26.9 C
Kollam
Friday, January 28, 2022
spot_img

എൻ പരമേശ്വരൻ നമ്പൂതിരി ശബരിമല മേൽശാന്തി; മാളികപ്പുറം മേൽശാന്തി ശംഭു നമ്പൂതിരി

പത്തനംതിട്ട: ശബരിമലയിലെ പുതിയ മേൽശാന്തിയായി മാവേലിക്കര കളിയ്ക്കൽ മഠത്തിൽ എൻ.പരമേശ്വരൻ നമ്പൂതിരിയെ തെരഞ്ഞെടു ത്തു. കുറവാക്കാട് ഇല്ലത്ത് ശംഭു നമ്പൂതിരിയെ മാളികപ്പുറം മേൽശാന്തി യായും തെരഞ്ഞെടുത്തു. നറുക്കെടുപ്പിലൂടെയാണ് പുതിയ മേൽശാന്തി ന്മാരെ തെരഞ്ഞെടുത്തത്. തുലാം ഒന്നായ ഞായറാഴ്ച രാവിലെ നടന്ന പ്രത്യേക പൂജകൾക്ക് ശേഷമായിരുന്നു മേൽശാന്തിന്മാരുടെ നറുക്കെടുപ്പ് നടന്നത്. ശബരിമല മേൽശാന്തിമാരുടെ അന്തിമ പട്ടികയിൽ എൻ പരമേശ്വരൻ നമ്പൂതിരിയുൾപ്പെടെ ഒൻപത് പേരായിരുന്നു ഇടം നേടിയത്. ഇതിൽ ഒൻപതാമതായിരുന്നു പരമേശ്വരൻ നമ്പൂതിരിയെ നിർദ്ദേശിച്ചിരുന്നത്.

മാളികപ്പുറം മേൽശാന്തിമാരുടെ അന്തിമ പട്ടികയിലും ഒൻപത് പേരായിരുന്നു ഇടം നേടിയത്. മേൽശാന്തിമാരുടെ പേരുകൾ വെള്ളിക്കുടത്തിലിട്ട് ശ്രീകോവിലിനുള്ളിൽ പൂജ നടത്തിയ ശേഷം ശബരിമല മേൽശാന്തി നറുക്കെടുപ്പ് ശബരീശൻ്റെ നടയിലും മാളികപ്പുറം മേൽശാന്തിയുടെ നറുക്കെടുപ്പ് മാളികപ്പുറത്തുമായിരുന്നു നടന്നത്. പുറപ്പെടാശാന്തിമാരായ ഈ രണ്ടു പേരായിരിക്കും മണ്ഡല-മകരവിളക്ക് കാലത്ത് നട തുറക്കുക.പന്തളം കൊട്ടാരത്തിൽ നിന്നുള്ള ഗോവിന്ദ് വര്‍മ, നിരഞ്ജന്‍ ആര്‍ എന്നീ 10 വയസ്സിന് മുകളിൽ പ്രായമുള്ള രണ്ട് ആൺകുട്ടികളാണ് നറുക്ക് എടുത്തത്. അതേ സമയം കനത്ത മഴയുടെ പശ്ചാത്തലത്തില്‍ ശബരിമല ഉള്‍പ്പെടുന്ന വനമേഖലകളില്‍ അപകടം ഉണ്ടാകാനുള്ള സാധ്യത കണക്കിലെടുത്ത് ഞായര്‍, തിങ്കള്‍ ദിവസങ്ങളില്‍ തീര്‍ഥാടനത്തിന് നിരോധനം പ്രഖ്യാപിച്ച് ജില്ലാ കലക്ടര്‍ ഡോ. ദിവ്യ എസ്. അയ്യര്‍ ഉത്തരവിട്ടു. രണ്ടു ദിവസമായി ജില്ലയില്‍ ശക്തമായ മഴ പെയ്യുന്ന സാഹചര്യത്തില്‍ പമ്പയിലെ വെള്ളപ്പൊക്കം, മണ്ണിടിച്ചില്‍ അടക്കമുള്ള ദുരന്ത സാധ്യതകള്‍ കണക്കിലെടുത്താണ് നിരോധന ഉത്തരവ് പുറപ്പെടുവിച്ചിരിക്കുന്നത്.

Related Articles

stay connected

3,060FansLike
827FollowersFollow
7,500SubscribersSubscribe
- Advertisement -spot_img
- Advertisement -spot_img
- Advertisement -spot_img

Latest Articles