25.6 C
Kollam
Tuesday, August 9, 2022
spot_img

ഏറ്റവുമധികം മതംമാറ്റം നടത്തുന്നത് ക്രിസ്ത്യൻ മിഷണറിമാർ ; പാലാ ബിഷപ്പിനെ വിമർശിച്ചു വെള്ളാപ്പള്ളി

ആലപ്പുഴ: രാജ്യത്ത് ഏറ്റവുമധികം മതംമാറ്റം നടത്തുന്നത് ക്രിസ്ത്യൻ മിഷണറിമാരാണെന്ന് വെള്ളാപ്പള്ളി നടേേശൻ പറഞ്ഞു. “ക്രിസ്ത്യൻ വിഭാഗത്തിലെ മിഷണറിമാർ മതംമാറ്റം നടത്തുന്നുണ്ട്. രാജ്യത്ത് ഏറ്റവുമധികം മതംമാറ്റം നടത്തുന്നത് അവരാണ് . മുസ്ലീം വിഭാഗത്തേക്കാൾ മതം മാറ്റം നടത്തിയതും ക്രിസ്ത്യൻ വിഭാഗത്തിലെ മിഷണറിമാരാണ്. ഈ സാഹചര്യത്തിൽ മുസ്ലീം വിഭാഗത്തെ മാത്രം ലക്ഷ്യമാക്കി പ്രസ്താവന നടത്തുന്നത് ശരിയല്ല. എന്നാൽ എല്ലാ ക്രിസ്ത്യൻ വിഭാഗങ്ങളും ഇത് പ്രോത്സാഹിപ്പിക്കുന്നില്ല. സത്യം തുറന്ന് പറയുമ്പോൾ വർഗീയവാദി  ആക്കിയാലും ഒന്നുമില്ലെന്ന്‌ വെള്ളാപ്പള്ളി തുറന്നടിച്ചു . ക്രിസ്ത്യൻ യുവതി യുവാക്കളെ ലക്ഷ്യമിട്ട് ലൗ ജിഹാദിനൊപ്പം നാർക്കോട്ടിക് ജിഹാദും കേരളത്തിൽ നടക്കുന്നുണ്ടെന്ന പാലാ ബിഷപ്പ് മാർ ജോസഫ് കല്ലറങ്ങാട്ടിൻ്റെ പ്രസ്താവന വിവാദമായി തുടരുന്നതിനിടെ ക്രിസ്ത്യൻ മിഷണറിമാരെ വിമർശിച്ച് എൻഎൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ.


സംഘടിത വോട്ട് ബാങ്കിന് മുന്നിൽ മുഴുവൻ രാഷ്ട്രീയ പാർട്ടികളുംനേതാക്കളും   സാഷ്ടാംഗം പ്രണാമം നടത്തുകയാണ്. ജനാധിത്യത്തിൽ വോട്ടിനാണ് പ്രാധാന്യം. ന്യൂനപക്ഷ വിഭാഗം ദേശീയ രാഷ്ട്രീയ പാർട്ടികളെ മുൾമുനയിൽ നിർത്തുകയാണ്. ന്യൂനപക്ഷം എന്ന് പറഞ്ഞുകൊണ്ട് രാജ്യത്തിൻ്റെ ഖജനാവ് മുഴുവൻ ചൊർത്തിക്കൊണ്ട് പോകുകയാണ്. സംഘടിച്ച വോട്ട് ബാങ്കായി നിലകൊണ്ട് അധികാര രാഷ്ട്റീയത്തിൽ പ്രവേശിച്ച് അർഹതപ്പെട്ടതും അതിൻ്റെ കൂടുതലും ഈ വിഭാഗക്കാർ സ്വന്തമാക്കാൻ പോകുകയാണ്. ഈ പശ്ചാത്തലത്തിൽ മറ്റ് പിന്നാക്ക, പട്ടികജാതി – വർഗ സമുദായത്തിന് എന്ത് നീതി കൊടുത്തെന്ന് പരിശോധിക്കട്ടെ


വൈദികപട്ടം ലഭിക്കുന്നത് ആരെക്കുറിച്ചും എന്തും പറയാനുള്ള ലൈസൻസ് അല്ല . ദീപികയുടെ തലപ്പത്തിരുന്ന ഫാ. റോയി കണ്ണൻ ചിറ പറഞ്ഞത് സംസ്ക്കാരത്തിന് നിരക്കാത്ത കാര്യമാണ്. ഒരു മുതിർന്ന വൈദികൻ്റെ ഭാഗത്ത് നിന്നുമാണ് ഈഴവ വിഭാഗത്തിനെതിരെ പരാമർശം ഉണ്ടായത്. അദ്ദേഹത്തെ പദവിയിൽ മാറ്റുകയാണ് വേണ്ടതെന്നും . ഇസ്രായേലിൽ മരിച്ച സൗമ്യ ഈഴവ സമുദായത്തിൽ നിന്നുള്ള സ്ത്രീയായിരുന്നു. എന്നാൽ അവരുടെ സംസ്കാര ചടങ്ങുകൾ നടന്നത് പള്ളിയിൽ വെച്ചാണ്. ഒന്ന് ഇങ്ങോട്ട് വന്നാൽ നൂറ് എണ്ണം ക്രിസ്ത്യൻ സമുദായത്തിലേക്ക് പോകുന്നുണ്ട്. ഇല്ലായ്‌മ ചൂഷണം ചെയ്താണ് ക്രിസ്ത്യൻ മിഷണറിമാർ മതപരിവർത്തനം നടത്തുന്നതും   ഫണ്ടുണ്ടാക്കുന്നതും  എന്നും വെള്ളാപ്പള്ളി ആരോപിച്ചു.ക്രിസ്ത്യൻ യുവതി – യുവാക്കളെ ലക്ഷ്യമിട്ട് കേരളത്തിൽ നാർക്കോട്ടിക് ജിഹാദ് നടക്കുന്നുണ്ടെന്ന പാലാ ബിഷപ്പിൻ്റെ പ്രസ്താവന വെള്ളാപ്പള്ളി നടേശൻ തള്ളി. മയക്കുമരുന്നിൻ്റെ പേരിൽ ഒരു വിശുദ്ധ യുദ്ധവും നടക്കുന്നില്ല. നാട്ടിലെ സ്കൂൾ കോളേജ് പരിസരങ്ങളിലെല്ലാം മയക്കുമരുന്ന് വിൽപ്പന നടക്കുന്നുണ്ട്. ഇതിൻ്റെ പേരിൽ മുസ്ലീം സമുദായത്തെ മാത്രം കുറ്റം പറയുന്നത് ശരിയല്ല. അപക്വമായ വർഗീയ വിഷം തുപ്പുന്ന പ്രസ്താവനകൾ ഉത്തരവാദിത്വപ്പെട്ടവർ നടത്തരുത്  കേരളത്തിൽ ലൗ ജിഹാദ് പുതിയ കാര്യമല്ല. ഇക്കാര്യം ഞാൻ മുൻപ് പറഞ്ഞപ്പോൾ എല്ലാവരും ചേർന്ന് തന്നെ വർഗീയവാദിയാക്കി. വിവാദ പ്രസ്താവന നടത്തിയ പാലാ ബിഷപ്പിനെ കണ്ട മന്ത്രി വി എൻ വാസവൻ്റെ ഭാഗത്ത് തെറ്റില്ലെന്നും എൻഎൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ പറഞ്ഞു.

Related Articles

stay connected

3,660FansLike
800FollowersFollow
22,600SubscribersSubscribe
- Advertisement -spot_img
- Advertisement -spot_img

Latest Articles