25.2 C
Kollam
Tuesday, August 9, 2022
spot_img

ചമയങ്ങൾ കുറച്ചു   സുസുക്കി ജിംനി ‘ലൈറ്റ്’ എത്തി

വാഹന പ്രേമികളുടെ കണ്ണിലുണ്ണിയാണ് ജിംനി. മാരുതി സുസുക്കിയുടെ പ്രശസ്തമായ ജിപ്സിയുടെ പിൻഗാമിയാണ് ജിംനി. കഴിഞ്ഞ വർഷം ഫെബ്രുവരിയിൽ ഡൽഹിയിൽ നടന്ന ഓട്ടോ എക്‌സ്‌പോയിൽ മുഖം കാണിച്ചതോടെയാണ് ജിംനിയുടെ ഇന്ത്യൻ അരങ്ങേറ്റം ചർച്ചയായത്. 3 ഡോർ സുസുക്കി ജിംനിയാണ് പ്രദർശിപ്പിച്ചതെങ്കിലും ഈ പതിപ്പ് ഇന്ത്യയിൽ അവതരിപ്പിക്കാൻ പദ്ധതിയില്ല. അതെ സമയം വിദേശ രാജ്യങ്ങളിൽ വില്പനയിൽ മുന്നേറുകയാണ് ജിംനി.

അതിനിടെ ഓസ്‌ട്രേലിയൻ വിപണിയിൽ ജിംനി ലൈറ്റ് എന്ന പേരിൽ പുതിയ ഒരു മോഡൽ അവതരിപ്പിച്ചു സുസുക്കി. പേര് സൂചിപ്പിക്കും പോലെ പുതിയ പതിപ്പിൽ അല്പം ലൈറ്റ് ആണ്. ജിംനിയിലെ പല എക്‌സ്റ്റീരിയർ, ഇന്റീരിയർ ഫീച്ചറുകളും ഒഴിവാക്കിയാണ് ജിംനി ലൈറ്റ് അവതരിപ്പിച്ചിരിക്കുന്നത്. ഇതിൽ പ്രധാനമാണ് അലോയ് വീലുകൾ. ജിംനി ലൈറ്റിൽ അലോയ് വീലുകളില്ല, പകരം 15 ഇഞ്ച് സ്റ്റീൽ വീലുകളാണ്. അതെ സമയം കറുപ്പിൽ പൊതിഞ്ഞതിനാൽ ഇവ ഒറ്റനോട്ടത്തിൽ സ്റ്റീൽ വീലുകളാണ് എന്ന് മനസ്സിലാകില്ല. റിയർ വ്യൂ മിററുകൾക്ക് ബോഡി നിറത്തിന് പകരം കറുപ്പ് നിറം, ഫോഗ് ലാമ്പുകൾ ഇല്ല എന്നുള്ളതുമാണ് മറ്റുള്ള കുറവുകൾ. റിപ്പോർട്ടുകൾ അനുസരിച്ച് ഓട്ടോ എക്സ്പോയിൽ അവതരിപ്പിച്ച ജിംനി സിയറ പതിപ്പ് അടിസ്ഥാനമാക്കിയാണ് 5 സീറ്റർ ജിംനി ഒരുങ്ങുന്നത്. 3,850 എംഎം നീളം, 1,645 എംഎം വീതി, 1,730 എംഎം ഉയരം എന്നിവ 5 സീറ്റർ ജിംനിക്കുണ്ടാകും എന്ന് ഇത് വ്യക്തമാക്കുന്നു. യൂറോപ്യൻ വിപണിയിലുള്ള 3 ഡോർ ജിംനിയെക്കാൾ 300 എംഎം വീൽബേസ് കൂടുതൽ ആയിരിക്കും 5 സീറ്റർ പതിപ്പിന്. 210 എംഎം ഗ്രൗണ്ട് ക്ലിയറൻസും ‘ഇമ്മിണി ബല്യ’ ജിംനിയിൽ പ്രതീക്ഷിക്കാം. എങ്കിലും 3,850 എംഎം നീളം എന്ന് പറയുമ്പോൾ 5 സീറ്റർ പതിപ്പിന് വിറ്റാര ബ്രെസ എസ്‌യുവിയെക്കാൾ നീളം (3,995 എംഎം) നീളം കുറവാകും. അതുകൊണ്ട് വിശാലമായ ഇന്റീരിയർ 5 സീറ്റർ ജിംനിയിൽ പ്രതീക്ഷിക്കേണ്ടതില്ല.പുത്തൻ വിറ്റാര ബ്രെസയെ ചലിപ്പിക്കുന്ന 1.5 ലിറ്റർ കെ15ബി പെട്രോൾ എൻജിനാണ് ജിംനിയിലും ഇടം പിടിക്കുക. 5000 അർപിഎമ്മിൽ 103 ബിഎച്ച്പി പവറും 4400 അർപിഎമ്മിൽ 138 എൻഎം ടോർക്കും ഉത്പാദിപ്പിക്കുന്ന ഈ കെ-സീരീസ് പെട്രോൾ എൻജിൻ 5-സ്പീഡ് മാന്വൽ ഗിയർബോക്‌സുമായാണ് ബന്ധിപ്പിക്കുക. ലോ-റേഞ്ച് ട്രാൻസ്ഫർ ഗിയറുകളുള്ള പാർട്ട്-ടൈം 4WD സിസ്റ്റവും ജിംനിയിലുണ്ടാവും. ഇന്റീരിയറിൽ സ്മാർട്ട്പ്ലെ ഇൻഫോടെയ്ൻമെന്റ് സിസ്റ്റത്തിന് പകരം 2-ഡിൻ ഓഡിയോ സിസ്റ്റം ആണ്. എയർ കണ്ടിഷൻ സ്റ്റാൻഡേർഡ് ആണെങ്കിലും ക്ലൈമറ്റ് കണ്ട്രോൾ മാന്വലി ഓപ്പറേറ്റ് ചെയ്യണം. മേല്പറഞ്ഞ കുറവുകൾ ജിംനിയുടെ വിലയിലാണ് പ്രതിഫലിക്കുക. വിലയുടെ കാര്യത്തിലും ലൈറ്റ് ആണ് ജിംനി ‘ലൈറ്റ്’.സുസുക്കി ജിംനി ഇന്ത്യയിലേക്ക്ഇന്ത്യയിലേക്ക് 5 ഡോർ ജിംനിയുടെ അരങ്ങേറ്റമുണ്ടാകും എന്നാണ് വിവരം.

Related Articles

stay connected

3,660FansLike
800FollowersFollow
22,600SubscribersSubscribe
- Advertisement -spot_img
- Advertisement -spot_img

Latest Articles