26.7 C
Kollam
Sunday, June 26, 2022
spot_img

ഒട്ടും പ്രതീക്ഷിക്കാത്ത പുരസ്‌കാരം: രേവതി ; എന്തുകൊണ്ട് രേവതി മികച്ച നടിയായി

സുരേഷ് ചൈത്രം 

വലിയ വിവാദങ്ങള്‍ ഒന്നും ഇല്ലാതെ ഇത്തവണത്തെ കേരള സംസ്ഥാന ചലച്ചിത്ര പുരസ്‌കാരങ്ങള്‍ പ്രഖ്യാപിച്ചു. മോഹന്‍ലാല്‍, മമ്മൂട്ടി, സുരേഷ് ഗോപി തുടങ്ങിയ മുന്‍നിര നടന്മാരെയും ദുല്‍ഖര്‍ സല്‍മാന്‍, ഫഹദ് ഫാസില്‍, ടൊവിനോ തോമസ്, നിവിന്‍ പോളി തുടങ്ങിയ യൂത്തന്മാരെയും പിന്‍തള്ളിയാണ് ജോജു ജോര്‍ജ്ജും ബിജു മേനോനും മികച്ച നടനുള്ള പുരസ്‌കാരം പങ്കിട്ടത്.

പുരസ്‌കാരം നിര്‍ണയിക്കുക എന്നത് ഏറ്റവും പ്രയാസമുള്ള കാര്യമായിരുന്നു എന്ന് ജൂറി പറയുന്നു. മികച്ച നടിയ്ക്കുള്ള മത്സരത്തില്‍ അധികമാരും പ്രതീക്ഷിക്കാത്ത പേരാണ് രേവതിയുടേത്. മഞ്ജു വാര്യര്‍, പാര്‍വ്വതി, നിമിഷ, ഗ്രേസ് ആന്റണി, ദര്‍ശന രാജേന്ദ്രന്‍ തുടങ്ങിയവരില്‍ ഒരാളെ തിരഞ്ഞെടുക്കും എന്നാണ് പ്രേക്ഷകര്‍ അതുവരെയും കരുതിയത്. എന്നാല്‍ ഫൈനല്‍ റൗണ്ടില്‍ എത്തിയ് കനി കുസൃതി, രേവതി, നിമിഷ എന്നിവരാണ് എന്ന് ജൂറി പറയുന്നു.

ഭൂതകാലം എന്ന ചിത്രങ്ങളിലെ അഭിനയത്തിനാണ് രേവതിയെ തിരഞ്ഞെടുത്തത്. നിമിഷ, കനി കുസൃതി എന്നിവരുടെ അഭിനയവും മികച്ചത് തന്നെയായിരുന്നു എന്ന് ജൂറി അഭിപ്രായപ്പെട്ടു. മികച്ച രണ്ടാമത്തെ നടിയായി തിരഞ്ഞെടുക്കപ്പെട്ടത് ഉണ്ണിമായയാണ്. ജോജി എന്ന ചിത്രത്തിലെ അഭിനയത്തിനാണ് പുരസ്‌കാരം.

രാഹുല്‍ ശശിധരന്‍ തിരക്കഥ എഴുതി സംവിധാനം ചെയ്ത ചിത്രമാണ് ഭൂതകാലം. രേവതിയ്‌ക്കൊപ്പം ഷൈന്‍ നിഗവും പ്രധാന വേഷത്തിലെത്തിയ ചിത്രം ഹൊറര്‍ത്രില്ലറായിരുന്നു. സിനിമയുടെ പിന്നണി പ്രവര്‍ത്തനങ്ങളിലും ശ്രദ്ധ കേന്ദ്രീകരിയ്ക്കുന്ന രേവതി അഭിനയിക്കുന്ന കാര്യത്തില്‍ വളരെ സെലക്ടീവ് ആണ്.

Related Articles

stay connected

3,430FansLike
800FollowersFollow
19,100SubscribersSubscribe
- Advertisement -spot_img

Latest Articles