26.7 C
Kollam
Sunday, June 26, 2022
spot_img

തൃക്കാക്കരയിൽ വിധിയെഴുത്ത്; നിലനിർത്തുമോ യുഡിഎഫ്; സെഞ്ച്വറി നേടാൻ ഇടതുപക്ഷം

കൊച്ചി: ഒരു മാസത്തോളം നീണ്ട് നിന്ന പ്രചാരണത്തിനൊടുവിൽ തൃക്കാക്കരയിൽ ഇന്ന് വോട്ടെടുപ്പ്. രാവിലെ എഴുമുതൽ വൈകീട്ട് ആറ് വരെയാണ് തെരഞ്ഞെടുപ്പ്. യുഡിഎഫിന്‍റെ സിറ്റിങ് സീറ്റ് നിലനിർത്താൻ മുൻ എംഎൽഎ പി ടി തോമസിന്‍റെ ഭാര്യ ഉമ തോമസാണ് മത്സരിക്കുന്നത്. മറുവശത്ത് സീറ്റ് പിടിച്ചെടുത്ത് നിയമസഭയിൽ എൽഡിഎഫ് അംഗസംഖ്യ 100 തികയ്ക്കുക എന്ന ലക്ഷ്യത്തോടെ സിപിഎം രംഗത്തിറക്കിയിരിക്കുന്നത് ഡോ. ജോ ജോസഫിനെയാണ്. എൻഡിഎയ്ക്കായി മുതിർന്ന നേതാവ് എ എൻ രാധാകൃഷ്ണനും മത്സരരംഗത്തുണ്ട്.

മൂന്ന് പ്രധാന മുന്നണികളുടേതുൾപ്പെടെ എട്ട് സ്ഥാനാർഥികളാണ് തൃക്കാക്കരയിൽ മത്സരരംഗത്തുള്ളത്. യുഡിഎഫ് സ്ഥാനാർഥി ഉമ തോമസിന്‍റെ ചിഹ്നം ‘കൈ’ ആണ്. എൽഡിഎഫ് സ്ഥാനാർഥി ഡോ. ജോ ജോസഫ്- ചുറ്റിക അരിവാൾ നക്ഷത്രം, എൻഡിഎ സ്ഥാനാർഥി എ എൻ രാധാകൃഷ്ണൻ- താമര ചിഹ്നത്തിലും മത്സരിക്കുന്നു. അനിൽ നായർ- ബാറ്ററി ടോർച്ച്, ജോമോൻ ജോസഫ് സ്രാമ്പിക്കൽ -കരിമ്പു കർഷകൻ, സി പി ദിലീപ് നായർ- ടെലിവിഷൻ, ബോസ്കോ ലൂയിസ് – പൈനാപ്പിൾ, മൻമഥൻ- ഓട്ടോറിക്ഷ എന്നിങ്ങനെയാണ് മറ്റ് സ്ഥാനാർഥികളും ചിഹ്നങ്ങളും.

തൃക്കാക്കര ഉപതെരഞ്ഞെടുപ്പിൽ ഇത്തവണ വിധിയെഴുതുന്നത് 1,96,805 വോട്ടർമാർ ആണ്. ഇതിൽ 3633 പേരാണ് കന്നിവോട്ടർമാർ. ആകെയുള്ള 1,96,805 വോട്ടർമാരിൽ 95,274 പേർ പുരുഷന്മാരും 1,01,530 പേർ സ്ത്രീകളും ഒരാൾ ട്രാൻസ്ജെൻഡറുമാണ്. നിലവിലുള്ള കൊവിഡ്-19 മാനദണ്ഡങ്ങള്‍ പാലിച്ചാണ് പോളിംഗ് നടത്തുക.

239 ബൂത്തുകളാണ് തൃക്കാക്കര ഉപതെരഞ്ഞെടുപ്പിനായി ഒരുക്കിയിരിക്കുന്നത്. ഹരിത പ്രോട്ടോകോൾ ഉറപ്പാക്കിയാണ് ബൂത്തുകൾ ഒരുക്കുന്നത്. എല്ലാ ബൂത്തുകളിലും വെബ് കാസ്റ്റിംഗ് സംവിധാനം ഒരുക്കിയിട്ടുണ്ട്. 239 പോളിംഗ് ബൂത്തുകളിൽ 75 എണ്ണം ഓക്സിലറി ബൂത്തുകളാണ്.എല്ലാ വോട്ടര്‍മാരും തെരഞ്ഞെടുപ്പ് കമ്മീഷൻ നൽകി‍യിട്ടുള്ള ഇലക്ടറല്‍ ഐഡന്‍റിറ്റി കാർഡ് വോട്ടു ചെയ്യുന്നതിനായി കൊണ്ടുവരണം. കൂടാതെ ആധാര്‍കാര്‍ഡ്, ഡ്രൈവിംഗ് ലൈസൻസ്, പാൻ കാര്‍ഡ്, പാസ്സ്പോര്‍ട്ട്, ഫോട്ടോ പതിച്ച പെൻഷൻ രേഖ, കേന്ദ്ര സംസ്ഥാന സര്‍ക്കാരുകളും പൊതുമേഖല സ്ഥാപനങ്ങളും നൽകി‍യിട്ടുള്ള ഫോട്ടോ പതിച്ച സര്‍വ്വീസ് ഐഡൻറിറ്റി കാര്‍ഡ്, എംപിമാരും എംഎല്‍എ മാരും നല്കി‍യിട്ടുള്ള ഔദ്യോഗിക ഐഡൻറിറ്റി കാര്‍ഡ്, മഹാത്മാഗാന്ധി തൊഴിലുറപ്പ് പദ്ധതിയുടെ തൊഴില്‍ കാര്‍ഡ്, ബാങ്കുകളും പോസ്റ്റ് ഓഫീസുകളും നല്കി‍യിട്ടുള്ള ഫോട്ടോ പതിച്ച പാസ്സ് ബുക്ക്, കേന്ദ്ര തൊഴില്‍ മന്ത്രാലയം നല്കയിട്ടുള്ള ആരോഗ്യ ഇൻഷ്വറ൯സ് സ്മാര്‍ട്ട് കാര്‍ഡ് എന്നിവയും തിരിച്ചറിയല്‍ രേഖകളായി പരിഗണിക്കും. വോട്ടര്‍ സ്ലിപ്പ് തിരിച്ചറിയല്‍ രേഖയായി പരിഗണിക്കില്ല.

Related Articles

stay connected

3,430FansLike
800FollowersFollow
19,100SubscribersSubscribe
- Advertisement -spot_img

Latest Articles