24.9 C
Kollam
Wednesday, July 28, 2021
spot_img

പിണറായിയെ ചവിട്ടി വീഴ്‌ത്തിയെന്ന് ഞാൻ പറഞ്ഞിട്ടില്ല’: സുധാകരൻ 

തിരുവനന്തപുരം: മുഖ്യമന്ത്രി പിണറായി വിജയനും കെപിസിസി പ്രസിഡൻ്റ് കെ സുധാകരനും തമ്മിലുള്ള വാക്രൂ പോര്  രൂക്ഷം  കാമ്പസ് പഠനകാലത്ത് ബ്രണ്ണൻ കോളേജിൽ വെച്ച് പിണറായി വിജയനെ മർദ്ദിച്ചെന്ന സുധാകരൻ്റെ ആരോപണം മുഖ്യമന്ത്രി ഏറ്റെടുത്തതോടെയാണ് പുതിയ സാഹചര്യമുണ്ടായത്. തൻ്റെ മക്കളെ തട്ടിക്കൊണ്ട് പോകാൻ സുധാകരൻ പദ്ധതിയിട്ടിരുന്നുവെന്നും ഒരു കോൺഗ്രസ് നേതാവ് ഇക്കാര്യമറിയിച്ച് മുന്നറിയിപ്പ് നൽകിയെന്നും മുഖ്യമന്ത്രി പറഞ്ഞതോടെയാണ് ഇരുവരും തമ്മിലുള്ള തർക്കം രൂക്ഷമായത്. വെള്ളിയാഴ്‌ച നടന്ന വാർത്താ സമ്മേളനത്തിൽ മുഖ്യമന്ത്രി നടത്തിയ ആരോപണങ്ങൾക്ക് മറുപടി നൽകുകയാണ് സുധാകരൻ.
കെപിസിസിസി പ്രസിഡൻ്റ് സ്ഥാനത്തേക്ക് സുധാകരൻ എത്തിയതോടെ രാഷ്‌ട്രീയ കേരളം പ്രതീക്ഷിച്ച അങ്കത്തിലേയ്ക്ക്  കാര്യങ്ങൾ നീങ്ങുകയാണ് പിണറായി ആണോ മിടുക്കൻ സുധാകരൻ ആണോ എന്നുള്ളതാണ് ഇപ്പോൾ ജനങ്ങൾ ഉറ്റുനോക്കുന്നത്   സുധാകരൻ്റെ ‘കെണിയിൽ’ മുഖ്യമന്ത്രി വീണെന്ന് ഒരു വിഭാഗം ആരോപിക്കുമ്പോൾ മുതിർന്ന കോൺഗ്രസ് നേതാക്കളുടെ നിലപാട് ആയുധമാക്കി സുധാകരനെ തുറന്ന് കാട്ടാനാണ് സിപിഎം നീക്കം. മുഖ്യമന്ത്രിയുടെ പ്രതികരണം ഇതിനുള്ള തെളിവാണ്. സമൂഹമാധ്യമങ്ങളിലൂടെ നീക്കം ശക്തമാക്കുകയെന്ന ലക്ഷ്യവും പാർട്ടിക്കുണ്ട്. പ്രതിപക്ഷ നേതാവായി വി ഡി സതീശൻ എത്തിയെങ്കിലും സർക്കാരിനെയോ മുഖ്യമന്ത്രിയെയോ വെല്ലുവിളിക്കാൻ തയ്യാറായിരുന്നില്ല. എന്നാൽ സുധാകരൻ കെപിസിസിസി പ്രസിഡൻ്റ് സ്ഥാനത്തേക്ക് എത്തിയതോടെ പുതിയ സാഹചര്യത്തിലേക്ക് കാര്യങ്ങൾ നീങ്ങുകയാണ്. എന്നാൽ മരം മുറി വിവാദത്തിൽ നിന്ന് ജനശ്രദ്ധയകറ്റാനുള്ള ശ്രമമാണ് മുഖ്യമന്ത്രി നീക്കം നടത്തുന്നതെന്ന ആരോപണവുമുണ്ട്.
