30.9 C
Kollam
Tuesday, August 3, 2021
spot_img

നാരങ്ങാ നീർ ഒഴിച്ച വെള്ളത്തിൽ  മുഖം ആവി കൊണ്ടാൽ 

(ബ്യുട്ടി ടിപ്‌സ് )

നാരങ്ങ പിഴിഞ്ഞൊഴിച് വെള്ളത്തില്‍ മുഖം ആവി പിടിയ്ക്കുന്നത് പല സൗന്ദര്യ ഗുണങ്ങളും നല്‍കുന്നു. ഇതെക്കുറിച്ചറിയൂ.
സൗന്ദര്യത്തിന് സഹായിക്കുന്ന വഴികള്‍ പലതുണ്ട്. സൗന്ദര്യത്തെ അലട്ടുന്ന പ്രശ്‌നങ്ങളും പലതാണ്. ഇതില്‍ ഒന്നാണ് മുഖത്ത് സ്റ്റീം അഥവാ ആവി പിടിയ്ക്കുക എന്നത്. കോള്‍ഡ് പോലെയുളള പല അസുഖങ്ങള്‍ക്കും പ്രതിവിധിയായി പറയുന്ന ആവി കൊള്ളല്‍ സൗന്ദര്യത്തിനും നല്ലതാണ്. ആവി പിടിയ്ക്കുമ്പോള്‍ മുഖത്തെ അഴുക്ക് നീങ്ങുന്നു. ഇതിലൂടെ ചര്‍മ സുഷിരങ്ങള്‍ തുറക്കുന്നു. മുഖക്കുരു, ബ്ലാക് ഹെഡ്‌സ് തുടങ്ങിയ പല പ്രശ്‌നങ്ങള്‍ക്കും കാരണം ഇത്തരം ചര്‍മ സുഷിരങ്ങള്‍ അടയുന്നതാണ്. ഇതിനെല്ലാമുള്ള നല്ലൊരു പ്രതിവിധിയാണ് ആവി പിടിയ്ക്കല്‍.

