27.9 C
Kollam
Sunday, June 26, 2022
spot_img

പിസി ജോർജിനെ തിരുവനന്തപുരത്തേക്ക് എത്തിച്ചത് രണ്ടര മണിക്കൂര്‍കൊണ്ട്; വാഹനം ഒരാളെ ഇടിച്ചു

തിരുവനന്തപുരം: മതവിദ്വേഷ പ്രസംഗത്തിന്‍റെ പേരിൽ അറസ്റ്റ് ചെയ്ത പി സി ജോർജിനെ കൊച്ചിൽ നിന്ന് തിരുവനന്തപുരത്തേക്ക് എത്തിച്ചത് രണ്ടര മണിക്കൂർകൊണ്ട്. കിഴക്കേക്കോട്ടയിൽ മതവിദ്വേഷ പ്രസംഗം നടത്തിയ കേസിൽ ലഭിച്ച ജാമ്യം മജിസ്ട്രേട്ട് കോടതി റദ്ദാക്കിയതിനെ ത്തുടർന്നായിരുന്നു പി സി ജോർജിനെ ഫോർട് പോലീസ് വീണ്ടും അറസ്റ്റ് ചെയ്തത്.ഇന്നലെ അർധരാത്രിയോടെയാണ് കൊച്ചിയിൽ നിന്ന് പി സി ജോർജിനെ തിരുവന്തപുരത്ത് എത്തിച്ചത്. തുടർന്ന് ഇന്ന് രാവിലെ വഞ്ചിയൂർ കോടതിയിൽ ഹാജരാക്കിയ അദ്ദേഹത്തെ 14 ദിവസത്തേക്ക് റിമാൻഡ് ചെയ്തു. അതേസമയം കൊച്ചിയിൽ നിന്ന് തിരുവനന്തപുരത്തേക്ക് പി സി ജോർജിനെ എത്തിക്കാൻ രണ്ടരമണിക്കൂർ മാത്രമാണ് പോലീസ് എടുത്തത്. ഇതിനിടെ വാഹനം ഒരാളെ ഇടിച്ചതായും റിപ്പോർട്ടുണ്ട്.

കൊച്ചിയിൽ നിന്ന് ബുധനാഴ്ച രാത്രി പത്തോടെയായിരുന്നു പോലീസ് സംഘം യാത്ര ആരംഭിച്ചത്. തുടർന്ന് രണ്ടരമണിക്കൂർകൊണ്ട് തിരുവനന്തപുരത്തെത്തി. അതിവേഗത്തിലാണ് പി സി ജോർജുമായുള്ള വാഹനമെത്തിയതെന്ന് ബിജെപി തിരുവനന്തപുരം ജില്ലാ പ്രസിഡന്‍റ് വി വി രാജേഷ് ആരോപിച്ചു. പി സി ജോർജിന്‍റെ മകൻ ഷോൺ ജോർജും ഇതേകാര്യം മാധ്യമങ്ങളോട് പറഞ്ഞു.

‘രണ്ട് മണിക്കൂർ നാൽപ്പത് മിനിട്ടുകൊണ്ടാണ് വാഹനം തിരുവനന്തപുരത്തെത്തിയത്. അതോടൊപ്പം വരേണ്ടത് എന്‍റെ കടമ ആയതുകൊണ്ട് ഞാനും വന്നു. എന്‍റെ വണ്ടി നൂറിന് താഴെ നിന്നില്ല. അവിടെ നിന്ന് ഇത്രയും ബഹളംവെച്ച് വരേണ്ട കാരണം എന്താണ്? വന്നവഴിക്ക് ഒരു സാധാരണക്കാരനെ ഇടിച്ചിട്ടു. പോലീസിനെതിരെ ക്രിമിനൽ കേസ് എടുക്കേണ്ടേ? എന്‍റെ വണ്ടിയുടെ കാര്യം പറയാലോ, ഒരു പതിനായിരം രൂപയുടെ പെറ്റിയടക്കാനുള്ള തെറ്റ് ഞാൻ ഇന്നലെ രാത്രി ചെയ്തിട്ടുണ്ട്. പോലീസിന്‍റെ ഒരു നൂറ് വണ്ടിയും ഇതേ തെറ്റ് ചെയ്തിട്ടുണ്ട്. ഞാൻ ആ പതിനായിരം അടക്കും. സ്വാഭാവികമായിട്ടും ഓവർ സ്പീഡിന് ക്യാമറ മുഴുവൻ അടിച്ചിട്ടുണ്ട്.” ഷോൺ ജോർജ് മാധ്യമങ്ങളോട് പറഞ്ഞു. മംഗലപുരത്ത് വെച്ചാണ് പോലീസ് വാഹനം തട്ടി ഒരാള്‍ക്ക് പരിക്കേറ്റതെന്ന്റിപ്പോർട്ട് ചന്തവിള സ്വദേശി മുഹമ്മദ് ബഷീറിനാണ് പരിക്കേറ്റത്. പരിക്ക് ഗുരുതരമല്ല. ഇയാളെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. റോഡ് മുറിച്ചുകടന്നപ്പോള്‍ മുഹമ്മദിനെ വാഹനമിടിക്കുകയായിരുന്നെന്നാണ് പോലീസിന്‍റെ പ്രതികരണം.

Related Articles

stay connected

3,430FansLike
800FollowersFollow
19,100SubscribersSubscribe
- Advertisement -spot_img

Latest Articles