27.9 C
Kollam
Saturday, October 16, 2021

കേരളത്തിൽ കോൺഗ്രസ്സ് തിരിച്ചടി നേരിടും; പുതിയ നേതൃത്വത്തിൽ പ്രതീക്ഷയില്ല

പുതിയ നേതൃത്വത്തെ പ്രതീക്ഷയോടെയാണ് കണ്ടത്. എന്നാൽ പ്രതീക്ഷയ്ക്കൊത്ത് കാര്യങ്ങൾ മുന്നോട്ടുപോയില്ലെന്ന് സുധീരൻ 


തിരുവനന്തപുരം;  കെപിസിസി നേതൃത്വത്തിനെതിരെ രൂക്ഷ വിമർശനവുമായി വി എം സുധീരൻ. കോൺഗ്രസിന്റെ നന്മയ്ക്ക് യോജിക്കാത്ത നടപടികൾ ഉണ്ടായതാണ് പ്രതികരിക്കാൻ കാരണമെന്ന് സുധീരൻ  പരാതി പറഞ്ഞിട്ടും നേതൃത്വം പരിഗണിച്ചില്ല. പാർട്ടിയെക്കുറിച്ചുള്ള തന്റെ ആകുലതകൾ താരിഖ് അൻവറുമായി പങ്കുവെച്ചെന്നും സുധീരൻ പറഞ്ഞു.തെറ്റായ ശൈലിയും പ്രവണതകളും പ്രകടമായി. ഇതൊന്നും കോൺഗ്രസിന്റെ സംസ്കാരത്തിന് ചേർന്നതല്ല. ഇതോടെയാണ് പ്രതികരിക്കാൻ തീരുമാനിച്ചത് 

കത്ത് നൽകിയെങ്കിലും നേതൃത്വം പ്രതികരിച്ചില്ല. തെറ്റായ ശൈലി പാർട്ടിക്ക് ദോഷകരമായി വരുമെന്നും താരിഖ് അൻവറിനോട് ഇക്കാര്യം പറഞ്ഞിട്ടുണ്ടെന്നും സുധീരൻ പറഞ്ഞു. തന്റെ മനസിലുള്ള കാര്യങ്ങൾ ഇപ്പോൾ വെളിപ്പെടുത്തുന്നില്ലെന്നും അദ്ദേഹം  വ്യക്തമാക്കി.ഈ രീതിയിൽ മുന്നോട്ടു പോയാൽ കനത്ത തിരിച്ചടി പാർട്ടി . കേരളത്തിൽ  കനത്ത  തിരിച്ചടി  നേരിടേണ്ടിവരും   ഇപ്പോൾ നടന്നുകൊണ്ടിരിക്കുന്ന നടപടികൾ തിരുത്തുമെന്നാണ് പ്രതീക്ഷ  തീരുമാനങ്ങളും നടപടികളും എങ്ങനെ വരുമെന്ന് കാത്തിരിക്കുകയാണ്. കോൺഗ്രസിനെ ശരിയായ ദിശയിൽ മുന്നോട്ടു കൊണ്ടുപോകണമെന്നും സുധീരൻ പറഞ്ഞു.

തന്റെ നിലപാടിൽ ഒരു മാറ്റവുമില്ലെന്നും ഉചിതമായ തീരുമാനം ഉണ്ടാകുമെന്ന് പ്രതീക്ഷിക്കുകയാണെന്നും അദ്ദേഹം വ്യക്തമാക്കി.രാഷ്ട്രീയകാര്യ സമിതിയിൽ നിന്നും രാജിവച്ചതിന് പിന്നാലെയാണ് എഐസിസി അംഗത്വം സുധീരൻ ഉപേക്ഷിച്ചത്. രാജി വ്യക്തമാക്കിക്കൊണ്ടുള്ള കത്ത് കോൺഗ്രസ് ഇടക്കാല അധ്യക്ഷ സോണിയ ഗാന്ധിക്ക് അയച്ചു. കേരളത്തിലെ സംഘടനാ പ്രശ്നങ്ങളിൽ ഹൈക്കമാൻഡ് ഇടപെടാത്തതിൽ സുധീരൻ പല തവണ അതൃപ്തി പ്രകടിപ്പിച്ചിരുന്നു. എന്നാൽ ഹൈക്കമാൻഡ് ഇടപെടൽ നടത്താതെ വന്നതോടെയാണ് രാജിയിലേക്ക് നീങ്ങിയതെന്ന് കത്തിൽ വ്യക്തമാക്കുന്നുണ്ട്.സംസ്ഥാന നേതൃത്വം കൂടിയാലോചനകൾ നടത്താതെ ഏകപക്ഷീയമായ തീരുമാനങ്ങൾ സ്വീകരിക്കുകയാണെന്ന പരാതിയാണ് സുധീരനുള്ളത്. സംസ്ഥാന കോൺഗ്രസിൽ നേതൃമാറ്റം ഉണ്ടായെങ്കിലും പ്രതീക്ഷിച്ച ഗുണം ലഭിച്ചില്ലെന്നും സുധീരൻ വ്യക്തമാക്കുന്നുണ്ട്. കെപിസിസി രാഷ്ട്രീയകാര്യ സമിതിയിൽ നിന്നും രാജിവച്ച സുധീരനെ അനുനയിപ്പിക്കാനുള്ള ശ്രമങ്ങൾ കോൺഗ്രസ് നേതൃത്വത്തിൻ്റെ ഭാഗത്ത് നിന്നും തുടരുന്നതിടെയാണ് അദ്ദേഹം എഐസിസി അംഗത്വവും രാജിവച്ചത്.

Facebook Notice for EU! You need to login to view and post FB Comments!

Related Articles

stay connected

2,570FansLike
55FollowersFollow
2,150SubscribersSubscribe
- Advertisement -spot_img
- Advertisement -spot_img
- Advertisement -spot_img

Latest Articles