26.7 C
Kollam
Sunday, June 26, 2022
spot_img

ഏതു രാജ്യത്തേയ്ക്ക് കടന്നാലും പൊക്കും: വിജയ് ബാബുവിന് മുന്നറിയിപ്പുമായി പോലീസ്

കൊച്ചി: യുവനടിയെ പീഡിപ്പിച്ച കേസിലെ പ്രതിയായ നിര്‍മാതാവ് വിജയ് ബാബുവിന് മുന്നറിയിപ്പുമായി കൊച്ചി സിറ്റി പോലീസ്. ഏതു രാജ്യത്തേയ്ക്ക് കടന്നാലും വിജയ് ബാബുവിനെ പിടികൂടുമെന്ന് പോലീസ് അറിയിച്ചതായി മാധ്യമങ്ങള്‍ റിപ്പോര്‍ട്ട് ചെയ്തു. പീഡനക്കേസിൽ പോലീസ് തെരയുന്ന വിജയ് ബാബു ജോര്‍ജിയയിലേയ്ക്ക് കടന്നതായാണ് വിവരം.

വിജയ് ബാബുവിൻ്റെ അറസ്റ്റിനു തടസ്സമില്ലെന്നും ജോ‍ര്‍ജിയയിലെ ഇന്ത്യൻ എംബസിയുമായി ബന്ധപ്പെട്ടെന്നും കൊച്ചി സിറ്റി കമ്മീഷണര്‍ സിഎച്ച് നാഗരാജു മനോരമ ന്യൂസിനോടു പറഞ്ഞു. ചൊവ്വാഴ്ചയ്ക്കുള്ളിൽ ഇയാള്‍ തിരിച്ചെത്തിയില്ലെങ്കിൽ റെഡ് കോര്‍ണര്‍ നോട്ടീസ് പുറപ്പെടുവിക്കുമെന്നും അദ്ദേഹം വ്യക്തമാക്കി. കുറ്റവാളികളെ കൈമാറാൻ രാജ്യങ്ങള്‍ തമ്മിൽ ധാരണയില്ലെങ്കിലും റെഡ് കോര്‍ണര്‍ നോട്ടീസ് ബാധകമാണെന്നും കമ്മീഷണര്‍ അറിയിച്ചു. വിജയ് ബാബു ജോ‍ര്‍ജിയയിൽ ഉണ്ടെന്ന് സ്ഥിരീകരിച്ചെന്നും അദ്ദേഹം കൂട്ടിച്ചേര്‍ത്തു.പീഡനക്കേസിൽ പ്രതിയായ വിജയ് ബാബുവിനെ പോലീസ് അറസ്റ്റ് ചെയ്യാനുള്ള നീക്കം തുടരുന്നതിനിടെയാണ് ഇയാള്‍ ജോര്‍ജിയയിലേയ്ക്ക് കടന്നത്. മുൻപ് ദുബായ് ആയിരുന്നു ഇയാളുടെ ഒളിത്താവളം. എന്നാൽ ഇന്‍റര്‍പോളിനെ ഉപയോഗിച്ച് പോലീസ് അറസ്റ്റ് ചെയ്യാൻ സാധ്യതയുണ്ടെന്ന നിയമോപദേശത്തിൻ്റെ അടിസ്ഥാനത്തിൽ വിജയ് ബാബു രാജ്യം വിടുകയായിരുന്നു എന്നാണ് റിപ്പോ‍ര്‍ട്ട്. കുറ്റവാളികളെ കൈമാറാൻ ഇന്ത്യയും ജോ‍ര്‍ജിയയും തമ്മിൽ കരാറില്ലാത്തതിനാൽ സുരക്ഷിത താവളം എന്ന നിലയ്ക്ക് ജോ‍ര്‍ജിയ തെരഞ്ഞെടുക്കുകയായിരുന്നു. എന്നാൽ ഇക്കാര്യം പ്രതിസന്ധിയാകില്ലെന്നാണ് പോലീസ് പറയുന്നത്.

പോലീസിൻ്റെ അപേക്ഷ പരിഗണിച്ച വിദേശകാര്യ മന്ത്രാലയം വിജയ് ബാബുവിൻ്റെ പാസ്പോര്‍ട്ട് റദ്ദാക്കിയിരുന്നു. ഈ മാസം 24ന് ഹാജരാകാമെന്ന് വിജയ് ബാബു പാസ്പോര്‍ട്ട് ഓഫീസര്‍ക്ക് ഉറപ്പ് നല്‍കിയിട്ടുണ്ടെങ്കിലും പാസ്പോര്‍ട്ട് അസാധുവാകുന്നതിനു മുൻപു തന്നെ ഇയാള്‍ ജോര്‍ജിയയിലെത്തി എന്നാണ് നിഗമനം. ഈ സാഹചര്യത്തിൽ വിജയ് ബാബു കീഴടങ്ങിയേക്കില്ലെന്നും പോലീസ് കണക്കുകൂട്ടുന്നു.മുൻകൂര്‍ ജാമ്യാപേക്ഷയിൽ കോടതി വിധി പറയുന്നതിനു മുൻപ് നാട്ടിൽ മടങ്ങിയെത്തരുതെന്ന് വിജയ് ബാബുവിന് നിയമോപദേശം ലഭിച്ചിട്ടുണ്ട്. ഹൈക്കോടതി ജാമ്യാപേക്ഷ തള്ളിയാൽ സുപ്രീം കോടതിയെ സമീപിക്കാനാണ് നീക്കം.

Related Articles

stay connected

3,430FansLike
800FollowersFollow
19,100SubscribersSubscribe
- Advertisement -spot_img

Latest Articles