24.9 C
Kollam
Tuesday, January 25, 2022
spot_img

കങ്കണ റണാവത്ത് ലോകസഭയിലേക്ക് ; പുതിയ നീക്കവുമായി ബിജെപി

ന്യൂഡൽഹി: ബോളിവുഡ് നടി കങ്കണ റണാവത്തിനെ ബ്രാൻഡ് അംബാസിഡറായി ഉത്തർപ്രദേശ് സർക്കാർ നിയമിച്ചതിന് പിന്നാലെ ബിജെപി ടിക്കറ്റിൽ താരത്തെ ലോക്സഭയിലേക്ക് എത്തിക്കാൻ നീക്കം ആരംഭിച്ചതായി റിപ്പോർട്ട്. ഹിമാചൽപ്രദേശിലെ മാണ്ഡി മണ്ഡലത്തിൽ നടക്കാൻ പോകുന്ന ഉപതെരഞ്ഞെടുപ്പിൽ കങ്കണയെ സ്ഥനാർഥിയാക്കാൻ ബിജെപി നീക്കം ആരംഭിച്ചതായി അറിവ് 

ഉത്തർപ്രദേശ് മുഖ്യമന്ത്രി യോഗി ആദിത്യനാഥുമായി കൂടിക്കാഴ്ച നടത്തിയതിന് പിന്നാലെയാണ് യുപി സർക്കാരിൻ്റെ ‘ഒരു ജില്ല ഒരു ഉൽപ്പന്നം’ എന്ന പരിപാടിയുടെ ബ്രാൻഡ് അംബാസിഡറായി കങ്കണയെ നിയമിച്ചത്. ഉത്തർപ്രദേശിൽ നടക്കുന്ന വികസന പ്രവർത്തനങ്ങളിൽ നന്ദിയറിക്കാനാണ് കങ്കണ യോഗി ആദിത്യനാഥിനെ കണ്ടത്   അഡീഷണൽ ചീഫ് സെക്രട്ടറി നവനീത് സെഗാലാണ് കങ്കണയെ ബ്രാൻഡ് അംബാസിഡറായി നിയമിച്ച വിവരം അറിയിച്ചത്. യോഗിയുമായുള്ള കൂടിക്കാഴ്ചയിൽ അദ്ദേഹത്തിൻ്റെ പ്രവർത്തനങ്ങളെ കങ്കണ അഭിനന്ദിച്ചുവെന്ന് ചീഫ് വ്യക്തമാക്കിയിരുന്നു.രാം സ്വരൂപ് ശർമ്മയുടെ വിയോഗത്തോടെ ഒഴിവ് വന്ന ഹിമാചൽ പ്രദേശിലെ മാണ്ഡി മണ്ഡലത്തിൽ നടക്കാൻ പോകുന്ന ഉപതെരഞ്ഞെടുപ്പിൽ കങ്കണയെ ബിജെപി പരിഗണിക്കുന്നുണ്ട്  മണ്ഡലത്തിലെ ഭാംബിലയാണ് കങ്കണയുടെ ജന്മദേശം എന്നതാണ് ശ്രദ്ധേയം. റിപ്പോർട്ടുകൾ പുറത്തുവന്നെങ്കിലും മത്സര രംഗത്തുണ്ടാകുമോ എന്ന കാര്യത്തിൽ താരം നിലപാട് വ്യക്തമാക്കിയിട്ടില്ല. മാണ്ഡിക്ക് പുറമേ ഫത്തേപ്പൂർ, ജുബ്ബൽ കോട്ട്കായ്, ആർകി തുടങ്ങിയ മണ്ഡലങ്ങളിലാണ് ഉപതെരഞ്ഞെടുപ്പ് നടക്കാൻ പോകുന്നത്.