മുഖത്ത് ആവി പിടിയ്ക്കുന്ന വെള്ളത്തില്‍ അല്‍പം നാരങ്ങാനീര് പിഴിഞ്ഞൊഴിഞ്ഞ് ആ വെള്ളത്തില്‍ ആവി പിടിയ്ക്കുന്നത് ഏറെ നല്ലതാണ്. നാരങ്ങ ആരോഗ്യത്തില്‍ മാത്രമല്ല, സൗന്ദര്യ സംരക്ഷണ കാര്യത്തിലും മുന്‍പന്തിയിലാണ്. ഇത് നല്ലൊരു ആന്റി ഓക്‌സിഡന്റാണ്. ഇതിലെ വൈറ്റമിന്‍ സി ഏറെ ഗുണം നല്‍കുന്നു. ക്ലീനിംഗ് ഏജന്റായും ഇതു പ്രവര്‍ത്തിയ്ക്കുന്നു. ഇതിലെ വൈററമിന്‍ സി ഇതിന് ബ്ലീച്ചിംഗ് ഗുണം നല്‍കുന്ന ഒന്നു കൂടിയാണ്. ചര്‍മം തിളങ്ങാനും നിറം വയ്ക്കാനുമെല്ലാം ഇതേറെ നല്ലതാണ്. നാരങ്ങാ നീര് ചേര്‍ത്ത് വെള്ളം കൊണ്ട് ആവി പിടിയ്ക്കുന്നത് കൊണ്ടുള്ള ഗുണങ്ങളെക്കുറിച്ചറിയൂ.
ആരോമാ തെറാപ്പി
നാരങ്ങാ നീരൊഴിച്ച വെളളത്തില്‍ മുഖം ആവി പിടിയ്ക്കുന്നത് നല്ലൊരു ആരോമാ തെറാപ്പിയുടെ ഗുണം നല്‍കുന്നു. നാരങ്ങയില്‍ എസന്‍ഷ്യല്‍ ഓയിലുകള്‍ അടങ്ങിയിട്ടുണ്ട്. ഇതിന് ആന്റി ഓക്‌സിഡന്റ് ഗുണങ്ങളുമുണ്ട്. ഇത് ചര്‍മം കേടാകാതിരിയ്ക്കാന്‍ സഹായിക്കുന്നു. ഫ്രീ റാഡിക്കലുകളാണ് ചര്‍മത്തിന് നാശമുണ്ടാക്കുന്നത്. ഇത്തരം ഫ്രീ റാഡിക്കലുകളെ ഇത് തടയുന്നു. ഇതു വഴി ചര്‍മത്തെ സംരക്ഷിയ്ക്കുന്നു. ഇത് നാച്വറല്‍ ഡീടോക്‌സ് വഴി കൂടിയാണ്. ചര്‍മത്തിലെ ടോക്‌സിനുകള്‍ നീക്കം ചെയ്യാന്‍ ഇത് സഹായിക്കുന്നു.
ആന്റിമൈക്രോബിയല്‍
നാരങ്ങ നല്ലൊരു ആന്റിമൈക്രോബിയല്‍ ഏജന്റു കൂടിയാണ്. അതായത് ബാക്ടീരിയല്‍ അണുബാധകളും മറ്റും ചെറുക്കാന്‍ ഇതേറെ നല്ലതാണ്. ഇതിലൂടെ ചര്‍മത്തിലുണ്ടാകാന്‍ സാധ്യതയുള്ള അണുബാധകളും മററും തടയുന്നു. മുഖക്കുരു, ബ്ലാക് ഹെഡ്‌സ് തുടങ്ങിയ പ്രശ്‌നങ്ങള്‍ക്ക് പരിഹാരവുമാണ് ഈ രീതിയില്‍ നാരങ്ങ പിഴിഞ്ഞൊഴിച്ച വെള്ളത്തില്‍ ആവി പിടിയ്ക്കുന്നത്. മുഖത്തിന് നല്ലൊരു ക്ലെന്‍സിംഗ് ഗുണം നല്‍കുന്ന ഒന്നാണ് ഇത്തരം വെള്ളത്തില്‍ ആവി പിടിയ്ക്കുകയെന്നത്. മുഖത്തിന് തിളക്കവും നല്ലൊരു പുതുമയും അനുഭവപ്പെടും.
നാരങ്ങയ്ക്ക്
നാരങ്ങയ്ക്ക് ആന്റി സ്റ്റിഗ്നന്റ് ഗുണങ്ങളുണ്ട്. ഇത് ചര്‍മ സുഷിരങ്ങളെ ചെറുതാകാന്‍, അതായത് ചുരുങ്ങാന്‍ സഹായിക്കുന്നു. ഇതു വഴി ഇത്തരം സുഷിരങ്ങളില്‍ അഴുക്കടിയുന്നത് കുറയുന്നു. മുഖത്തെ ഇത്തരം സുഷിരങ്ങള്‍ തുറന്നിരിയ്ക്കുന്നതാണ് പലപ്പോഴും അഴുക്കടിഞ്ഞു കൂടി മുഖക്കുരു, മുഖത്തെ കുത്തുകള്‍ എന്നിവയ്ക്ക് വഴിയൊരുക്കുന്നത്. ഇതിനുള്ള പരിഹാരമാണ് ഇത്തരം ആവി പിടിയ്ക്കല്‍. നല്ലൊരു ഫേഷ്യല്‍ ടോണര്‍ ഗുണമാണ് ഇത്തരം ആവി പിടിയ്ക്കലിലൂടെ ലഭിയ്ക്കുന്നത്.

Related Articles

Stay Connected

22,036FansLike
2,882FollowersFollow
18,100SubscribersSubscribe
- Advertisement -spot_img

Latest Articles