കുട്ടികളെ തട്ടിക്കൊണ്ട് പോകാൻ ശ്രമിച്ചെന്ന മുഖ്യമന്ത്രി പിണറായി വിജയൻ്റെ ആരോപണം    വാർത്താസമ്മേളനത്തിൽ സുധാകരൻ  വ്യക്തമാക്കി. ഇങ്ങനെ ഒരു സംഭവം ഉണ്ടായാൽ പോലീസിനെയാണ് ആദ്യം അറിയിക്കേണ്ടത്. കുട്ടികളെ തട്ടിക്കൊണ്ട് പോകാൻ ശ്രമം നടക്കുന്നുണ്ടെന്ന് അറിയിച്ച കോൺഗ്രസ് നേതാവിൻ്റെ പേരുവിവരങ്ങൾ അദ്ദേഹം പുറത്തുവിടണം. അവ്യക്തമായ ആരോപണങ്ങൾ മുഖ്യമന്ത്രിക്ക് ചേരുന്നതല്ല. മുഖ്യമന്ത്രിക്ക് പൊളിറ്റിക്കൽ ക്രിമിനലിൻ്റെ ഭാഷയാണ്. പിണറായി വിജയൻ്റെ നിലവാരത്തിലേക്ക് താഴാൻ എനിക്കാകില്ല.
പിണറായിയെ ചവിട്ടിയെന്ന് ഞാൻ പറഞ്ഞിട്ടില്ല; സുധാകരൻ  കോളേജ് പഠനകാലത്ത് പിണറായി വിജയനെ ചവിട്ടി വീഴ്‌ത്തിയെന്ന വാർത്തകൾ തള്ളി സുധാകരൻ. . ലേഖനത്തിൽ വന്നത് ഓഫ് റെക്കോർഡായി പറഞ്ഞ കാര്യങ്ങളാണ്. നട്ടെല്ല് ഉണ്ടെങ്കിൽ ആരോപണം തെളിയിക്കാൻ അന്വേഷണം നടത്തണം. പിആര്‍ ഏജന്‍സിയുടെ മൂടുപടത്തില്‍നിന്നു പുറത്തുവന്ന പിണറായി വിജയനാണ് ഇന്നലെ ജനങ്ങള്‍ക്കു മുന്നിലെത്തിയത്” -എന്നും അദ്ദേഹം പറഞ്ഞു.
]തനിക്ക് ഗുണ്ടാ ഗ്രൂപ്പുകളുമായി ബന്ധമുണ്ടെങ്കിൽ മുഖ്യമന്ത്രി തെളിയിക്കണമെന്ന് സുധാകരൻ വെല്ലുവിളിക്കുകയും ചെയ്‌തു. തന്നെ സംഘപരിവാറാക്കാനും ഗുണ്ടാ ഗ്രൂപ്പുകളുമായി ബന്ധമുള്ളയാൾ ആക്കാനുമുള്ള ശ്രമമാണ് നടക്കുന്നത്. ഒന്നും കാട്ടി തന്നെ വിരട്ടാൻ ശ്രമിക്കേണ്ട. തനിക്കെതിരായ ആരോപണം തെളിയിച്ചാൽ രാഷ്‌ട്രീയ പ്രവർത്തനം അവസാനിപ്പിക്കാൻ തയ്യാറാണ്. തോക്ക് കൈവശം സൂക്ഷിക്കുന്ന പിണറായി വിജയനാണോ ഇതുവരെ തോക്ക് ഇല്ലാത്ത ഞാൻ ആണോ മാഫിയ എന്ന് ജനം പറയട്ടെ. മുഖ്യമന്ത്രിയുടെ ഓഫീസാണ് കള്ളക്കടത്ത് നടത്തിയത്. വിദേശ കറൻസി നോട്ട് ഇടപാട് എനിക്കില്ല. മണൽ മാഫിയ ബന്ധം എനിക്ക് ഉണ്ടെങ്കിൽ അന്വേഷിക്കട്ടെ എന്നും കെപിസിസി പ്രസിഡൻ്റ് വ്യക്തമാക്കി.