കഴിഞ്ഞ മാർച്ചിലാണ് രാം സ്വരൂപ് ശർമ്മ മരിച്ചത്.ഉപതെരഞ്ഞെടുപ്പ് നടക്കാൻ പോകുന്ന മണ്ഡലങ്ങളിലേക്ക് പരിഗണിക്കേണ്ട സ്ഥാനാർഥികളുടെ പേരുകൾ തീരുമാനിക്കാൻ ബിജെപി സംസ്ഥാന തെരഞ്ഞെടുപ്പ് സമിതി ധർമശാലയിൽ ചേരും. വൈകാതെ യോഗം ചേരുമെന്നാണ്  പുറത്തുവരുന്ന വിവരങ്ങൾ   പേരുകൾ കണ്ടെത്തി ബിജെപി ദേശീയ നേതൃത്വത്തിന് കൈമാറിയ ശേഷമാകും പ്രഖ്യാപനം ഉണ്ടാകുക. അതേസമയം, ഉപതെരഞ്ഞെടുപ്പുമായി ബന്ധപ്പെട്ട് ഒരു വിഭാഗം മുതിർന്ന നേതാക്കൾ ചർച്ചകൾ നടത്തിയതായി സൂചനകളുണ്ട്. ഈ യോഗത്തിൽ കങ്കണയുടെ സ്ഥാർഥിത്വം ചർച്ചയായെന്ന് സ്ഥിരീകരിക്കാത്ത റിപ്പോർട്ടുകളുണ്ട്. എന്നാൽ സ്ഥാനാർഥിയാകു ന്നതിൽ കങ്കണ അനുകൂല നിലപാട് പ്രകടിപ്പിച്ചിട്ടില്ല. മാണ്ഡി മണ്ഡലത്തിൽ കങ്കണയെ മത്സരിപ്പിക്കുന്നതിനോട് ഒരു വിഭാഗം നേതാക്കൾക്ക് എതിർപ്പുണ്ടെന്നും   പറയപ്പെടുന്നു  കങ്കണയെ  മത്സരിപ്പിച്ചാൽ നേട്ടമുണ്ടാക്കാൻ കഴിയില്ലെന്നും മുതിർന്ന നേതാക്കളെ തഴയേണ്ടിവരുമെന്നുമാണ് ഒരു വിഭാഗം വ്യക്തമാക്കുന്നത്. ബിജെപി നേതാവ് പങ്കജ് ജാംവാൽ, വടക്ക് – കിഴക്കൻ സംസ്ഥാനങ്ങളുടെ ചുമതലയുള്ള നേതാവ് അജയ്, മുഖ്യമന്ത്രി ജയ് റാം താക്കൂറിൻ്റെ വിശ്വസ്തൻ നിഹാൽ ചന്ദ്, കാർഗിൽ യുദ്ധനായകൻ കുശാൽ താക്കൂർ എന്നിവരുടെ പേരുകളാണ് മണ്ഡലത്തിൽ നിന്നും പരിഗണിക്ക പ്പെടുന്നത്. ബിജെപി ദേശീയ നേതൃത്വത്തിൻ്റെ തീരുമാനമാകും നിർണായകമാകുക. മാണ്ഡിയിൽ നിന്ന് മത്സരിക്കാൻ മുൻപും ശ്രമം നടത്തിയ വ്യക്തിയാണ് കുശാൽ താക്കൂർ. 2017ൽ നടന്ന തെരഞ്ഞെടുപ്പിൽ മത്സരിക്കാൻ അദ്ദേഹം താൽപ്പര്യം പ്രകടിപ്പിച്ചെങ്കിലും സിറ്റിങ് ലോക്‌സഭാംഗമായ രാംസ്വരൂപ് ശർമ്മയെ തന്നെ ബിജെപി മത്സരിപ്പിക്കുകയായിരുന്നു.

Related Articles

stay connected

3,050FansLike
827FollowersFollow
7,220SubscribersSubscribe
- Advertisement -spot_img
- Advertisement -spot_img
- Advertisement -spot_img
- Advertisement -spot_img

Latest Articles