പെട്രോൾപമ്പിൽ പണം ആവശ്യപ്പെട്ട ജീവനക്കാരനെ ആക്രമിച്ചവർ പിടിയിൽ

കൊല്ലം: വാഹനത്തിൽ പെട്രോൾ നിറച്ചതിന്​​ മുഴുവൻ പണം നൽകാ​തിരുന്നതിനെ തുടർന്ന്​ ​പണം ആവശ്യപ്പെട്ട പമ്പ്​ ജീവനക്കാരനെ ആക്രമിച്ചവർ പിടിയിൽ. ശകതികുളങ്ങര മരിയാലയം ജങ്​ഷനു സമീപമുള്ള സ്വകാര്യ പെേട്രാൾ പമ്പിലെ ജീവനക്കാരനെ ആക്രമിച്ച യുവാക്കളാണ്​ പൊലീസ്​ പിടിയിലായത്​. പോരുവഴി അമ്പലത്തുംഭാഗം റേഡിയോ മുക്കിന് സമീപം പ്രിജിത്ത് ഭവനിൽ പ്രിജിത്ത് (23), അഞ്ചാലുംമൂട് തൃക്കരുവാ വൻമള തെക്കേ ചേരിയിൽ ഷഹനാ മൻസിലിൽ നവാസ്​ (38) എന്നിവരാണ് പിടിയിലായത്. കഴിഞ്ഞ രാത്രി പമ്പിലെത്തി 50 രൂപയുടെ ഇന്ധനം നിറച്ചിട്ട് ഇവർ 20 രൂപ നൽകുകയായിരുന്നു. ബാക്കി ആവശ്യപ്പെട്ട പമ്പിലെ ജീവനക്കാരനായ ജെറോണിനെ ഇവർ ആക്രമിച്ചു. ആക്രമണത്തിൽ ഇയാളുടെ മൂക്കിെൻറ അസ്​ഥിക്ക് പൊട്ടൽ സംഭവിച്ചു. സംഭവത്തിന് ശേഷം പമ്പ് ജീവനക്കാർ തടഞ്ഞ് വച്ച ഒരാളെ പൊലീസിൽ ഏൽപ്പിക്കുകയായിരുന്നു. ബൈക്കിൽ രക്ഷപെട്ട പ്രജിത്തിനെ ശകതികുളങ്ങര ഹാർബറിന് സമീപം നിന്നും പുലർച്ചെയാണ്​​ പിടികൂടിയത്​. ശക്തികുളങ്ങര ഇൻസ്​പെക്ടർ യു. ബിജു, എസ്​.ഐ അനീഷ്, എ.എസ്​.ഐമാരായ പ്രദീപ്, സജിത്ത്, സ്​പെഷൽ ബ്രാഞ്ച് ഇൻസ്​പെക്ടർ ജോസഫ് എന്നിവരടങ്ങിയ സംഘമാണ്