30.9 C
Kollam
Tuesday, August 3, 2021
spot_img

കുതിരാൻ തുരങ്കത്തിൽ സുരക്ഷാ വീഴ്ച ചൂണ്ടിക്കാണിച്ച് മുൻ കരാര്‍ കമ്പനി

തൃശൂര്‍ പാലക്കാട് ദേശീയപാതയിലെ കുതിരാൻ തുരങ്കത്തിൽ വെള്ളം ഒഴുകാനും മണ്ണിടിച്ചിൽ തടയാനും മതിയായ സംവിധാനങ്ങളില്ലെന്ന്  ആക്ഷേപം. തുരങ്കത്തിന്റെ 95 ശതമാനവും പൂര്‍ത്തിയാക്കിയ കരാര്‍ കമ്പനിയായ പ്രഗതിയാണ് ആരോപണവുമായി രംഗത്തുവന്നത് . ഫയർ ആന്‍ഡ് സേഫ്റ്റി വിഭാഗം നടത്തിയ സുരക്ഷാ പരിശോധന പൂര്‍ത്തിയാക്കിയ ശേഷം ഉദ്ഘാടനത്തിന് കുതിരാൻ തുരങ്കം ഒരുങ്ങുമ്പോള്‍ വീണ്ടും സുരക്ഷാ പ്രശ്നം ഉയരുന്നു. തുരങ്കത്തിന് മതിയായ സുരക്ഷയില്ലെന്നാണ് മുൻ കരാര്‍ കമ്പനി വെളിപ്പെടുത്തിയിരിക്കുന്നത്. കരാര്‍ പ്രഗതി പ്രതിനിധി പ്രിയാനന്ദന്റേതാണ് പ്രതികരണം.

സുരക്ഷാ ക്രമികരണങ്ങള്‍ ശക്തിപ്പെടുത്തിയില്ലെങ്കിൽ ദുരന്ത സാധ്യതയുണ്ടെന്നുമാണ് മുന്നറിയിപ്പ്. തുരങ്കത്തിന് പുറത്ത് ക്യാച്ച് വാട്ടര്‍ ഡ്രൈനേജ് സിസ്റ്റം നടപ്പാക്കണം. മുകളിൽ നിന്നുള്ള മണ്ണ്, പാറ മരങ്ങള്‍ എന്നിവ വീഴാൻ സാധ്യതയുണ്ട്. ഇപ്പോള്‍ നടക്കുന്നത് മിനുക്കൽ നടപടികള്‍ മാത്രമാണ്,  മുകളിൽ കോൺക്രീറ്റ് ചെയ്ത് സുരക്ഷ ഉറപ്പാക്കണം. അതേസമയം തുരങ്കത്തിനുള്ളിൽ സുരക്ഷയുണ്ടെന്നും പറയപ്പെടുന്നു പ്രഗതി കമ്പനി സാമ്പത്തിക പ്രതിസന്ധി മൂലമാണ് പദ്ധതിയിൽ നിന്നും പിൻമാറിയത്. നോൺ ടെക്നിക്കൽ കമ്പനിയാണ് നിലവിലെ നിര്‍മാണ ജോലികള്‍ ചെയ്യുന്ന കെഎംസി. കുതിരാനിൽ സുരക്ഷ ഉറപ്പാക്കാൻ ചെയ്യുന്ന കാര്യങ്ങള്‍ വ്യക്തമാക്കി കെഎംസി നോട്ടീസ് നൽകിയിട്ടുണ്ട്.


നിർമാണം വേഗത്തിൽ പൂർത്തിയാക്കി ആഗസ്‌ത്‌ ഒന്നിന്‌ കുതിരാനിലെ ഇരട്ട തുരങ്കപാതയിൽ ഒന്ന്‌ തുറന്നുകൊടുക്കുമെന്ന്‌ മുഖ്യമന്ത്രി പിണറായി വിജയൻ നേരത്തേ പ്രഖ്യാപിച്ചിരുന്നു. ഇതേത്തുടർന്ന്‌ മന്ത്രി പി എം മുഹമ്മദ്‌ റിയാസിന്റെയും ജില്ലയിലെ മന്ത്രിമാരായ കെ രാധാകൃഷ്‌ണൻ, ഡോ.ആർ ബിന്ദു, കെ രാജൻ,മറ്റുഉദ്യോഗസ്ഥരുടെയും നേതൃത്വത്തിൽ തിരുവനന്തപുരത്തും തൃശൂരിലും യോഗങ്ങൾ ചേർന്ന്‌ നടപടി വേഗത്തിലാക്കിയിരുന്നു.തുടർന്ന്  തൃശ്ശൂർകാരനായ  റവന്യൂ വകുപ്പു മന്ത്രി K. രാജൻ കുതിരാനിൽ നിർമ്മാണ പുരോഗതികൾ വിലയിരുത്തുവാൻ സന്ദർശനം നടത്തി. തൃശൂർ ജില്ലാ കളക്ടർ അടക്കമുള്ള ഉദ്യോഗസ്ഥർ മന്ത്രിയോടൊപ്പമുണ്ടായിരുന്നു തൃശൂര്‍ കുതിരാൻ തുരങ്ക മുഖത്ത് നിർമാണ പ്രവർത്തനങ്ങൾ അവസാന ഘട്ടത്തിൽ.  ലോക് ഡൗണിൽ പണി തടസപ്പെടാതിരിക്കാൻ സംവിധാനം ഒരുക്കിയിട്ടുണ്ട് 

Related Articles

stay connected

1,530FansLike
54FollowersFollow
1,860SubscribersSubscribe
- Advertisement -spot_img
- Advertisement -spot_img

Latest Articles