24.9 C
Kollam
Wednesday, July 28, 2021
spot_img

കൈവരി പണിയുന്നില്ല;അരയി തൂക്കുപാലം അപകടത്തിൽ,

അപകടാവസ്ഥയിലായ അരയികോട്ടക്കടവ്  തൂക്കുപാലം

കാസര്‍കോട്: 2006 ജൂലൈ 7നാണ് അരയി കോട്ടക്കടവ് തൂക്കുപാലം നാടിനു സമര്‍പ്പിച്ചത്  ഇപ്പോൾ  ഗ്രാമവാസികള്‍ക്ക് അരയി കോട്ടക്കടവ് തൂക്കുപാലത്തിൽ   കൂടി  യാത്രചെയ്യാൻ  പേടിയാണ്. കൈവരികള്‍ തകര്‍ന്ന തൂക്കുപാലം അപകടഭീഷണിയിലാണ് പല തവണ   പരാതിപ്പെട്ടിട്ടും തൂക്കുപാലത്തിന്റെ കൈവരിയില്‍ നെറ്റ് സ്ഥാപിക്കാന്‍ അധികൃതര്‍ തയ്യാറായില്ലെന്നാണ് നാട്ടുകാര്‍ പറയുന്നത്. കഴിഞ്ഞ രണ്ടുവര്‍ഷമായി ഈ സ്ഥിതി തുടരുന്നെങ്കിലും അധികൃതര്‍  കണ്ടമട്ടില്ല  സഹികെട്ട നാട്ടുകാര്‍ ഒടുവില്‍ തെങ്ങോല കെട്ടിത്തൂക്കി പ്രതിഷേധിക്കുകയാണ്. വര്‍ഷകാലമെത്തുമ്പോള്‍  സാഹസികമായി പാലത്തിൽകൂടിയാണ്  തൂക്കുപാലത്തിലൂടെ നാട്ടുകാര്‍ക്ക് അക്കരെയെതുന്നത്. മഴകനത്താല്‍ തൂക്കുപാലം വരെ വെള്ളം കയറും. കൈവരിയില്ലാത്ത പാലമായാതിനാല്‍ കുട്ടികളെ ഒറ്റക്ക് അയക്കാന്‍ ഭയമാണ്. വര്‍ഷകാലത്ത് വാഴ കര്‍ഷകരാണ് ഏറെ പ്രയാസപ്പെടുന്നത്. ആറങ്ങാടി കോട്ടകടവ് ഭാഗത്ത് ഉള്ള കര്‍ഷകര്‍ കൃഷി സ്ഥലത്തേക്ക് പോകുന്നത് ഈ തൂക്കം പാലം കടന്നാണ്. അരയിങ്കാല്‍ പ്രദേശത്തുള്ളവരും കാഞ്ഞങ്ങാട് പോകാന്‍ ആശ്രയിക്കുന്ന പ്രധാന വഴിയാണിത്. പാലം നിര്‍മിച്ച് 15 വര്‍ഷം പിന്നിട്ടിട്ടും അറ്റകുറ്റപ്പണികള്‍ നടത്താന്‍ കാഞ്ഞങ്ങാട് നഗരസഭ തയ്യാറാകുന്നില്ല. അതേസമയം കോട്ടപ്പുറം ബേക്കല്‍ ജലപാതയുടെ നിര്‍മാണ പ്രവര്‍ത്തനങ്ങളുടെ ഭാഗമായി ഈ തൂക്കുപാലം ഉയര്‍ത്തി നിര്‍മിക്കേണ്ടിവരുമെന്ന് നഗരസഭ നേരത്തെ അറിയിച്ചിരുന്നു. ഇതിനാലാണ് നാട്ടുകാര്‍ പ്രതിഷേധം ഒഴിവാക്കിയത്. ജലപാതയുടെ അടിസ്ഥാന സൗകര്യങ്ങള്‍ ഒരുക്കുന്നതിന്റെ ഭാഗമായി കോട്ടക്കടവ് തൂക്കുപാലം കോണ്‍ക്രീറ്റ് ചെയ്ത് വീതി കൂട്ടി നിര്‍മ്മിക്കേണ്ടി വരും. ഇതിന്റെ ഭാഗമായി നിര്‍മ്മിക്കുന്ന കോണ്‍ക്രീറ്റ് പാലങ്ങളുടെ മണ്ണ് പരിശോധനയും ആരംഭിച്ചിരുന്നു. കിഫ്ബി പദ്ധതിയിലുള്‍പ്പെടുത്തിയുള്ള കോട്ടപ്പുറം ബേക്കല്‍ ജലപാതയുടെ വികസനം ഇപ്പോള്‍ ഇഴഞ്ഞു നീങ്ങുകയാണ്. 

Related Articles

Stay Connected

22,036FansLike
2,872FollowersFollow
18,100SubscribersSubscribe
- Advertisement -spot_img

Latest Articles