30.9 C
Kollam
Tuesday, August 3, 2021
spot_img

ഐഎസിൽ ചേർന്നവരെ തിരികെ കൊണ്ടുവരില്ല; നിലപാടിൽ  ഉറച്ചുതന്നെ കേന്ദ്രം

ന്യൂഡൽഹി: ഇസ്ലാമിക്ക് സ്റ്റേറ്റിൽ ചേർന്ന മലയാളി യുവതികളെ തിരികെ കൊണ്ടുവരില്ലെന്ന നിലപാടിൽ ഉറച്ച് കേന്ദ്രം. ഇന്ത്യയിലേക്ക് തിരികെ കൊണ്ടുവരുന്നത് സുരക്ഷാ ഭീഷണിയുണ്ടാക്കുമെന്നാണ് രഹസ്യാന്വേഷണ ഏജൻസികളുടെ റിപ്പോർട്ട്. ചാവേർ ആക്രമണത്തിന് അടക്കം യുവതികൾക്ക് പരിശീലനം നൽകിയിട്ടുണ്ടെന്നാണ് കണ്ടെത്തൽ. വിഷയം കോടതിയിൽ എത്തിയാൽ സർക്കാർ നിയമപരമായി നേരിടും.ഇത് ജനതയുടെ ജീവനും ഭീഷണിയാകുമെന്നും സുരക്ഷാ പ്രശ്നങ്ങൾക്ക് ഇടയാക്കുമെന്നും  രഹസ്യാന്വേഷണ ഏജൻസികൾ പറയുന്നത് കേന്ദ്രസർക്കാർ മുഖവിലയ്‌ക്കെടുത്തിട്ടുണ്ട്  ഐഎസിൽ ചേർന്നവരെ തിരികെ എത്തിക്കണമെന്ന് മുൻ അംബാസിഡർ കെ പി ഫാബിയൻ ആവശ്യപ്പെട്ടിരുന്നു. മടക്കി കൊണ്ടുവരാതിരിക്കാൻ നിയമപരമായ കാരണങ്ങൾ ഇല്ലെന്നും കസ്റ്റഡിയിൽ ആയിരിക്കുമെന്നതിനാൽ സുരക്ഷാ പ്രശ്നമുണ്ടാകുമെന്ന ആശങ്കയ്ക്ക് അടിസ്ഥാനമില്ലെന്നും അദ്ദേഹം പറഞ്ഞു. സോണിയ, മെറിൻ, നിമിഷ ഫാത്തിമ, റഹീല എന്നീ മലയാളി യുവതികളാണ് അഫ്ഗാൻ ജയിലിൽ കഴിയുന്നത്. ഇവരെ തിരികെ കൊണ്ടുവരുന്നത് സുരക്ഷാ പ്രശ്നങ്ങൾക്ക് ഇടയാക്കുമെന്നതിനാൽ ഇവരെ തിരികെ എത്തിക്കേണ്ടെന്നാണ് കേന്ദ്രത്തിന്റെ ശക്തമായ നിലപാട്. 2016-17 കാലത്താണ് ഇവർ ഭർത്താക്കന്മാർക്കൊപ്പം ഐഎസിൽ ചേർന്നത്. ആദ്യം ഇറാഖിലെത്തിയ ഇവർ അവിടെ നിന്നും അഫ്ഗാനിസ്ഥാനിലെത്തുകയായിരുന്നു. അമേരിക്കൻ വ്യോമസേന നടത്തിയ ആക്രമണത്തിൽ നാലുപേരുടേയും ഭർത്താക്കന്മാർ കൊല്ലപ്പെട്ടു. തുടർച്ചയായ ആക്രമണത്തിൽ ഐഎസ് തകർന്നതോടെ മലയാളികൾ അടക്കം 403 പേർ അഫ്ഗാൻ സർക്കാരിനു മുന്നിൽ കീഴടങ്ങി. ഇന്ത്യയടക്കം 13 രാജ്യങ്ങളിൽ നിന്നുള്ളവരാണ് സംഘത്തിലുള്ളത്.

നിമിഷയുടെ അമ്മ പറയുന്നത്
“ഞാൻ ഇന്ത്യയ്ക്കെതിരെ എന്തെങ്കിലും ചെയ്തിട്ടുണ്ടോ? എൻ്റെ മകള്‍ പോലും ഇന്ത്യ വിടുന്നതിനു മുൻപ് അന്നത്തെ കേരള സര്‍ക്കാരിനെയും പോലീസ് ഉദ്യോഗസ്ഥരെയും അറിയിച്ചതല്ലേ? എന്തുകൊണ്ട് അവര്‍ തടഞ്ഞില്ല. എല്ലാം കഴിഞ്ഞ് കൈയ്യിലെത്തിയിട്ട് എൻ്റെ മകളെ എന്തിനാണ് ഇങ്ങനെ കൊല്ലാൻ വിടുന്നത്?” എന്നാണ് നിമിഷയുടെ മാതാവ് ബിന്ദു ചോദിക്കുന്നത്. അവര്‍ ഇപ്പോഴും അപകടകാരികളാണെന്ന രഹസ്യാന്വേഷണ വിഭാഗത്തിൻ്റെ റിപ്പോര്‍ട്ടിനെപ്പറ്റി അറിയില്ലെന്ന് ബിന്ദു പറഞ്ഞു

Related Articles

LEAVE A REPLY

Please enter your comment!
Please enter your name here

Stay Connected

22,036FansLike
2,883FollowersFollow
18,100SubscribersSubscribe
- Advertisement -spot_img

Latest Articles