26.9 C
Kollam
Monday, July 26, 2021
spot_img

തമിഴ്  സംവിധായകൻ ശങ്കറിന്റെ  മകളുടെ വിവാഹം;ലളിതമായി നടത്താൻ  തീരുമാനം

ചെന്നൈ : കമൽഹാസനെ നായകനാക്കിക്കൊണ്ട് ഇന്ത്യന്‍ 2 എന്ന സിനിമയാണ് അടുത്തതായി ശങ്കര്‍ സംവിധാനം ചെയ്യുന്നത്, സിനിമയുടെ ചിത്രീകരണം വൈകിയതിനെ തുടര്‍ന്ന് നിര്‍മാതാവ് കോടതിയെ സമീപിച്ചത് അടുത്തിടെ വാർത്തയായിരുന്നു
ശങ്കര്‍ ആണ് സംവിധായകന്‍ എന്നാല്‍ സിനിമ ബിഗ് ബജറ്റ് ആയിരിയ്ക്കും എന്ന കാര്യത്തില്‍ സംശയമില്ല. ശങ്കര്‍ സിനിമ എന്നാല്‍ തന്നെ ബ്രഹ്‌മാണ്ഡ എന്നാണ് തമിഴകരം അര്‍ത്ഥം കല്‍പിച്ചിരിയ്ക്കുന്നത്. ബോയ്‌സ്, നന്‍പന്‍ പോലുള്ള ലളിതമായ സിനിമകള്‍ ശങ്കര്‍ ചെയ്തിട്ടുണ്ടെങ്കിലും, അതിലെല്ലാം തന്നെ തന്റേതായ ഒരു ‘അമാനുഷിക’ സംവിധാന കല കൊണ്ടു വരാന്‍ ശങ്കര്‍ ശ്രമിക്കാറുണ്ട്. കമല്‍ ഹസനെ നായകനാക്കി ഇന്ത്യന്‍ 2 എന്ന ചിത്രമാണ് അടുത്തതായി ശങ്കര്‍ സംവിധാനം ചെയ്യുന്നത്. ചിത്രീകരണം വൈകിയതിനെ തുടര്‍ന്ന് ചിത്രത്തിന്റെ നിര്‍മാതാവ് കോടതിയെ സമീപിച്ചതും മറ്റും വാര്‍ത്തയായിരുന്നു. എല്ലാം കഴിഞ്ഞ് സിനിമയുടെ ചിത്രീകരണം ഉടന്‍ ആരംഭിയ്ക്കും എന്നാണ് വിവരം. എന്നാല്‍ അതിന് മുന്‍പ് ശങ്കറിന്മറ്റൊരു ‘ബ്രഹ്‌മാണ്ഡ’ കാര്യം ചെയ്തു തീര്‍ക്കാനുണ്ട്. മറ്റൊന്നുമല്ല, മകളുടെ വിവാഹം! ശങ്കറിന്റെ മൂത്ത മകള്‍ അതിഥി ശങ്കറിന്റെ വിവാഹമാണ് അടുത്ത ആഴ്ച. മധുരൈയിലെ വലിയ ബിസിനസ്സുകാരനാണ് വരന്‍. പൊള്ളാച്ചിയില്‍ വച്ച് വളരെ ലളിതമായ രീതിയില്‍ വിവാഹ ചടങ്ങുകള്‍ നടത്തും എന്നാണ് ഇപ്പോള്‍ പുറത്ത് വരുന്ന വാര്‍ത്തകള്‍. കൊവിഡ് സാഹചര്യം കണക്കിലെടുത്താണ് കല്യാണം ലളിതമാക്കാന്‍ തീരുമാനിച്ചത്.

എന്നാല്‍ സ്ഥിതിഗതികള്‍ നിയന്ത്രണ വിധേയമായാല്‍ ചെന്നൈയില്‍ വച്ച് ഗംഭീരമായ ഒരു വിവാഹ സത്കാരം ഒരുക്കാന്‍ ശങ്കര്‍ പദ്ധതിയിട്ടിട്ടുണ്ടത്രെ. സിനിമാ സഹപ്രവര്‍ത്തകര്‍ക്കും സുഹൃത്തുക്കള്‍ക്കും വേണ്ടിയാണ് ചെന്നൈയില്‍ വിവാഹ സത്കാരം ഏര്‍പ്പെടുത്തുന്നത്. കല്യാണ ഒരുക്കങ്ങള്‍ക്കായി ശങ്കറിന്റെ ഭാര്യ ഈശ്വരിയും മക്കള്‍ ഐശ്വര്യ ശങ്കറും അര്‍ജ്ജിത് ശങ്കറും ഇതിനോടകം പൊള്ളാച്ചിയില്‍ എത്തിക്കഴിഞ്ഞു.

Related Articles

Stay Connected

22,036FansLike
2,870FollowersFollow
18,100SubscribersSubscribe
- Advertisement -spot_img

Latest Articles