മുഖ്യമന്ത്രി പിണറായി വിജയൻ നടത്തിയത് സംസ്‌കാരഹീനമായ പ്രതികരണമാണെന്ന് സുധാകരൻ പറഞ്ഞു. പിണറായി വിജയന് എന്നെ നേരത്തെ തന്നെ അറിയാം. അർഹതപ്പെട്ട സ്ഥാനത്ത് ഇരിക്കുമ്പോൾ അന്തസോടെ പ്രതികരിക്കണം. കള്ളവാർത്ത പ്രചരിപ്പിക്കാൻ അപാര തൊലിക്കട്ടി വേണം. ഇതൊരു ഒരു മുഖ്യമന്ത്രിക്ക് ഭൂഷണമല്ല. ശുദ്ധമായ മനസാവണം ഒരു മുഖ്യമന്ത്രിക്ക് ഉണ്ടാകേണ്ടതെന്നും അദ്ദേഹം ആരോപിച്ചു.
ഒരു പത്രത്തിന് നൽകിയ അഭിമുഖത്തിലാണ്  ബ്രണ്ണൻ കോളേജിലെ പഠനകാലത്ത് മുഖ്യമന്ത്രി പിണറായി വിജയനെ ചവിട്ടി വീഴ്ത്തിയിട്ടുണ്ടെന്ന ആരോപണം സുധാകരൻ നടത്തിയത്. “താൻ ചെയർമാനായി മത്സരിച്ചിരുന്ന കാലത്ത് ബ്രണ്ണൻ കോളേജിൽ 35 വോട്ടായിരുന്നു എസ്എഫ്ഐക്ക് ലഭിച്ചിരുന്നത്.  എസ്  എഫു ഐ പഠിപ്പു മുടക്ക് പ്രഖ്യാപിച്ച ഒരു ദിവസം പിണറായി കാമ്പസിലെത്തി. പഠിപ്പു മുടക്ക് പൊളിക്കാൻ രണ്ടാം വർഷ വിദ്യാർഥികളെ ക്ലാസിലിരുത്തി ക്ലാസെടുക്കുകയായിരുന്നു. ഈ സമയം എകെ ബാലന്റെ നേതൃത്വത്തിൽ വിദ്യാർഥികൾ സംഘടിച്ചു വന്നെങ്കിലും കെഎസ്‌യുക്കാർ തല്ലിയോടിച്ചു. ഇതറിഞ്ഞ് പിണറായി വിജയൻ ഓടിയെത്തി. രണ്ടാം നിലയിലേക്ക് ഓടിക്കയറിവന്ന പിണറായി നീയേതാടാ ധാരാസിങ്ങോ എന്ന് ചോദിക്കുകയും ചവിട്ടി വീഴ്‌ത്തുകയുമായിരുന്നു. തുടർന്ന് പിണറായി വിജയനെ കെഎസ്‌യു പ്രവർത്തകർ വളഞ്ഞിട്ട് തല്ലി” – എന്നും അഭിമുഖത്തിൽ സുധാകരൻ പറഞ്ഞു.എന്നുമാണ് വാർത്ത വന്നത് 
കെ സുധാകരൻ തന്‍റെ മക്കളെ തട്ടിക്കൊണ്ടുപോകാൻ പദ്ധതിയിട്ടിരുന്നതായി ഒരു കോൺഗ്രസ് നേതാവ് പണ്ട് വെളിപ്പെടുത്തിയിട്ടുണ്ടെന്ന ഗുരുതരമായ ആരോപണമാണ് മുഖ്യമന്ത്രിയുടെ ഭാഗത്ത് നിന്നും ഉണ്ടായത്. സുധാകരന് തന്നെ ആക്രമിക്കണമെന്ന് മോഹമുണ്ടായിട്ടുണ്ടാകാം. എന്നാൽ അങ്ങനെ സംഭവിച്ചിട്ടുണ്ടെങ്കിൽ മാത്രമേ പറയാൻ സാധിക്കൂ. സുധാകരനെക്കാള്‍ തടിമിടുക്കുള്ള പലരും അന്ന് ഉണ്ടായിരുന്നു. എന്നാൽ തന്നെ ഒന്നും ചെയ്യാൻ സാധിച്ചിട്ടില്ല. എൻ്റെ ശരീരത്തിനടുത്തേയ്ക്ക് വരണമെന്നും ആക്രമിക്കണമെന്നും പലരും വിചാരിച്ചിട്ടുണ്ടാകാം, പക്ഷെ സാധിച്ചിട്ടില്ലെന്ന് മുഖ്യമന്ത്രി വാർത്താ സമ്മേളനത്തിൽ പറഞ്ഞു.
കോളേജ് വിട്ടതിനു ശേഷം ഒരു പരീക്ഷാ ബഹിഷ്കരണത്തിൻ്റെ ഭാഗമായി കോളേജിൽ എത്തിയതായിരുന്നു. സമരത്തിനിടെ കെഎസ്എഫ് പ്രവര്‍ത്തകരെ എതിര്‍ക്കാൻ സുധാകരൻ അടക്കമുള്ള കെഎസ്‍‍യു പ്രവര്‍ത്തകര്‍ രംഗത്തെത്തി. സമരം സംഘര്‍ഷത്തിലേയ്ക്ക് നീങ്ങി. കോളേജ് വിട്ടതിനാൽ തനിക്ക് ഇടപെടാൻ പരിമിതികളുണ്ട്. “സുധാകരൻ അക്കൂട്ടത്തിലുണ്ട്. എല്ലാവരും ചെറുപ്പക്കാരല്ലേ. സംഘര്‍ഷത്തിൽ ഉള്‍പ്പെടരുതെന്ന് എനിക്കുണ്ട്. പക്ഷെ സംഗതി കൈവിട്ടു പോയി. ഈ ചെറുപ്പക്കാരൻ്റെ നേരെ ഞാൻ ഒരു പ്രത്യേകരീതിയിൽ ആക്ഷൻ കാണിച്ചു. കൈമുഷ്ടി ഉപയോഗിച്ച് ഇടിയ്ക്കുന്നതു പോലെ ആക്ഷൻ കാണിച്ചു. ആ ഇടിയിൽ ഒരു വല്ലാത്ത ശബ്ദമുണ്ടായി.” ഇതിനിടയിലാണ് കെ സുധാകരൻ തനിക്കെതിരെ എത്തിയത്. അപ്പോള്‍ സുധാകരനൊപ്പം അയാളുടെ നേതാവ് (കെഎസ്‍‍യു നേതാവ്) ബാലനുമുണ്ട്. ബാലനും താനും സുഹൃത്തുക്കളാണ്. “അയ്യോ വിജയാ, ഒന്നും ചെയ്യല്ലേ എന്നു ബാലൻ പറഞ്ഞു. അന്നു ഞാൻ തിരിച്ചു പറഞ്ഞത് ഇപ്പോള്‍ പറയാൻ പറ്റുമോ എന്ന് എനിക്കറിയില്ല. പിടിച്ചു കൊണ്ടു പോടാ, ആരാ ഇവൻ എന്നു ഞാൻ ചോദിച്ചു.”

Related Articles

Stay Connected

22,036FansLike
2,872FollowersFollow
18,100SubscribersSubscribe
- Advertisement -spot_img

Latest Articles