കു​റ്റ​ക്കാ​രെ​ന്ന് തെ​ളി​യി​ക്കു​ന്ന പെ​രു​മാ​റ്റ​മാ​ണ് പ്ര​തി​ക​ളു​ടെത്; ദിലീപിന് നാളെ നിർണായകം

കൊ​ച്ചി: ന​ട​ൻ ദി​ലീ​പി​നെ​തി​രേ വീ​ണ്ടും നി​ല​പാ​ട് ക​ടു​പ്പി​ച്ച് പ്രോ​സി​ക്യൂ​ഷ​ൻ. പ്ര​തി വി​ഐ​പി​യാ​ണോ എ​ന്ന് അ​ഡ്വ​ക്കേ​റ്റ് ജ​ന​റ​ൽ ഹൈ​ക്കോ​ട​തി​യി​ൽ ചോ​ദി​ച്ചു. കേ​ര​ള​ത്തി​ൽ മ​റ്റൊ​രു പ്ര​തി​ക്കും കി​ട്ടാ​ത്ത ആ​നു​കൂ​ല്യ​മാ​ണ് ദി​ലീ​പി​ന് ല​ഭി​ച്ചി​രി​ക്കു​ന്ന​ത്. കേ​സി​ൽ പ്ര​തി ഉ​പാ​ധി​ക​ൾ വ​യ്ക്കു​ന്ന​ത് കേ​ട്ടു​കേ​ൾ​വി​യി​ല്ലാ​ത്ത കാ​ര്യ​മാ​ണെ​ന്നും പ്രോ​സി​ക്യൂ​ഷ​ൻ നി​ല​പാ​ടെ​ടു​ത്തു. അ​ന്വേ​ഷ​ണ ഉ​ദ്യോ​ഗ​സ്ഥ​രെ അ​പാ​യ​പ്പെ​ടു​ത്താ​ൻ ഗു​ഢാ​ലോ​ച​ന ന​ട​ത്തി​യെ​ന്ന കേ​സി​ൽ ന​ട​ൻ ദി​ലീ​പി​ന്‍റെ​യും കൂ​ട്ടു​പ്ര​തി​ക​ളു​ടെ​യും മു​ൻ​കൂ​ർ ജാ​മ്യ​ഹ​ർ​ജി പ​രി​ഗ​ണി​ക്കു​ന്ന​തി​നി​ടെ​യാ​ണ് പ്രോ​സി​ക്യൂ​ഷ​ൻ ശ​ക്ത​മാ​യ വാ​ദ​ങ്ങ​ൾ ഉ​ന്ന​യി​ച്ച​ത്.

കേ​സി​ൽ ചൊ​വ്വാ​ഴ്ച ഉ​ച്ച​യ്ക്ക് 1.45ന് ​വാ​ദം തു​ട​രാ​മെ​ന്ന് ഹൈ​ക്കോ​ട​തി അ​റി​യി​ച്ചു.കു​റ്റ​ക്കാ​രെ​ന്ന് തെ​ളി​യി​ക്കു​ന്ന പെ​രു​മാ​റ്റ​മാ​ണ് പ്ര​തി​ക​ളു​ടെ ഭാ​ഗ​ത്തു​നി​ന്നു​ണ്ടാ​കു​ന്ന​ത്. കോ​ട​തി സം​ര​ക്ഷ​ണ​ത്തി​ന്‍റെ മ​റ​വി​ൽ കേ​സി​ലെ തെ​ളി​വു​ക​ൾ ന​ശി​പ്പി​ക്കാ​ൻ പ്ര​തി​ക​ൾ ശ്ര​മി​ച്ചു. ന​ൽ​കാ​മെ​ന്ന് കോ​ട​തി​ക്ക് മു​ന്നി​ൽ പ​റ​ഞ്ഞ ഫോ​ണു​ക​ൾ പോ​ലും ന​ൽ​കി​യി​ല്ലെ​ന്നും ഫോ​ണ്‍ ഉ​ട​ൻ കൈ​മാ​റ​ണ​മെ​ന്നും പ്രോ​സി​ക്യൂ​ഷ​ൻ ആ​വ​ശ്യ​പ്പെ​ട്ടു.വീ​ട്ടി​ൽ നി​ന്നു​ള്ള എ​ല്ലാ ഗാ​ഡ്ജ​റ്റ്സും പോ​ലീ​സി​ന്‍റെ കൈ​വ​ശ​മു​ണ്ട്. കേ​സ് ര​ജി​സ്റ്റ​ർ ചെ​യ്യു​ന്ന​തി​ന് മു​ൻ​പ് ത​ന്നെ ഫോ​ണ്‍ അ​ന്വേ​ഷ​ണ സം​ഘ​ത്തി​ന് കൊ​ടു​ത്തി​രു​ന്നു. ത​ന്‍റെ അ​മ്മ​യൊ​ഴി​കെ എ​ല്ലാ​വ​രെ​യും പ്ര​തി​ക​ളാ​ക്കി.അ​തി​നാ​ൽ കേ​സി​ൽ സി​ബി​ഐ അ​ന്വേ​ഷ​ണം വേ​ണ​മെ​ന്ന് ദി​ലീ​പ് ആ​വ​ശ്യ​പ്പെ​ട്ടു. എ​ന്നാ​ൽ ഏ​ത് അ​ന്വേ​ഷ​ണം വേ​ണ​മെ​ന്ന് പ്ര​തി​ക്ക് ആ​വ​ശ്യ​പ്പെ​ടാ​ൻ ക​ഴി​യി​ല്ലെ​ന്ന് പ്രോ​സി​ക്യൂ​ഷ​ൻ നി​ല​പാ​ടെ​ടു​ത്തു.