30.9 C
Kollam
Tuesday, August 3, 2021
spot_img

കേരളത്തിൽ ഒരു പെട്രോൾ  പമ്പിൽ   മൂന്ന്  ലിറ്റർ  പെട്രോൾ സൗജന്യം 

കാസർഗോഡ് ;രാജ്യത്ത്    ഇന്ധന വില കുതിച്ചുയരുമ്പോൾ, കേരളത്തിൽ ഒരു പെട്രോൾ പമ്പ് മൂന്ന് ലിറ്റര്‍ പെട്രോൾ ഡ്രൈവര്‍മാര്‍ക്ക് സൗജന്യമായി നൽകുകയാണ്. ഓട്ടോറിക്ഷാ ഡ്രൈവർമാർക്കാണ് ഇന്ധനം സൗജന്യമായി നൽകിയത്.കാസര്‍ഗോഡിലെ പെർല കുഡുകോളി പമ്പ് ആണ് തിങ്കളാഴ്ച വൈകീട്ട് ആറര മുതൽ ഓട്ടോ ഡ്രൈവർമാർക്ക് സൗജന്യ പെട്രോളും ഡീസലും നൽകിയത്. കർണാടകയിലെ സരഡ്കയിൽ നിന്ന് അഞ്ചു കിലോമീറ്റർ അകലെയാണ് ഈ പമ്പ്. ഇരു സംസ്ഥാനങ്ങളുടെയും അതിര്‍ത്തി പ്രദേശമാണിത്. 300 ഓട്ടോ ഡ്രൈവര്‍മാര്‍ക്ക് ഒരു ലക്ഷം രൂപയുടെ പെട്രോളും ഡീസലും ഈ പമ്പിൽ നിന്ന് വിതരണം ചെയ്തിട്ടുണ്ട്.

 സാമൂഹ്യനൻമ ലക്ഷ്യമിട്ടാണ് പെട്രോൾ നൽകിയതെന്നും ഇത് ബിസിനസ് പ്രമോഷന് വേണ്ടിയുള്ളതല്ലെന്നുമാണ് പെട്രോൾ പമ്പ് ഉടമയുടെ വിശദീകരണം. പെട്രോളിനും ഡീസലിനും ലിറ്ററിന് 97.70 രൂപ, 93.11 രൂപ എന്നിങ്ങനെ വിലയുള്ളപ്പോഴാണ് സൗജന്യമായി ഇന്ധനം വിതരണം ചെയ്തത്. ലോക്ക്ഡൗൺ മൂലം ദുരിതത്തിലായ ഓട്ടോഡ്രൈവര്‍മാര്‍ക്ക് ദിവസേനയുള്ള ഇന്ധന വില വര്‍ധന താങ്ങാനാകാത്തതിനാലാണ് സൗജന്യമായി ഇന്ധനം വിതരണം ചെയ്തത്.

സൗജന്യമായി ഇന്ധനം നൽകുന്നത് അറിഞ്ഞ് പമ്പിൻെറ 15 കിലോമീറ്റര്‍ ചുറ്റളവിനുള്ളിൽ നിന്നു പോലും ഡ്രൈവര്‍മാരെത്തി. 37 വർഷത്തിനിടയിലെ ഡ്രൈവിങ് ജോലിക്കിടയിൽ ഒരു പമ്പും പെട്രോളും ഡീസലും ഇങ്ങനെ സൗജന്യമായി നൽകിയിട്ടില്ല എന്ന് ഒരു ഡ്രൈവര്‍ പറയുന്നു. യാത്രയ്‌ക്കായി ഒരു ലിറ്റർ ഡീസൽ ചെലവായെങ്കിലും, രണ്ട് ലിറ്റർ സൗജന്യമായി ലഭിച്ച സന്തോഷത്തിലാണ്  ഒരു  ഡ്രൈവര്‍ 

Related Articles

Stay Connected

22,036FansLike
2,883FollowersFollow
18,100SubscribersSubscribe
- Advertisement -spot_img

Latest Articles