നാളികേരം കയറ്റിവന്ന ലോറി നാലു വാഹനങ്ങളിൽ ഇടിച്ചു മറിഞ്ഞു

കൊട്ടാരക്കര: നാളികേരം കയറ്റിവന്ന ലോറി നാലു വാഹനങ്ങളിൽ ഇടിച്ചു മറിഞ്ഞു. എംസി റോഡിൽ പുത്തൂർമുക്കിൽ ശനി പുലർച്ചെയാണ് അപകടമുണ്ടായത്. അടൂർ ഭാ​ഗത്തുനിന്നു വന്ന ലോറിയാണ് അപകടത്തിൽപ്പെട്ടത്. തമിഴ്നാട് സ്വദേശികളായ ലോറി ഡ്രൈവറെയും സഹായിയെയും ​ഗുരുതര പരിക്കുകളോടെ ആശുപത്രിയിൽ പ്രവേശിപ്പിച്ചു. എതിർദിശയിൽ വന്ന ​ഗ്യാസ് ലോറിയിൽ ഇടിച്ച വാഹനം നിയന്ത്രണം വിട്ട് മറ്റു മൂന്നു വാഹനങ്ങളിലും ഇടിച്ചതിനുശേഷം മറിയുകയായിരുന്നു. ഡ്രൈവർ ഉറങ്ങിയതാകാം അപകട കാരണമെന്നാണ്‌ പ്രാഥമിക നി​ഗമനം.