24.8 C
Kollam
Monday, August 15, 2022
spot_img

“കോണ്ടംസ്” വഴിയും ഗര്‍ഭധാരണം ഉണ്ടാകാം

കോണ്ടം നിർമ്മിക്കുമ്പോഴുണ്ടാകുന്ന പിഴവുകളാൽ ദ്വാരം ഉണ്ടാകാൻ ഇടവന്നേക്കാം. ഗര്‍ഭനിരോധന ഉറയുടെ അറ്റത്തുള്ള പൗച്ച് ശ്രദ്ധിക്കണം.

ഗര്‍ഭനിരോധാനോപാധികള്‍ പലതാണ്. പില്‍സ്, കോണ്ടംസ്, ഐയുഡികള്‍ എന്നിങ്ങനെ പലതും ഇതില്‍ പെടുന്നു. എന്നാല്‍ സാര്‍വത്രികമായി ഉപയോഗിച്ചു പോരുന്ന ഒന്നാണ് കോണ്ടംസ് എന്നത്. ഗര്‍ഭനിരോധനം തടയുകയെന്നത് മാത്രമല്ല, ലൈംഗികജന്യ രോഗങ്ങള്‍ തടയുകയെന്നതും ഇതില്‍ പെടുന്നു. എന്നാല്‍ കോണ്ടംസ് വഴിയും ഗര്‍ഭധാരണം നടക്കാം. കാരണം ഇതു കൈകാര്യം ചെയ്യുന്ന വഴി ശരിയല്ലെങ്കില്‍. പൊതുവേ ഇതുപയോഗിയ്ക്കുമ്പോള്‍ ആളുകള്‍ വരുത്തുന്ന ചില തെറ്റുകളുണ്ട്. ഇതു തന്നെയാണ് ഗര്‍ഭധാരണത്തിനും കോണ്ടംസ് പരാജയമാകുന്നതിനും കാരണമാകുന്നത്.

കോണ്ടംസ് ധരിക്കുന്ന സമയത്തു ഈ പൗച്ചില്‍ വായു പെട്ടുപോയാല്‍ ശുക്ലസ്ഖലനസമയത്ത് പൗച്ച് പൊട്ടും. മണിക്കൂറില്‍ 40-90 കി.മി സ്പീഡിൽ വെളിയിലേക്ക് വരുന്ന ശുക്ലം വായു നിറഞ്ഞ പൗച്ചില്‍ അമിത സമ്മര്‍ദം ചെലുത്തും. അങ്ങനെയാണ് അതു പൊട്ടുന്നത്. ഇതിനാല്‍ അറ്റത്തെ വായു ഒഴിവാക്കിയ ശേഷം വേണം, ധരിയ്ക്കുവാന്‍. കോണ്ടം തണുപ്പുള്ള, നനവില്ലാത്ത സ്ഥലത്താണ് സൂക്ഷിക്കേണ്ടത്. അല്ലെങ്കില്‍ അവ ഉണങ്ങിപ്പോവുകയും, തകരാറ് സംഭവിക്കുകയും ചെയ്യും. മടക്കിയും ഒടിച്ചുമെല്ലാം വച്ചാല്‍ പണി കിട്ടും.

ഇതിന്റെ എക്‌സ്‌പെയറി ഡേററ് നോക്കി വാങ്ങുക. ഇതിന്റെ തീയതി കഴിഞ്ഞാല്‍ ഗുണമുണ്ടാകില്ല.മാത്രമല്ല, മറ്റാരോഗ്യപ്രശ്‌നങ്ങള്‍ക്കു കാരണമാകുകയും ചെയ്യും. ഇതൊഴിവാക്കുക.ഇതിന്റ പായ്ക്കറ്റു പൊട്ടിയ്ക്കുന്ന രീതിയും ചിലപ്പോള്‍ പ്രശ്‌നമുണ്ടാക്കാം. പല്ലു കൊണ്ടോ മൂര്‍ച്ചയുള്ള വസ്തുക്കള്‍ കൊണ്ടോ ഇതു പൊട്ടിയ്ക്കുമ്പോള്‍ ഇതില്‍ കീറലുണ്ടാകാന്‍ സാധ്യതയുണ്ട്. ഇത് നമുക്കു തിരിച്ചറിയാന്‍ കഴിയണമെന്നുമില്ല.
ഇത് ധരിയ്ക്കുന്ന രീതി പ്രധാനമാണ്. പ്രത്യേകിച്ചും ഇത് ഇറങ്ങി വരുന്നുവെങ്കില്‍. ഇത് ഒരുപക്ഷേ സൈസ് ശരിയാകാത്തതു കൊണ്ടാകാം, അല്ലെങ്കില്‍ തിരിച്ചിട്ടതാകാന്‍ വഴിയുണ്ട്. ഉപയോഗിക്കുന്ന സൈസുകൾ ചെറുതെങ്കിൽ കോണ്ടം പൊട്ടിപ്പോകാൻ സാധ്യതയുണ്ട്. ഇതെല്ലാം കോണ്ടംസ് കൈകാര്യം ചെയ്യുമ്പോള്‍ വരുത്തുന്ന തെറ്റുകളാണ്. ഇതിലൂടെ ഗര്‍ഭധാരണ സാധ്യത വര്‍ദ്ധിയ്ക്കുന്നു. ഒരിക്കല്‍ ഉപയോഗിച്ചത് വീണ്ടും ഉപയോഗിയ്ക്കരുത്. ഇടയില്‍ ഊരിയെടുത്തതെങ്കിലും വീണ്ടും ഉപയോഗിയ്ക്കാന്‍ ശ്രമിയ്ക്കരുത്. ഗുണമുണ്ടാകില്ല.

ഇത് കഴുകി ഉപയോഗിച്ചാലും ഗുണമില്ലെന്നോര്‍ക്കുക. ഒരേ ഒരു തവണ മാത്രമാണ് ഉപയോഗിയ്ക്കാന്‍ ആവുക. ചിലര്‍ ഇരട്ടി സുരക്ഷയ്ക്കായി രണ്ടെണ്ണം ഒരുമിച്ച് ഉപയോഗിയ്ക്കും. ഇത് വിഡ്ഢിത്തമാണ്. ഇവ പരസ്പരം ഉരഞ്ഞ് കീറാന്‍ സാധ്യത ഏറെയാണ്. ഇതു പോലെ വജൈനല്‍ ഡ്രൈനസ് ഇത് കീറാന്‍ സാധ്യത വരുത്തുന്നു. ചില പ്രത്യേക ലൂബ്രിക്കന്റുകള്‍ ഉപയോഗിയ്ക്കുന്നതും നല്ലതല്ല. തികച്ചും നൂറു ശതമാനം ഫലപ്രദമായ ലൂബ്രിക്കന്റുകള്‍ ഉപയോഗിയ്ക്കുക

Related Articles

stay connected

3,660FansLike
800FollowersFollow
23,000SubscribersSubscribe
- Advertisement -spot_img
- Advertisement -spot_img

Latest Articles