽ മുംബൈ പോലീസ് സ്വീകരിച്ച നടപടി തെറ്റാണ്. ഐടി ആക്ടിലെ സെക്ഷൻ 67എ പറയുന്നത് ലൈംഗികപരമായ രംഗങ്ങളെപ്പറ്റിയാണ്. യഥാര്‍ഥ ലൈംഗിക വേഴ്ചയെ മാത്രമാണ് പോൺ ആയി പരിഗണിക്കാൻ കഴിയൂ. മറ്റു ദൃശ്യങ്ങള്‍ അശ്ലീലദൃശ്യങ്ങള്‍ മാത്രമാണെന്നും അഭിഭാഷകൻ പറഞ്ഞു. ഇന്നു വെബ് സീരീസുകള്‍ വരെ ഇതു ചെയ്യുന്നുണ്ട്. ഇത്തരം
വള്‍ഗര്‍ കണ്ടൻ്റിനെ പോൺ ആയി പരിഗണിക്കാൻ കഴിയില്ല. എന്നാൽ പോൺ എന്നു വിശേഷിപ്പിക്കാൻ കഴിയുന്ന യാതൊന്നും രാജ് കുന്ദ്ര നിര്‍മിച്ച വീഡിയോകളിലില്ല. കേസിൽ രാജ് കുന്ദ്ര ജാമ്യാപേക്ഷ
നല്‍കിയിട്ടുമുണ്ട്.ഹോട്ഷോട്ട്സ് എന്ന മൊബൈൽ ആപ്പിനു വേണ്ടി രാജ് കുന്ദ്ര പോൺ വീഡിയോകള്‍ നിര്‍മിക്കുകയായിരുന്നുവെന്നാണ് മുംബൈ പോലീസ് കോടതിയെ അറിയിച്ചത്. കേസിൽ വെള്ളിയാഴ്ച വരെ രാജ് കുന്ദ്രയെ പോലീസ് കസ്റ്റഡിയിൽ വിട്ടിട്ടുണ്ട്. ഒഴിവാക്കാനാകാത്ത സാഹചര്യത്തിൽ മാത്രമേ പോലീസ് കസ്റ്റഡിയും അറസ്റ്റും ഉള്‍പ്പെടെയുള്ള നടപടികളിലേയ്ക്ക് കടക്കാവൂ
എന്നും അഭിഭാഷകൻ പറഞ്ഞു. രാജ് കുന്ദ്രയെ അറസ്റ്റ് ചെയ്തത്
നിയമപ്രകാരമല്ലെന്നും അഭിഭാഷകൻ പറഞ്ഞു.അതേസമയം, രാജ് കുന്ദ്രയ്ക്കെതിരെ മതിയായ തെളിവുകളുണ്ടെന്നാണ് മുംബൈ പോലീസ് പറയുന്നത്. സംഭവത്തിൽ ഭാര്യ ശിൽപ ഷെട്ടിയ്ക്ക് പങ്കില്ലെന്നും ഉദ്യോഗസ്ഥര്‍ പറയുന്നു. കേസുമായി ബന്ധപ്പെട്ട് ഇതുവരെ 11 പേരെയാണ് പോലീസ് അറസ്റ്റ് ചെയ്തത്. കുന്ദ്രയുമായി അടുത്ത ബന്ധമുള്ള കമ്പനി ഉദ്യോഗസ്ഥനായ റയാൻ തോര്‍പ്പിനെയും പോലീസ് അറസ്റ്റ് ചെയ്തിട്ടുണ്ട്. അതേസമയം, സംഭവത്തൽ അറസ്റ്റിലായ നടി ഗെഹ്ന വസിഷ്ട് പോലീസിൻ്റെ ആരോപണങ്ങള്‍ നിഷേധിച്ചു. തന്നെ അറസ്റ്റ് ചെയ്ത നടപടി തെറ്റാണ്. ഇറോട്ടിക് സ്വഭാവമുള്ള അഡൽറ്റ് വീഡിയോകള്‍ മാത്രമാണ് നിര്‍മിച്ചതെന്നും ഇവയെ പോൺ എന്നു വിശേഷിപ്പിക്കാൻ കഴിയില്ലെന്നും അവര്‍ വ്യക്തമാക്കി. മുംബൈയ്ക്കു സമീപമുള്ള മധ് ദ്വീപിൽ ഫെബ്രുവരിയിൽ നടന്ന ഒരു റെയ്ഡിനു ശേഷമാണ് പോലീസ് കേസെടുത്തത്. ഇവിടെ വെച്ച് പോൺ ഫിലിം ചിത്രീകരിക്കുകയായി രുന്നുവെന്നാണ് പോലീസ് പറയുന്നത്. റെയ്ഡിനിടെ പോലീസ് കണ്ടെത്തിയ സ്ത്രീയാണ് കേസിലെ പരാതിക്കാരി.

Related Articles

stay connected

1,820FansLike
53FollowersFollow
1,850SubscribersSubscribe
- Advertisement -spot_img
- Advertisement -spot_img

Latest Articles