30.9 C
Kollam
Tuesday, August 3, 2021
spot_img

പഴയ ചെക്ക് ബുക്കുകൾ അസാധുവാകും

ബാങ്കുകളുടെ ചെക്ക്ബുക്ക് ഇനിയില്ല. പഴയ ചെക്കുബുക്കുകൾ അസാധുവാകുന്നതിനെക്കുറിച്ച് ഉപഭോക്താക്കൾക്ക് മുന്നറിയിപ്പ് 

കൊല്ലം;ചെക്ക്ബുക്കുകൾ അപ്ഡേറ്റ് ചെയ്യാറുണ്ടോ  ഇതിനോടകം  ചില ബാങ്കുകളുടെ പഴയ ചെക്ക്ബുക്കുകൾ അസാധുവായിക്കഴിഞ്ഞു. മറ്റ് ചില ബാങ്കുകളുടെ ചെക്ക് ബുക്ക് അസാധുവാകുന്നതിനെക്കുറിച്ച് ഉപഭോക്താക്കൾക്ക് മുന്നറിയിപ്പും നൽകിയിട്ടുണ്ട്. ആന്ധ്ര ബാങ്കിൻെറയും കോർപ്പറേഷൻ ബാങ്കിന്റെയും അക്കൗണ്ട് ഉടമകളുടെ പഴയ ചെക്ക് ബുക്കുകൾ അസാധുവായി. പഞ്ചാബ് നാഷണൽ ബാങ്കും മുന്നറിയിപ്പ് നൽകിയിട്ടുണ്ട് .
ഓറിയൻറൽ ബാങ്ക്, യൂണിയൻ ബാങ്ക് ഓഫ് ഇന്ത്യ എന്നിവ പഞ്ചാബ് നാഷണൽ ബാങ്കിൽ ലയിച്ചതിനാൽ ഈ ബാങ്കുകളുടെ ചെക്ക്ബുക്കുകൾ അസാധുവാകുമെന്ന് ബാങ്ക് ഉപഭോക്താക്കൾക്ക് മുന്നറിയിപ്പ് നൽകിയിട്ടുണ്ട്.പഞ്ചാബ് നാഷണൽ ബാങ്കുകളിലൂടെ നേരിട്ടും എടിഎം, ഐബിഎസ് എന്നീ സംവിധാനങ്ങളിലൂടെയും നേരിട്ട് പുതിയ ചെക്ക്ബുക്കിനായി അപേക്ഷിക്കാനാകും.

ചെക്ക്ബുക്ക് സംബന്ധിച്ച വിവരങ്ങൾക്കായി 18001802222, 18001032222, എന്നീ പി‌എൻ‌ബി കസ്റ്റമർ കെയർ നമ്പറുകളിലേക്കും ബന്ധപ്പെടാം. ബ്രാഞ്ചിൻെറ പുതിയ ഐ‌എഫ്‌എസ്‌സി, എം‌ഐ‌സി‌ആർ കോഡ് അറിയുന്നതിന് ബാങ്ക് ബ്രാഞ്ചുമായി ബന്ധപ്പെടാം. കസ്റ്റമര്‍കെയര്‍ നമ്പറിൽ നിന്നും വിവരങ്ങൾ ലഭിക്കും. പുതിയ ഐ‌എഫ്‌എസ്‌സി കോഡ് ഉപഭോക്താക്കൾക്ക് എസ്എംഎസ് ആയി നൽകിയിട്ടുണ്ടെന്നും ബാങ്ക് അധികൃതര്‍ വ്യക്തമാക്കി.

ആന്ധ്ര ബാങ്ക്, കോർപ്പറേഷൻ ബാങ്ക് എന്നിവയുടെ പഴയ ചെക്ക് ബുക്കുകൾക്ക് 2021 ജൂൺ 30 വരെ മാത്രമേ സാധുതയുള്ളൂവെന്ന് ബാങ്ക് ഉപഭോക്താക്കളെ അറിയിച്ചിരുന്നു. ജൂലൈ ഒന്നു മുതൽ പുതുക്കിയ ചെക്ക് ബുക്കുകകൾക്കാണ് സാധുതയുള്ളത്. റിസർവ് ബാങ്ക് നിർദ്ദേശപ്രകാരമാണിത്. പഴയ ചെക്ക്ബുക്ക് ഉടമകൾ പുതിയ ചെക്ക്ബുക്കുകൾക്ക് അപേക്ഷ നൽകണം. പുതിയ ചെക്ക്ബുക്കുകൾക്കായി ബാങ്ക് ശാഖകളുമായി ബന്ധപ്പെടാം.
പഴയ സിൻഡിക്കേറ്റ് ബാങ്ക് ചെക്കു ബുക്കുകൾക്കുമുണ്ട് മാറ്റം. ചക്ക് ബുക്കുകളും ഐ‌എഫ്‌എസ്‌സി കോഡുകളും ജൂലൈ ഒന്നു മുതൽ അസാധുവാകുമെന്ന് കാനറ ബാങ്ക് അറിയിച്ചിരുന്നു. ജൂൺ 30 നകം ബാങ്ക് ബ്രാഞ്ചിന്റെ ഐ.എഫ്.എസ്.സി കോഡ് അപ്‌ഡേറ്റ് ചെയ്യാൻ ബാങ്ക് സിൻഡിക്കേറ്റ് ബാങ്കിനോട് ആവശ്യപ്പെട്ടിരുന്നു. പുതിയ എം.ഐ.സി.ആര്‍, ഐ.എഫ്.എസ്.സി കോടുകൾ അറിയുന്നതിനും പുതുക്കിയ ചെക്ക് ബുക്കുകൾ ലഭിക്കുന്നതിനും ബാങ്ക് ശാഖകളുമായി ബന്ധപ്പെടാം

Related Articles

stay connected

1,530FansLike
54FollowersFollow
1,860SubscribersSubscribe
- Advertisement -spot_img
- Advertisement -spot_img

Latest Articles