26.7 C
Kollam
Sunday, June 26, 2022
spot_img

നര അകറ്റാം,പേരയില കൊണ്ടുള്ള ഈ വീട്ടുവൈദ്യം ഒന്ന് പരീക്ഷിക്കൂ

നര മാറാന്‍ വേണ്ടി പലപ്പോഴും കൃത്രിമ മരുന്നുകളെ ആശ്രയിക്കുന്നവരുണ്ട്. ഇത് താല്‍ക്കാലികമായി മറയ്ക്കാന്‍ ഡൈ പോലുള്ളവയെ ആശ്രയിക്കുന്നവരുമുണ്ട്. ഇതെല്ലാം ദോഷങ്ങള്‍ വരുത്തി വയ്ക്കുകയേ ഉള്ളൂ. ഡൈകളില്‍ ധാരാളം രാസവസ്തുക്കള്‍ അടങ്ങിയിട്ടുണ്ട്. ഇവ മുടിയുടെ ആരോഗ്യത്തിന് നല്ലതല്ലെന്ന് മാത്രമല്ല, പല ആരോഗ്യ പ്രശ്‌നങ്ങളും വരുത്തുകയും ചെയ്യും. മുടിയുടെ നര മറയ്ക്കാന്‍ വീട്ടില്‍ തന്നെ ചെയ്യാവുന്ന പല വീട്ടുവൈദ്യങ്ങളുണ്ട്. ഇവയില്‍ ചിലതിനെ കുറിച്ചറിയൂ.

തികച്ചും നാട്ടുവൈദ്യമാണിവ. മുടിയ്‌ക്കോ ആരോഗ്യത്തിനോ യാതൊരു ദോഷവും വരുത്താത്തവ.ഇതിനായി വേണ്ടത് രണ്ടു ചേരുവകളാണ്. പേരയിലയും വെളിച്ചെണ്ണയും.പേരയിലയിയിൽ അടങ്ങിയിരിക്കുന്ന ആന്റിഓക്‌സിഡന്റുകൾ മൂലം ഇത് ഫ്രീ റാഡിക്കലുകളോട് പോരാടാനും അതുവഴി മുടിക്ക് കേടുപാടുകൾ സംഭവിക്കാതിരിക്കാനും വഴിയൊരുക്കുന്നു. പേര ഇലകളിൽ അടങ്ങിയിരിക്കുന്ന അനാലിസിക്, ആന്റിമൈക്രോബയൽ, ആന്റി-ഇൻഫ്ലമേറ്ററി, ആന്റിഓക്‌സിഡന്റ് പ്രോപ്പർട്ടികൾ തലയോട്ടിയുടെ ആരോഗ്യം നഷ്ടപ്പെടാതെ സൂക്ഷിക്കാനും താരനെ ചികിത്സിക്കാനും സഹായിക്കും.

ഇലകളിൽ അടങ്ങിയിട്ടുള്ള ഉയർന്ന അളവിലുള്ള വിറ്റാമിനുകളായ ബി, സി എന്നിവ ഹെയർ ഫോളിക്കിളുകളെ പരിപോഷിപ്പിക്കാനും മുടിയുടെ വേഗത്തിലുള്ള വളർച്ചയെ മികവുറ്റതാക്കാനും സഹായിക്കും.മുടിയ്ക്ക് ഏറ്റവും നല്ല ഓയിലുകളില്‍ ഒന്നാണ് വെളിച്ചെണ്ണ. പ്രത്യേകിച്ചും ഉരുക്കു വെളിച്ചെണ്ണ. മുടിയുടെ ആരോഗ്യത്തിന് ഏറെ മികച്ചതാണിത്. ആരോഗ്യകരമായ പല കൊഴുപ്പുകളും ഇതില്‍ അടങ്ങിയിട്ടുണ്ട്. നമ്മുടെ അടുക്കളയിലെ സ്ഥിരം ചേരുവയായ വെളിച്ചെണ്ണ പല ചര്‍മ പ്രശ്‌നങ്ങള്‍ക്കുമുള്ള നല്ലൊരു മരുന്നാണ്. ചര്‍മത്തിനും ഇതേറെ നല്ലതാണ്.ചര്‍മത്തിലെ ചൊറിച്ചിലും അലര്‍ജി പോലുള്ള പ്രശ്‌നങ്ങള്‍ക്കുമെല്ലാം ഇതു പുരട്ടി പരിഹാരമുണ്ടാക്കാം. ചര്‍മത്തിന് നിറം വര്‍ദ്ധിപ്പിയ്ക്കാനും ഇതേറെ നല്ലതാണ്. ഇതിലെ ആരോഗ്യകരമായ കൊഴുപ്പാണ് സഹായിക്കുന്നത്.

മുടിയുടെ നര മാറാനുള്ള നല്ലൊരു മരുന്നാണിത്. മുടി സ്വാഭാവികമായി കറുപ്പിയ്ക്കാന്‍ സഹായിക്കുന്ന ഒന്ന്. മുടിയുടെ വളര്‍ച്ചയ്ക്കും ഇതേറെ ഗുണകരമാണ്. മുടി നര ഒഴിവാക്കുക മാത്രമല്ല, മുടിയ്ക്കു നല്ല വളര്‍ച്ചയ്ക്കും ആരോഗ്യത്തിനുമെല്ലാം സഹായിക്കുന്ന സ്വാഭാവിക പായ്ക്കാണിത്. തീര്‍ത്തും ശുദ്ധമായ ചേരുവകളാല്‍ തയ്യാറാക്കിയ ഒന്നാണ്. മുടിയ്ക്കു നല്ല തിളക്കവും മൃദുത്വവുമെല്ലാം നല്‍കുന്ന ഒന്ന്.ഇതിനായി അല്‍പം പേരയിലകള്‍ നല്ലതു പോലെ കഴുകി വൃത്തിയാക്കി എടുക്കുക. ഇത് മിക്‌സിയില്‍ അടിയ്ക്കാം. പിന്നീട് ഇതിലെ നീര് ഊററിയെടുക്കാം. മുടിയുടെ അളവ് അനുസരിച്ച് ആവശ്യത്തിനുള്ള ഇലകള്‍ എടുക്കുക. ഇതില്‍ അല്‍പം വെളിച്ചെണ്ണ കൂടി കൂട്ടിച്ചേര്‍ത്തിളക്കാം. ഇത് ശിരോചര്‍മത്തിലും മുടിത്തുമ്പു വരേയും പുരട്ടാം. മുടിയുടെ ആരോഗ്യത്തിനും മുടി കറുക്കാനുമെല്ലാം മികച്ചതാണ് ഈ മിശ്രിതം. ഉണങ്ങുമ്പോള്‍ കഴുകാം. ആഴ്ചയില്‍ രണ്ടു മൂന്നു തവണ ഇത് ചെയ്യാം. അടുപ്പിച്ച് കുറച്ചാഴ്ചകള്‍ ചെയ്യുക.

Related Articles

stay connected

3,430FansLike
800FollowersFollow
19,100SubscribersSubscribe
- Advertisement -spot_img

Latest Articles